ভাৰতীয় ঔষধ কোম্পানীৰ গুদামত ৰাছিয়াৰ মিছাইল আক্ৰমণ! ইউক্ৰেইনে ক’লে- এয়া কেনে বন্ধুত্ব?

ভাৰতীয় ঔষধ কোম্পানীৰ গুদামত ৰাছিয়াৰ মিছাইল আক্ৰমণ!

ৰাছিয়া আৰু ইউক্ৰেইনৰ মাজত অতি সোনকালে যুদ্ধবিৰতি নিশ্চিত কৰাৰ বাবে আমেৰিকাই অহৰহ চেষ্টা চলাই আছে। কিন্তু ইফালে শনিবাৰে ৰাছিয়া আৰু ইউক্ৰেইনৰ শীৰ্ষ কূটনীতিবিদসকলে ইজনে সিজনক  আক্ৰমণ কৰাৰ অভিযোগ উত্থাপন কৰে। যিহেতু দুয়োখন দেশৰ মাজত চুক্তি হৈছিল যে তেওঁলোকে ইজনে সিজনৰ শক্তিৰ গাঁথনিক লক্ষ্য কৰি লোৱা নলয়।

ভাৰতত থকা ইউক্ৰেইনৰ দূতাবাসে প্ৰকাশ কৰা অনুসৰি শনিবাৰে ৰাছিয়াই ইউক্ৰেইনত থকা ভাৰতীয় ঔষধ কোম্পানীৰ গুদামত মিছাইল আক্ৰমণ কৰে। ছ’চিয়েল মিডিয়াত এটা পোষ্টত দূতাবাসে অভিযোগ উত্থাপন কৰে যে, ৰাছিয়াই ভাৰতৰ সৈতে বন্ধুত্বপূৰ্ণ সম্পৰ্কৰ থকা বুলি দাবী কৰিছে যদিও ইচ্ছাকৃতভাৱে ইউক্ৰেইনত থকা ভাৰতীয় ব্যৱসায়ীসকলক লক্ষ্য কৰি লৈছে।

ইউক্ৰেইনৰ দূতাবাসে প্ৰকাশ কৰা অনুসৰি ইউক্ৰেইনত থকা ভাৰতীয় ঔষধ কোম্পানী কুছুমৰ গুদামত শনিবাৰে ৰাছিয়াৰ মিছাইল আক্ৰমণ কৰে। তেওঁলোকে কয় যে, ভাৰতৰ সৈতে বন্ধুত্বপূৰ্ণ বুলি দাবী কৰা ৰাছিয়াই ইচ্ছাকৃতভাৱে ভাৰতীয় ব্যৱসায়ীক লক্ষ্য কৰি লৈছে। তেওঁলোকে শিশু আৰু বৃদ্ধৰ বাবে উপলব্ধ নিৰ্ধাৰিত ঔষধসমূহ শেষ কৰিছে।

ৰাছিয়া-ইউক্ৰেইনৰ সংঘাতৰ ক্ষেত্ৰত ভাৰতৰ স্থিতি স্পষ্ট

উল্লেখ্য যে, এই আক্ৰমণ এনে এটা সময়ত সংঘটিত হৈছে যেতিয়া ৰাছিয়া-ইউক্ৰেইন সংঘাতত ভাৰত চৰকাৰে যুদ্ধৰ বিৰুদ্ধে নিজৰ স্থিতি স্পষ্ট কৰি দিছে। ইয়াৰ মাজতে প্ৰধানমন্ত্ৰী নৰেন্দ্ৰ মোদীয়ে কৈছে যে, আমি শান্তিৰ পক্ষত। প্ৰধানমন্ত্ৰী মোদীয়ে কয়, “ৰাছিয়া আৰু ইউক্ৰেইন উভয়ৰে সৈতে মোৰ ঘনিষ্ঠ সম্পৰ্ক আছে। মই ৰাষ্ট্ৰপতি পুটিনক ক’ব পাৰো যে এয়া যুদ্ধৰ সময় নহয়, আৰু ৰাষ্ট্ৰপতি জেলেনস্কিক ক’ব পাৰো যে পৃথিৱীৰ যিমানেই মানুহ আপোনাৰ লগত নাথাকক কিয়, যুদ্ধই কেতিয়াও কোনো সমাধানৰ দিশ হ’ব নোৱাৰে।”

ইফালে শনিবাৰে ৰাছিয়া আৰু ইউক্ৰেইনৰ শীৰ্ষ কূটনীতিবিদসকলে ইজনে সিজনক বিদ্যুৎ কেন্দ্ৰত আক্ৰমণ কৰাৰ অভিযোগ উত্থাপন কৰে। মাত্ৰ কেইদিনমানৰ আগতে আমেৰিকাৰ মধ্যস্থতাত ৰাছিয়া আৰু ইউক্ৰেইনৰ মাজত চুক্তি হৈছিল যে দুয়োখন দেশে ইজনে সিজনৰ শক্তিৰ গাঁথনিক লক্ষ্য কৰি লোৱা নহ’ব। এনে পৰিস্থিতিত  এতিয়া ৰাছিয়া আৰু ইউক্ৰেইনৰ শান্তি চুক্তিক লৈ প্ৰশ্ন উত্থাপন হৈছে। আমেৰিকাই এই দুয়োখন দেশৰ মাজত অতি সোনকালে যুদ্ধবিৰতি আনিবলৈ চেষ্টা কৰিছে।