ahsec.assam.gov.in, ASSEB HS Result 2025 Date and Time: আজি ঘোষণা হ’ব উচ্চতৰ মাধ্যমিক চূড়ান্ত পৰীক্ষাৰ ফলাফল, এইদৰে চাব পাৰিব ৰিজাল্ট
ASSEB HS Result 2025: এইবাৰ পৰীক্ষাত কলা শাখাত ২,৩০,০৯১জন, বিজ্ঞান শাখাত ৫৭,৭২৪ জন আৰু বাণিজ্য ১৭,৮৬৯ জন শিক্ষাৰ্থীয়ে পঞ্জীয়ন কৰিছিল। ফলাফল ঘোষণা হোৱাৰ পিছত ছাত্ৰ-ছাত্ৰীসকলে লগইন উইণ্ড’ত থকা তেওঁলোকৰ ৰোল নম্বৰ ব্যৱহাৰ কৰি ব’ৰ্ডৰ অফিচিয়েল ৱেবছাইটত নিজৰ ফলাফল পৰীক্ষা কৰিব পাৰিব।
পৰীক্ষাৰ ফলাফল
৩০ এপ্ৰিল অৰ্থাৎ ঘোষণা কৰা হ’ব উচ্চতৰ মাধ্যমিক চূড়ান্ত পৰীক্ষাৰ ফলাফল। বুধবাৰে পুৱা ৯:০০ বজাৰ লগে লগে ৱেবছাইটত ছাত্ৰ-ছাত্ৰীসকলে চাব পাৰিব কলা, বিজ্ঞান, বাণিজ্য আৰু ভকেচনেল শাখাৰ ফলাফল।এইবাৰ মুঠ ৩০২৪২০ গৰাকী শিক্ষাৰ্থী অৱতীৰ্ণ হৈছিল উচ্চতৰ মাধ্যমিক পৰীক্ষাত। এই সন্দৰ্ভত মঙলবাৰে জাননি প্ৰকাশ কৰিছে অসম ৰাজ্যিক বিদ্যালয় শিক্ষা বৰ্ডে। সামাজিক মাধ্যমযোগে এই ঘোষণা কৰে শিক্ষামন্ত্ৰী ডাঃ ৰণোজ পেগুৱে। এই সন্দৰ্ভত সামাজিক মাধ্যমত পোষ্ট শ্বেয়াৰ কৰিলে মুখ্যমন্ত্ৰী হিমন্ত বিশ্ব শৰ্মাই।
এইবাৰ পৰীক্ষাত কলা শাখাত ২,৩০,০৯১জন, বিজ্ঞান শাখাত ৫৭,৭২৪ জন আৰু বাণিজ্য ১৭,৮৬৯ জন শিক্ষাৰ্থীয়ে পঞ্জীয়ন কৰিছিল। বিগত বছৰত ৯ মে’ৰ পুৱা ৯ বজাত উচ্চতৰ মাধ্যমিক চূড়ান্ত পৰীক্ষাৰ ফলাফল ঘোষণা কৰা হৈছিল। ফলাফল ঘোষণা হোৱাৰ পিছত ছাত্ৰ-ছাত্ৰীসকলে অসম ৰাজ্যিক শিক্ষা ব’ৰ্ডৰ অফিচিয়েল ৱেবছাইট ahsec.assam.gov.inআৰু asseb.in ত তেওঁলোকৰ ৰোল নম্বৰ ব্যৱহাৰ কৰি নিজৰ ফলাফল চাব পাৰিব। ইয়াৰ উপৰিও ‘UPOLOBDHA’ নামৰ বিশেষ মোবাইল এপযোগেও পাব ফলাফল।
অনলাইনযোগে মুঠ ১২টা ৱেবছাইটত ফলাফল চাব পাৰিব শিক্ষাৰ্থীসকলে
- ahsec.assam.gov.in
- assamresult.in
- assamjobalerts.com
- indiaresults.com
- schools9.com
- results.shiksha 24.in
- iresults.in
- iresults.net
- vidyavision.com
- jagranjosh.com
- ndtv.com
- indianexpress.com
Assam Board Class 12 Results 2025: কেনেকৈ অনলাইনত ফলাফল লাভ কৰিব
- অসম ব’ৰ্ডৰ অফিচিয়েল ৱেবছাইট ahsec.assam.gov.inলৈ যাওক
- Assam HS 12th Result 2025 লিংকত ক্লিক কৰক
- পাছত ৰোল আৰু নম্বৰটো দি চাবমিট কৰিব।
- তাৰ পাছত ফলাফল ওলাই পৰিব।
- ইয়াৰ পৰা আপুনি মাৰ্কশ্বিট ডাউনলোড কৰিব পাৰিব।
এইদৰে এছএমএছৰ জৰিয়তে ফলাফল চাব পাৰিব
- আপোনাৰ ফোনত মেছেজিং এপটো খুলিব।
- নতুন মেছেজ লিখক: ASSAM12<space>Roll Number.
- ৫৬২৬৩ নম্বৰত এছএমএছ প্ৰেৰণ কৰক।
- ফলাফল একে নম্বৰলৈ টেক্সট মেছেজ হিচাপে প্ৰেৰণ কৰা হ’ব।
পিছত ছাত্ৰ-ছাত্ৰীসকলে তেওঁলোকৰ বিদ্যালয়ৰ পৰা তেওঁলোকৰ মূল দ্বাদশ শ্ৰেণীৰ নম্বৰ শ্বীট সংগ্ৰহ কৰিব লাগিব। অনলাইন মাৰ্কশ্বীটখন ছাত্ৰ-ছাত্ৰীয়ে কেৱল কলেজত নামভৰ্তিৰ বাবেহে ব্যৱহাৰ কৰিব পাৰিব। মাৰ্ক শ্বীটত ছাত্ৰ-ছাত্ৰীৰ ব্যক্তিগত তথ্যৰ লগতে বিভিন্ন বিষয়ত লাভ কৰা নম্বৰৰ তথ্য থাকিব। এই বছৰ ১৩ ফেব্ৰুৱাৰীৰ পৰা ১৭ মাৰ্চলৈ দুটা শ্বিফটত অনুষ্ঠিত হৈছিল এই পৰীক্ষা। ২৯ জানুৱাৰীৰ পৰা ১০ ফেব্ৰুৱাৰীলৈ অনুষ্ঠিত হৈছিল ব্যৱহাৰিক পৰীক্ষা।
লগতে পঢ়ক: আজি ঘোষণা হ’ব উচ্চতৰ মাধ্যমিক চূড়ান্ত পৰীক্ষাৰ ফলাফল, প্ৰতিমুহূৰ্তৰ আপডেট চাওক