Nobel Prize 2025: ২০২৫ৰ চিকিৎসা বিজ্ঞানৰ ন’বেল বঁটা ঘোষণা, ৩ গৰাকী ব্যক্তিলৈ এই সন্মান…
মঙলবাৰে পদাৰ্থ বিজ্ঞানৰ ন’বেল বঁটা, বুধবাৰে ৰসায়ন বিজ্ঞান, আৰু বৃহস্পতিবাৰে সাহিত্য বিজ্ঞানৰ নোবেল বঁটা বিজয়ীসকলৰ নাম ঘোষণা কৰা হ’ব। শুকুৰবাৰে শান্তি আৰু ১৩ অক্টোবৰত অৰ্থনীতিৰ ন’বেল বঁটা বিজয়ীৰ নাম ঘোষণা কৰা হ’ব। এইবাৰ শান্তিৰ ন’বেল বঁটাৰ বাবে মনোনীত হৈছে ট্ৰাম্প।
২০২৫ৰ চিকিৎসা বিজ্ঞানৰ ন’বেল বঁটা ঘোষণা
সোমবাৰৰ পৰা আৰম্ভ হৈছে ২০২৫ চনৰ ন’বেল বঁটা ঘোষণাৰ কাৰ্যসূচী। চিকিৎসা বিজ্ঞানৰ ক্ষেত্ৰত মানৱতালৈ আগবঢ়োৱা অৱদানৰ বাবে তিনিজন ব্যক্তিৰ নাম ঘোষণা কৰা হৈছে। ন’বেল কৰ্তৃপক্ষৰ মতে, এইবাৰৰ ন’বেল বঁটা মেৰী ই ব্ৰুংকো, ফ্ৰেড ৰেমছডেল, আৰু শ্বিমল ছাকাগুচিক প্ৰদান কৰা হ’ব। কৰ্তৃপক্ষই উল্লেখ কৰিছে যে এই তিনিওজনক ইমিউন টোলাৰেন্সৰ সৈতে জড়িত আৱিষ্কাৰৰ বাবে এই পুৰস্কাৰ প্ৰদান কৰা হ’ব।
পেৰিফেৰেল ইমিউন টোলাৰেন্সৰ সৈতে জড়িত আৱিষ্কাৰৰ বাবে সোমবাৰে মেৰী ই ব্ৰুংকো, ফ্ৰেড ৰেমছডেল আৰু শ্বিমন ছাকাগুচিক চিকিৎসা বিজ্ঞানৰ ন’বেল বঁটা প্ৰদানৰ কথা ঘোষণা কৰা হয়। পেৰিফেৰেল ইমিউন টোলাৰেন্স হৈছে এনে এক ব্যৱস্থা যিয়ে শৰীৰৰ ৰোগ প্ৰতিৰোধ ক্ষমতা নিয়ন্ত্ৰণৰ বাহিৰলৈ গৈ বাহ্যিক ৰোগ সৃষ্টিকাৰী জীৱাণুৰ পৰিৱৰ্তে নিজৰ কলাবোৰক আক্ৰমণ কৰাত বাধা দিয়ে। ২০২৫ চনৰ নোবেল বঁটাৰ প্ৰথম ঘোষণা আৰু ষ্টকহ’মৰ কেৰ’লিনস্কা ইনষ্টিটিউটৰ এখন কমিটীয়ে মনোনীতসকলৰ নাম ঘোষণা কৰে।
উল্লেখ্য যে, বিগত বছৰত বছৰ মাইক্ৰ’আৰএনএ (ৰাইব’নিউক্লিক এচিড) আৱিষ্কাৰৰ বাবে আমেৰিকাৰ নাগৰিক ভিক্টৰ এম্ব্ৰ’জ আৰু গেৰী ৰুভকুনক যৌথভাৱে এই বঁটা প্ৰদান কৰা হৈছিল। মাইক্ৰ’আৰএনএ হৈছে জিনীয় পদাৰ্থৰ ক্ষুদ্ৰ কণা যিয়ে কোষৰ ভিতৰত অন-অফ চুইচ হিচাপে কাম কৰে, যিয়ে কোষে কি আৰু কেতিয়া কৰে নিয়ন্ত্ৰণ কৰাত সহায় কৰে।
শুকুৰবাৰে ঘোষণা কৰা হ’ব শান্তিৰ ন’বেল বঁটা
মঙলবাৰে পদাৰ্থ বিজ্ঞানৰ ন’বেল বঁটা, বুধবাৰে ৰসায়ন বিজ্ঞান, আৰু বৃহস্পতিবাৰে সাহিত্য বিজ্ঞানৰ নোবেল বঁটা বিজয়ীসকলৰ নাম ঘোষণা কৰা হ’ব। শুকুৰবাৰে শান্তি আৰু ১৩ অক্টোবৰত অৰ্থনীতিৰ ন’বেল বঁটা বিজয়ীৰ নাম ঘোষণা কৰা হ’ব। এইবাৰ শান্তিৰ ন’বেল বঁটাৰ বাবে মনোনীত হৈছে ট্ৰাম্প। এতিয়া এই বঁটা লাভ কৰাত ট্ৰাম্প সফল হ’ব নে নহয় সেয়া হ’ব লক্ষ্যণীয়।
ন’বেল বঁটা কি?
২০২৫ চনৰ ১০ ডিচেম্বৰত এই বঁটাসমূহৰ প্ৰতিষ্ঠাপক আলফ্ৰেড ন’বেলৰ মৃত্যু বাৰ্ষিকীত এইবাৰৰ নোবেল বঁটা প্ৰদান অনুষ্ঠান অনুষ্ঠিত হ’ব। ন’বেল আছিল ছুইডেনৰ এজন ধনী উদ্যোগপতি আৰু ডাইনামাইটৰ উদ্ভাৱক। ১৮৯৬ চনৰ এই দিনটোতে তেওঁৰ মৃত্যু হয়।মৃত্যুৰ পূৰ্বে ১৮৯৫ চনৰ উইলত ন’বেল এই বাৰ্ষিক বঁটাসমূহৰ বাবে ধনৰ বাবে নিজৰ সম্পত্তিৰ এক বৃহৎ অংশ এৰি থৈ যায়। ১৯০১ চনত পদাৰ্থ বিজ্ঞান, ৰসায়ন বিজ্ঞান, চিকিৎসা বিজ্ঞান, সাহিত্য, শান্তিৰ ক্ষেত্ৰত অসাধাৰণ কৃতিত্বৰ বাবে প্ৰথম ন’বেল বঁটা প্ৰদান কৰা হয়। ইয়াৰ পিছত ১৯৬৮ চনত ছুইডেনৰ কেন্দ্ৰীয় বেংক স্বেৰিজেছ ৰিক্সবেংকে আলফ্ৰেড নোবেলৰ স্মৃতিত অৰ্থনৈতিক বিজ্ঞানৰ ন’বেল বঁটা ঘোষণা কৰে আৰু ইয়াৰ শিতানসমূহ ছটালৈ সম্প্ৰসাৰিত কৰে।