ভাৰতৰ আকাশক শক্তিশালী কৰিব দেশত নিৰ্মিত আইৰণ ড’মে
আহি আছে ইণ্ডিয়া মেড আইৰণ ড'ম। ভাৰতত নিৰ্মিত আইৰণ ড’মে ফলপ্ৰসূতাৰ ক্ষেত্ৰত ইজৰাইলক অতিক্ৰম কৰিব। যাৰ ফলত আকাশত আমাৰ দেশৰ দিশে নিক্ষেপ কৰা শত্ৰুৰ ক্ষেপণাস্ত্ৰ ধ্বংস কৰিব পৰা যাব।
এতিয়া আৰু অধিক সুৰক্ষিত হোৱাৰ পথত দেশৰ আকাশ। আহি আছে ইণ্ডিয়া মেড আইৰণ ড’ম। অপাৰেচন সেন্দূৰত ভাৰতৰ এয়াৰ ডিফেন্স চিষ্টেমৰ সন্মুখত শক্তিহীন হৈ পৰিছিল পাকিস্তানী সকলো ক্ষেপণাস্ত্ৰ। কিন্তু সেইবুলিয়েই আত্মতুষ্টি লভিলে নহ’ব।
তদুপৰি ভাৰতৰ দীঘলীয়া সীমান্তত কোনো বায়ু প্ৰতিৰক্ষা ব্যৱস্থাই ১০০ শতাংশ সুৰক্ষা প্ৰদান কৰাটো সম্ভৱ নহয়। গতিকে বায়ু প্ৰতিৰক্ষাৰ বাবে প্ৰয়োজন হয় একাধিক অস্ত্ৰ, যাৰ ফলত আকাশত আমাৰ দেশৰ দিশে নিক্ষেপ কৰা শত্ৰুৰ ক্ষেপণাস্ত্ৰ ধ্বংস কৰিব পৰা যাব।
২০২৩ চনৰ ৭ অক্টোবৰত ইজৰাইলৰ আইৰণ ড’মক বিফল কৰিছিল হামাছে। ইৰাণৰ ক্ষেপণাস্ত্ৰৰ বিৰুদ্ধেও ১০০ শতাংশ সুৰক্ষা দিব পৰা নাছিল এই আইৰণ ড’মে। কিন্তু এই আইৰণ ড’মে বহু বছৰ ধৰি ইজৰাইলক সুৰক্ষা দি আহিছে। গতিকে সেইটোৱেই হৈছে এয়াৰ ডিফেন্স চিষ্টেমৰ ধাৰণা।
অৱশ্যে আমি ইজৰাইলৰ পৰা আইৰণ ড’ম কিনিব নালাগে। সীমান্তত কেৱল মেড ইন ইণ্ডিয়া আইৰণ ড’মহে মোতায়েন কৰা হ’ব। ইজৰাইল এতিয়া আন কোনো দেশৰ সৈতে প্ৰতিৰক্ষা ব্যৱসায় কৰিব পৰা অৱস্থাত নাই। ভাৰতেও বৰ্তমান তেওঁলোকৰ পৰা মিছাইল ডিফেন্স চিষ্টেম কিনিবলৈ বিচৰা নাই। ইয়াৰ বিপৰীতে প্ৰতিৰক্ষা বিশেষজ্ঞসকলে কয় যে ভাৰতত নিৰ্মিত আইৰণ ড’মে ফলপ্ৰসূতাৰ ক্ষেত্ৰত ইজৰাইলক অতিক্ৰম কৰিব।
