প্ৰচণ্ড ভূমিকম্প! ৬২২ জন লোকে হেৰুৱালে প্ৰাণ, আহত ১৫০০কৈও অধিক…

ভূমিকম্পই জোকাৰি গ'ল আফগানিস্তান

দেওবাৰে নিশা ভূমিকম্পই জোকাৰি যায় পাকিস্তান সীমান্তৰ সমীপৱৰ্তী পূব আফগানিস্তান। আমেৰিকাৰ ভূতাত্ত্বিক জৰীপৰ তথ্য অনুসৰি ৰিখটাৰ স্কেলত এই ভূমিকম্পৰ প্ৰাবল্য আছিল ৬.০। ইউ এছ জি এছৰ তথ্য অনুসৰি ভূমিকম্পৰ অভিকেন্দ্ৰ নংগাৰহৰ প্ৰদেশৰ জালালাবাদৰ সমীপত ৮ কিলোমিটাৰ গভীৰতাত। প্ৰাদেশিক স্বাস্থ্য বিভাগৰ মুখপাত্ৰ আজমল দৰৱেশে জনোৱা মতে, পূব প্ৰদেশ নংগাৰহৰত এই পৰ্যন্ত ৬২২ জন লোক নিহত হোৱাৰ লগতে ১৫০০কৈও অধিক লোক আহত হয়।।

ভূমিকম্প ইমানেই প্ৰবল আছিল যে ভাৰতৰ বহু ঠাইত বিশেষকৈ দিল্লী-এনচিআৰত ইয়াৰ কম্পন অনুভৱ কৰা হৈছিল। ইয়াৰ উপৰিও পাকিস্তানতো ভূমিকম্পৰ কম্পন অনুভৱ কৰা হয়। প্ৰায় ২০ মিনিটৰ পাছত একেখন প্ৰদেশতে ১০ কিলোমিটাৰ গভীৰতাত ৪.৫ প্ৰাবল্যৰ দ্বিতীয়টো ভূমিকম্পই জোকাৰি যায় । স্থানীয় সময় অনুসৰি দেওবাৰে নিশা ১১:৪৭ বজাত ভূমিকম্প অনুভূত হয়।

আফগানিস্তানত ৬.৩ প্ৰাবল্যৰ ভূমিকম্প

উল্লেখ্য ২০২৩ চনৰ ৭ অক্টোবৰত আফগানিস্তানত ৬.৩ প্ৰাবল্যৰ ভূমিকম্প হয় আৰু তাৰ পিছতে প্ৰচণ্ড জোকাৰণিৰ সৃষ্টি হয়। তালিবান চৰকাৰৰ অনুমান অনুসৰি কমেও সেই ৪ হাজাৰ লোকৰ মৃত্যু হৈছে। ৰাষ্ট্ৰসংঘই মৃত্যুৰ সংখ্যা বহু কম, প্ৰায় ১৫০০ বুলি প্ৰকাশ কৰিছে। শেহতীয়াকৈ আফগানিস্তানত হোৱা আটাইতকৈ মাৰাত্মক প্ৰাকৃতিক দুৰ্যোগ আছিল।

এমাহৰ ভিতৰত ৫মবাৰৰ বাবে ভূমিকম্প

বিগত এমাহত এয়া আফগানিস্তানত ৫মটো ভূমিকম্প। আফগানিস্তান ভূমিকম্পৰ প্ৰৱণ অঞ্চল। এনে পৰিস্থিতিত ইয়াত সঘনাই ভূমিকম্প ঘটি থাকে। ইয়াৰ পূৰ্বে ২৭ আগষ্টত ৫.৪, ১৭ আগষ্টত ৪.৯, ১৩ আগষ্টত ৪.২ প্ৰাবল্যৰ ভূমিকম্প ১০ কিলোমিটাৰ গভীৰতাত সংঘটিত হৈছিল। ইয়াৰ পূৰ্বে ৮ আগষ্টত ১০ কিলোমিটাৰ গভীৰতাত ৪.৩ প্ৰাবল্যৰ ভূমিকম্প সংঘটিত হৈছিল।

ভূমিকম্পৰ তীব্ৰতা কেনেকৈ জুখিব পাৰি?

ৰিখটাৰ স্কেল ব্যৱহাৰ কৰি ভূমিকম্প জুখিব পাৰি। ইয়াক ৰিখটাৰ মেগনিটুড টেষ্ট স্কেল বুলি কোৱা হয়। ৰিখটাৰ স্কেলত ভূমিকম্প ১ৰ পৰা ৯ৰ ভিত্তিত জুখিব পাৰি।ইয়াক ইয়াৰ কেন্দ্ৰৰ পৰা অৰ্থাৎ ভূখণ্ডৰ পৰা জুখিব পাৰি। ভূমিকম্পৰ সময়ত পৃথিৱীৰ ভিতৰৰ পৰা নিৰ্গত শক্তিৰ তীব্ৰতা ইয়াৰ দ্বাৰা জুখিব পাৰি। এই তীব্ৰতাৰ পৰাই ভূমিকম্পৰ জোকাৰণিৰ ভয়াৱহতা অনুমান কৰা হয়।