ভাৰতৰ সীমান্তৰ পৰা কিছু দূৰৈত পাৰমানৱিক ক্ষেপণাস্ত্ৰ মজুত কৰিছে চীনে! ইয়াৰ উদ্দেশ্য কি?

ভাৰতৰ সীমান্তৰ সমীপত চীনৰ পাৰমানৱিক ঘাটি

চীনৰ পাৰমাণৱিক ঘাটি সন্দৰ্ভত আমেৰিকাই প্ৰকাশ কৰিছে চাঞ্চল্যকৰ তথ্য। পেন্টাগনৰ এক প্ৰতিবেদন অনুসৰি চীনে নিজৰ পাৰমাণৱিক অস্ত্ৰ মজুত কৰিবলৈ মংগোলীয় সীমান্তৰ ওচৰত এটা ঢাল নিৰ্মাণ কৰিছে। আমেৰিকাৰ প্ৰতিবেদন অনুসৰি সৰ্বাধিক পাৰমাণৱিক ক্ষেপণাস্ত্ৰ চীনৰ য়ুমেন আৰু হামি চহৰত আছে, এই দুয়োখন চহৰ ভাৰতৰ সীমান্তৰ পৰা ২৫০০ কিলোমিটাৰ দূৰত্বত অৱস্থিত।

সংবাদ সংস্থা ৰয়টাৰে চীনৰ পাৰমাণৱিক কাৰ্যসূচী সন্দৰ্ভত এক প্ৰতিবেদন প্ৰস্তুত কৰিছে। ইয়াত উল্লেখ কৰা হৈছে যে চীনে নিজৰ পাৰমাণৱিক কাৰ্যসূচীৰ পৰা পিছুৱাই যাব নোৱাৰে। আমেৰিকাৰ হেঁচাত চীনে নিজৰ ১০০টা পাৰমাণৱিক ক্ষেপণাস্ত্ৰ এই ঢালত মজুত কৰিছে।

প্ৰশ্ন : চীনৰ হাতত কিমান পাৰমাণৱিক অস্ত্ৰ আছে?

এটমিক ছায়েন্স জাৰ্নেলত প্ৰকাশিত এক প্ৰতিবেদন অনুসৰি চীনৰ হাতত বৰ্তমান ৬০০টা পাৰমাণৱিক অস্ত্ৰ আছে। ইয়াৰ ভিতৰত ১২খন পাৰমাণৱিক চাবমেৰিন অন্তৰ্ভুক্ত। চীনে প্ৰতি বছৰে ১০০টা পাৰমাণৱিক অস্ত্ৰ উৎপাদন কৰি আছে। চীনৰ অধিকাংশ পাৰমাণৱিক অস্ত্ৰ মংগোলিয়াত বা আফগানিস্তান সীমান্তত নিৰ্মাণ কৰা হৈছে।

আমেৰিকাৰ ৰাষ্ট্ৰপতিগৰাকীৰ মতে, চীনে পাৰমাণৱিক অস্ত্ৰৰ সংখ্যাৰ ক্ষেত্ৰত ৰাছিয়া আৰু আমেৰিকাক চেৰ পেলাবলৈ চেষ্টা চলাইছে। বৰ্তমান আমেৰিকা আৰু ৰাছিয়াৰ হাতত ৫ হাজাৰৰো অধিক পাৰমাণৱিক অস্ত্ৰ আছে। ভাৰতৰ হাতত আছে ১৮০ টা পাৰমাণৱিক অস্ত্ৰ, আনহাতে পাকিস্তানৰ হাতত আছে ১৭০ টা পাৰমাণৱিক অস্ত্ৰ। এছিয়াত কেৱল চীন, ভাৰত আৰু পাকিস্তানৰ হাতত পাৰমাণৱিক অস্ত্ৰ আছে।

ভাৰতৰ পৰা কিমান দূৰত চীনৰ পাৰমাণৱিক ঘাটি?

ডিষ্টেন্স ইনফ’ৰ তথ্য অনুসৰি য়ুমেন চহৰৰ পৰা ভাৰতৰ সীমান্তলৈ দূৰত্ব বিমানযোগে ২,৬৭৬ কিলোমিটাৰ। স্থলপথেৰে এই দূৰত্ব ৮০০০ কিলোমিটাৰৰ অধিক। ভাৰতৰ সীমান্তৰ পৰা হামি চহৰখনো প্ৰায় একে দূৰত্বত আছে। দুয়োখন চহৰ গোবি মৰুভূমিত অৱস্থিত।

অ’ আৰ এফৰ তথ্য অনুসৰি চীনৰ হাতত ১০ হাজাৰ কিলোমিটাৰৰ অধিক দূৰত্বৰ কেইবাটাও পাৰমাণৱিক ক্ষেপণাস্ত্ৰ আছে। উদাহৰণস্বৰূপে চীনৰ ডি এফ-৪১ বিমানৰ ৰেঞ্জ ১২,০০০-১৫,০০০ কিলোমিটাৰ। একেদৰে ডি এফ-৫ৰ ৰেঞ্জো ১২ হাজাৰ কিলোমিটাৰ।

আমেৰিকাৰ পিছতে চীনৰ হাতত দ্বিতীয় শক্তিশালী পাৰমাণৱিক চাবমেৰিন আছে। চীনে ইয়াৰ নাম ৰাখিছে ফুজিয়ান। চীনৰ অধিকাংশ পাৰমাণৱিক অস্ত্ৰ ইউৰেনিয়াম ভিত্তিক।