মাতৃ হ’বলৈ ওলাইছে নেকি সোণাক্ষী? সামাজিক মাধ্যমত ভাইৰেল ফটো

কিছুদিন পূৰ্বে কেটৰিনা কাইফ আৰু বিকি কৌশলে ঘোষণা কৰিছিল যে তেওঁলোকৰ পৰিয়াললৈ নতুন সদস্য আহি আছে। এইবাৰ সোণাক্ষী সিনহাৰ মাতৃ হোৱাৰ খবৰেও চৰ্চা লাভ কৰিছে! মুম্বাইৰ ফেশ্বন শ্ব’ৰ পৰা ভাইৰেল বিভিন্ন ফটো।

শেহতীয়াকৈ মুম্বাইত ফেশ্বন ডিজাইনাৰ বিক্ৰম ফাদনিশৰ ফেশ্বন শ্ব’ অনুষ্ঠিত হয়। তাত উপস্থিত আছিল চলমান খানৰ দৰে বলীউডৰ তাৰকা। স্বামী জাহীৰ ইকবালৰ সৈতে তাত উপস্থিত হৈছিল সোণাক্ষী সিনহা। ৰঙা ঢিলা অনাৰকলি পিন্ধা দেখা গ’ল অভিনেত্ৰীগৰাকীক। তাত সোণাক্ষীৰ বেবী বাম্প স্পষ্টকৈ দেখা গৈছিল। সেইটো দেখাৰ পিছত বলীউডত হুলস্থুলৰ সৃষ্টি হৈছে, সোণাক্ষী গৰ্ভৱতী হয় নে নহয়!

২০২৪ চনৰ জুন মাহত সোনাক্ষীয়ে জাহীৰ ইকবালৰ সৈতে বিবাহপাশত আবদ্ধ হয়। বিবাহৰ কেইমাহমানৰ ভিতৰতে সোণাক্ষী গৰ্ভৱতী হোৱাৰ উৰাবাতৰি ওলাইছিল। কিন্তু তাৰ পিছত সোনাক্ষীয়ে এই খবৰক ভুৱা বাতৰি বুলি কৈছিল। অভিনেত্ৰীগৰাকীয়ে কয়, তেওঁ গৰ্ভৱতী নহয়, বৰঞ্চ ওজন বাঢ়িছে। তেতিয়াৰ পৰাই বিভিন্ন সময়ত সোণাক্ষী মাতৃ হোৱাৰ উৰাবাতৰি বিয়পি পৰিছে। কিন্তু সোনাক্ষী বা জাহীৰ কোনোৱেই এই সন্দৰ্ভত কোনো মন্তব্য কৰা নাই। অৱশ্যে এইবাৰ ফেশ্বন শ্ব’ত তেওঁৰ ঢিলা কাপোৰ আৰু বেবী বাম্প দেখি আলোড়নৰ সৃষ্টি হৈছে বলীউডত।