চি পি ৰাধাকৃষ্ণনক চিনাকী কৰাই অতীত সুঁৱৰিলে নৰেন্দ্ৰ মোদীয়ে
এন ডি এৰ বৈঠকৰ সময়ত ৰাধাকৃষ্ণনৰ সৈতে চাৰি দশকজুৰি থকা বন্ধুত্বৰ ওপৰত আলোকপাত কৰে মোদীয়ে। এই বিষয়ে তেওঁ কয়, "আমাৰ বন্ধুত্ব সেই সময়ৰ পৰাই আৰম্ভ হৈছে, যেতিয়া আমাৰ দুয়োৰে চুলি ক'লা আছিল।"
উপ-ৰাষ্ট্ৰপতি পদৰ বাবে মনোনয়ন দাখিল কৰিলে এন ডি এ সমৰ্থিত প্ৰাৰ্থী চি পি ৰাধাকৃষ্ণনে। এইবাৰ এন ডি এৰ বৈঠকত প্ৰধানমন্ত্ৰী নৰেন্দ্ৰ মোদীয়ে আনুষ্ঠানিকভাৱে চিনাকি কৰাই দিয়ে প্ৰাৰ্থীগৰাকীক। বুধবাৰে পুৱা সংসদ ভৱনৰ লাইব্ৰেৰী ভৱনত অনুষ্ঠিত হয় এই বৈঠক। তাতেই চি পি ৰাধাকৃষ্ণনক চিনাকি কৰাই দিওঁতে প্ৰধানমন্ত্ৰী নষ্টালজিক হৈ পৰা দেখা যায়।
ৰাধাকৃষ্ণনৰ সৈতে চাৰি দশকজুৰি থকা বন্ধুত্বৰ ওপৰত আলোকপাত কৰে মোদীয়ে। এই বিষয়ে তেওঁ কয়, “আমাৰ বন্ধুত্ব সেই সময়ৰ পৰাই আৰম্ভ হৈছে, যেতিয়া আমাৰ দুয়োৰে চুলি ক’লা আছিল।”
চি পি ৰাধাকৃষ্ণনৰ জীৱন কাহিনী, সাধাৰণ পৰিয়ালৰ পৰা উত্থান, ৰাজনৈতিক জীৱন আৰু সকলো কথা এন ডি এৰ সদস্যৰ সন্মুখত উল্লেখ কৰা হয়। ৰাজ্যপাল হিচাপে ৰাধাকৃষ্ণনে সততাৰে কাম কৰিছিল বুলিও কয় প্ৰধানমন্ত্ৰীয়ে।
মোদীয়ে কয়, “তেওঁ অতি সাধাৰণ পৰিয়ালৰ পৰা আহিছে। ৰাজনৈতিক পাশাখেলৰ আওতাত তেওঁ কেতিয়াও নাথাকে।” সেইদিনা মোদীয়ে এক্সত পোষ্ট কৰি লিখিছিল, “উপ-ৰাষ্ট্ৰপতি পদৰ প্ৰাৰ্থী হিচাপে ৰাধাকৃষ্ণনক লৈ যি উৎসাহ দেখা গৈছে তাত মই সুখী।”
এই বৈঠকৰ অন্তত কেন্দ্ৰীয় মন্ত্ৰী কিৰেন ৰিজিজুৱে কয় যে প্ৰধানমন্ত্ৰীয়ে বিৰোধীকে ধৰি সকলোকে ৰাধাকৃষ্ণনক সমৰ্থন কৰিবলৈ আহ্বান জনাইছে। অৱশ্যে এন ডি এৰ আহ্বানৰ বিপৰীতে ইণ্ডিয়া ব্লকে উপ-ৰাষ্ট্ৰপতি পদৰ বাবে প্ৰক্ষেপ কৰিছে উচ্চতম ন্যায়ালয়ৰ প্ৰাক্তন ন্যায়াধীশ বি সুদৰ্শন ৰেড্ডীক। অহা ৯ ছেপ্টেম্বৰত অনুষ্ঠিত হ’ব উপ-ৰাষ্ট্ৰপতি পদৰ নিৰ্বাচন।