Morning News: পুৱাৰ গুৰুত্বপূৰ্ণ খবৰৰ সৈতে আৰম্ভ কৰক আপোনাৰ দিনটো…
ব্যস্তময় জীৱনত চৌপাশৰ সকলো ঘটনা প্ৰবাহৰ খবৰ ৰখাটো সম্ভৱ নহয়। সেই বুলি আপুনি জানো খবৰৰ পৃথিৱীত এভুমুকি নমৰাকৈ থাকিব পাৰিব। সেই বাবেই দিনটোৰ আৰম্ভণিতে আমি আপোনাৰ বাবে লৈ আহিছোঁ এই শিতানটো।
পুৱাৰ খবৰ
প্ৰিয় পাঠক আমাৰ সৈতে সংযুক্ত হোৱাৰ বাবে আপোনাৰ প্ৰতি কৃতজ্ঞতা জনালোঁ। ব্যস্তময় জীৱনত চৌপাশৰ সকলো ঘটনা প্ৰবাহৰ খবৰ ৰখাটো সম্ভৱ নহয়। সেই বুলি আপুনি জানো খবৰৰ পৃথিৱীত এভুমুকি নমৰাকৈ থাকিব পাৰিব। সেই বাবেই দিনটোৰ আৰম্ভণিতে আমি আপোনাৰ বাবে লৈ আহিছোঁ এই শিতানটো। ব্যস্ততাপূৰ্ণ জীৱনৰ পৰা মাত্ৰ দুই মিনিট সময় উলিয়াই জানি লওক আপোনাৰ বাবে প্ৰয়োজনীয় কেইটামান খবৰ।
- আজি আন্তঃৰাষ্ট্ৰীয় যোগ দিৱস। এই দিৱসটোৱে শাৰীৰিক আৰু মানসিক স্বাস্থ্যৰ বাবে যোগৰ গুৰুত্বৰ ওপৰত আলোকপাত কৰে। প্ৰাচীন কালৰে পৰা ভাৰতবৰ্ষত যোগাসনে এক সুকীয়া স্থান লাভ কৰি আহিছে। এজন ব্যক্তিৰ দৈহিক, মানসিক শান্তি বৃদ্ধিৰ এক উৎস হিচাপে যোগাভ্যাসে দেশে-বিদেশে সমাদৰ লাভ কৰিছে।
- অম্বুবাচীৰ সময়ত জনসাধাৰণৰ সুৰক্ষা আৰু সুচাৰুৰূপে চলাচল সুনিশ্চিত কৰাৰ বাবে গুৱাহাটী মহানগৰ উপ-আয়ুক্তই (যাতায়ত) বিশেষ পথ নিৰ্দেশনা জাৰি কৰিছে । এই নিৰ্দেশনা অহা ২২ জুনৰ পৰা ২৫ জুনলৈকে মানি চলিব লাগিব ।
- ট্ৰাম্পৰ নিমন্ত্ৰণ নাকচ কৰি জগন্নাথ মহাপ্ৰভূৰ দেশত প্ৰধানমন্ত্ৰী মোদী। তেওঁ ওড়িশা চৰকাৰৰ এবছৰ সম্পূৰ্ণ হোৱাৰ উপলক্ষে আয়োজন কৰা কাৰ্যসূচীত অংশগ্ৰহণ কৰে। ইয়াৰ মাজতে এখন ৰাজহুৱা সভাত ভাষণ দি প্ৰধানমন্ত্ৰীয়ে এটা ডাঙৰ কথা কয়। মহাপ্ৰভু জগন্নাথৰ ভূমিলৈ আহিবলৈ আমেৰিকাৰ ৰাষ্ট্ৰপতি ড’নাল্ড ট্ৰাম্পৰ নিমন্ত্ৰণ নাকচ কৰা বুলি প্ৰধানমন্ত্ৰীয়ে কয়।
