শীঘ্ৰে দেশত বলবৎ হ’ব নতুন আয়কৰ বিধেয়ক, কৰ কিমান বৃদ্ধি পাব?
কেন্দ্ৰীয় বিত্তমন্ত্ৰীয়ে কয় যে এই নতুন বিধেয়কত ভাষাটো সৰল কৰা হৈছে। সাধাৰণ মানুহে সহজে বুজিব পৰাকৈ মাত্ৰ ৬ মাহৰ ভিতৰতে জটিল আয়কৰ আইনখন সংশোধন কৰা হৈছে। পুৰণি আইনখনৰ ৮১৯টা ধাৰাৰ পৰা নতুন বিধেয়কত ৫৩৬টা ধাৰালৈ হ্ৰাস কৰা হৈছে।
৬০ দশকৰো অধিক পুৰণি আয়কৰ আইনক চিৰদিনৰ বাবে বিদায় দি ভাৰতীয় সংসদে নতুন আয়কৰ বিধেয়কখন গৃহীত কৰে। যদিও ১৯৬১ চনৰ আয়কৰ আইন এতিয়াও বলবৎ হৈ আছে, এই নতুন আয়কৰ বিধেয়ক ২০২৬ চনৰ ১ এপ্ৰিল অৰ্থাৎ অহা বছৰৰ পৰা কাৰ্যকৰী হ’ব। কিন্তু নতুন আয়কৰ বিধেয়কত কি পৰিৱৰ্তন কৰা হৈছে? কৰ বৃদ্ধি হৈছে নেকি? এনে বহু প্ৰশ্ন কৰদাতাৰ মনত উত্থাপন হৈছে।
ৰাজ্যসভাত এই বিধেয়কখন গৃহীত কৰাৰ সময়ত দিয়া ভাষণত কেন্দ্ৰীয় বিত্তমন্ত্ৰী নিৰ্মলা সীতাৰমণে স্পষ্টকৈ কয় যে, এই নতুন বিধেয়কখনত কোনো নতুন কৰ উত্থাপন কৰা হোৱা নাই। নতুবা আয়কৰৰ কোনো নতুন শ্লেবো অহা নাই। তেন্তে এই নতুন আয়কৰ বিধেয়কখন পুৰণি আইনখনৰ পৰা কেনেকৈ পৃথক?
Latest Videos
