ISI-আণ্ডাৰৱৰ্ল্ড ডনৰ সৈতে সম্পৰ্ক, বাবা ছিদ্দিকী, সিদ্ধু মুছেৱালা হত্যাকাণ্ড … ভাৰতলৈ কুখ্যাত অপৰাধী চেলিম পিষ্টল

চেলিম পিষ্টল

নিৰাপত্তা সংস্থাৰ সহযোগত ভাৰতৰ সৰ্ববৃহৎ অস্ত্ৰ যোগানকাৰী শ্বেখ চেলিম ওৰফে চেলিম পিষ্টলক ভাৰতলৈ আনিছে দিল্লী আৰক্ষীৰ বিশেষ কোষে। ৯ আগষ্টত নেপালত গ্ৰেপ্তাৰ হৈছিল চেলিমক। তথ্য অনুসৰি তেওঁক ৰাজধানীত থকা দিল্লী আৰক্ষীৰ বিশেষ কোষৰ কাৰ্যালয়ত ৰখা হৈছে।

২০১৮ চনৰ পৰা পলাতক হৈ আছিল চেলিম। তেওঁ একেজনই ব্যক্তি যিয়ে ভাৰতৰ গেংষ্টাৰক তুৰ্কীত নিৰ্মিত জিগানা পিষ্টল যোগান ধৰিছিল। বহু বছৰ ধৰি তেওঁ পাকিস্তানৰ পৰা আধুনিক অস্ত্ৰ সৰবৰাহ কৰি গেংষ্টাৰক যোগান ধৰি আছিল। ২০১৮ চনত দিল্লী আৰক্ষীয়ে তেওঁক প্ৰথমবাৰৰ বাবে ধৰিছিল যদিও জামিন লাভ কৰাৰ পিছত তেওঁ বহিঃৰাজ্যলৈ পলায়ন কৰে।

ISI , আণ্ডাৰৱৰ্ল্ডৰ সৈতে আছিল সম্পৰ্ক

সংস্থাসমূহৰ মতে, পাকিস্তানৰ চোৰাংচোৱা সংস্থা আইএছআই আৰু আণ্ডাৰৱৰ্ল্ড ডন ডাউদ ইব্ৰাহিমৰ নেটৱৰ্কৰ সৈতে চেলিমৰ গভীৰ সম্পৰ্ক আছিল। সিদ্ধু মুছেৱালা হত্যাকাণ্ডৰ এজন অভিযুক্তৰ গুৰু বুলিও সন্দেহ কৰা হৈছে। বাবা ছিদ্দিকী হত্যাকাণ্ডৰ গোচৰতো তেওঁৰ নাম সোমাই পৰিছিল। লৰেন্স বিষ্ণয়, হাছিম বাবাৰ দৰে কুখ্যাত গেংষ্টাৰকো তেওঁ অস্ত্ৰ যোগান ধৰিছিল।

অপৰাধৰ জগতখনত কেনেকৈ প্ৰৱেশ কৰিলে

ফ্ৰী প্ৰেছ জাৰ্নেলত প্ৰকাশিত এক প্ৰতিবেদন অনুসৰি চেলিম পিষ্টলৰ প্ৰকৃত ঘৰ দিল্লীৰ জাফৰাবাদত। অষ্টম শ্ৰেণীৰ পিছত পঢ়া-শুনা এৰি চালিমে চালকৰ কাম আৰম্ভ কৰে। ২০০০ চনত তেওঁ অপৰাধৰ জগতখনত প্ৰৱেশ কৰে। তেওঁৰ সংগী মুকেশ গুপ্ত ওৰফে কাকাৰ সৈতে বাহন চুৰি কৰি থকা অৱস্থাত ধৰা পৰিছিল।

২০১১ চনত ছালিমে জাফৰাবাদত ২০ লাখ টকাৰ বৃহৎ অস্ত্ৰৰ ডকাইতি সংঘটিত কৰিছিল। ২০১৩ চনত আৰক্ষীৰ হাতত ধৰা পৰাত আই পি চিৰ ৩৯৫ আৰু ৩৯৭ ধাৰাত গোচৰ ৰুজু হৈছিল। সময়ৰ লগে লগে তেওঁ অপৰাধৰ জগতখনত বিশালতা বাঢ়ি আহি এজন ডাঙৰ অস্ত্ৰ সৰবৰাহকাৰী হৈ পৰিল, যিয়ে আন্তঃৰাষ্ট্ৰীয় পৰ্যায়তো স্বীকৃতি লাভ কৰিলে।

 জিগানা পিষ্টল সৰবৰাহ কৰিছিল

আৰক্ষীৰ তদন্তত প্ৰকাশ পাইছে যে ভাৰতৰ গেংষ্টাৰৰ মাজত অতি জনপ্ৰিয় তুৰ্কীত নিৰ্মিত জিগানা পিষ্টল সৰবৰাহত চেলিম গভীৰভাৱে জড়িত আছিল। তেওঁক বুলন্দশ্বহৰৰ খুৰ্জাৰ দুজন ভাতৃয়ে পাকিস্তানৰ পৰা ভাৰতলৈ এই অস্ত্ৰ সৰবৰাহ কৰাত  সহায় কৰিছিল। সৰবৰাহৰ সময়ত পিষ্টলটোৰ অংশবোৰ ছিন্নভিন্ন কৰি বাহনৰ লুকাই থকা অংশত লুকুৱাই ৰাখি পিছত একত্ৰিত কৰা হয়।