- অসমত কোনে আৰম্ভ কৰিছে জিন্নাৰ ৰাজনীতি ? সংবাদমেলত ধৰ্মীয় স্থানকে ধৰি ৰাজহুৱা স্থানত গো-মাংস আৰু গৰুৰ অংগ পেলোৱাৰ চিন্তা-চেতনাৰ আঁৰত থকাসকলৰ বিৰুদ্ধে তদন্তৰ দাবী জনাই গগৈয়ে । লগতে কেইবাটাও বিস্ফোৰক অভিযোগ উত্থাপন কৰে প্ৰদেশ কংগ্ৰেছৰ সভাপতিগৰাকীয়ে ।
- ভয়ংকৰ ৰে’ল দুৰ্ঘটনা! অৱধ আছাম এক্সপ্ৰেছৰ সৈতে ৰে’লৱেৰ ট্ৰলীৰ খুন্দা। এই দুৰ্ঘটনাত প্ৰমোদ কুমাৰ নামৰ এজন ব্যক্তি নিহত হয়। তেওঁ ট্ৰেকত কাম কৰি আছিল, লগত আছিল আন চাৰিজন। আঘাতপ্ৰাপ্তসকলক কাটিহাৰ চিকিৎসালয়লৈ লৈ যোৱা হয়। বৰ্তমান তেওঁলোকে সুস্থ আছে বুলি জানিব পৰা গৈছে।
- সঁচাকৈয়ে বিধায়কগৰাকীৰ পত্নীক অপৰহণ কৰা হৈছিল নেকি ? ৰাজ্যিক বিজেপিৰ প্ৰাক্তন সভাপতি তথা বিধায়ক কলিতাই দাবী কৰিছে যে,এইলৈ অপপ্ৰচাৰ চলাইছে একাংশ সংবাদ মাধ্যমে । মদনপুৰৰ টোলগেটত একাংশ কৰ্মচাৰীয়ে তেওঁৰ পত্নীক কৰিছিল দুৰ্ব্যৱহাৰ । যাৰ পৰিপ্ৰেক্ষিতত যোৱা ২৭ মে’ত আৰক্ষী থানাত এজাৰৰ দাখিল কৰিছিল ভৱেশ কলিতাই । সেই এজাহাৰৰ ভিত্তিতে ভুৱা প্ৰচাৰ কৰা বুলি দাবী কৰিছে ভৱেশ কলিতাই ।
- TCS ৰ প’লিচি পৰিৱৰ্তনে প্ৰত্যক্ষভাৱে প্ৰভাৱিত কৰিছে কৰ্মচাৰীসকলক । কোৱা হৈছে, নিদিষ্ট সময়ৰ ভিতৰত কৰ্মচাৰীয়ে কোম্পানীৰ কোনো প্ৰজেক্ট নাপালে বৃদ্ধি নহয় দৰমহা । একে সময়তে সলনি কৰা হৈছে বেঞ্চ টাইম ।
- ইংলেণ্ডৰ তিনিটা অদৃশ্য ভাবুকিয়ে টুকুৰিয়াইছে টিম ইণ্ডিয়াৰ দুৱাৰত। ভাৰতীয় খেলুৱৈয়ে কেতিয়াও তেওঁলোকৰ মুখামুখি হোৱা নাই, গতিকে এই খেলুৱৈসকলে শুভমন গিলৰ দলৰ বহু ক্ষতি কৰিব পাৰে। এই ভাবুকি হিচাপে আছে বেগী বলাৰ জোছুয়া চাৰ্লছ, চেমুৱেল জেমছ কুক আৰু দ্ৰুতবেগী অলৰাউণ্ডাৰ ব্ৰাইডেন কাৰ্ছ।
- ৰাজা ৰঘুবংশী কাণ্ডত নিতৌ পোহৰলৈ আহিছে ন ন তথ্য। এক দাবী অনুসৰি, সোণমে যি মন যায় তাকেই কৰিছিল। সোণমৰ কুণ্ডলীলৈ চাই গম পোৱা যায় যে তেওঁ বিচৰাখিনি লাভ কৰিবলৈ যিকোনো পৰিসৰলৈকে যাব পাৰে।
লগতে পঢ়ক- দিনটোৰ ৰাশিফল