সন্ধিয়া ঘৰৰ পৰা এনে সামগ্ৰী কাৰোবাক দিলে অসন্তুষ্ট হয় দেৱী লক্ষ্মী, দৰিদ্ৰতাই আগুৰি ধৰিব ঘৰখন

প্ৰতিনিধিত্বমূলক ছবি

এক সুখী জীৱন যাপনৰ বাবে হিন্দু ধৰ্মত বহু নীতি নিয়ম পালনৰ পৰামৰ্শ দিয়া হয়। এইক্ষেত্ৰত বাস্তু শাস্ত্ৰৰ গুৰুত্বও অসীম। বাস্তু শাস্ত্ৰতো সুখী জীৱনৰ বাবে নিৰ্দিষ্ট কিছুমান নিয়ম নিৰ্ধাৰণ কৰা হৈছে। এই নিয়মসমূহে ঘৰ নিৰ্মাণৰ পৰা আৰম্ভ কৰি ঘৰখনৰ ভিন্ন দিশৰ ওপৰত গুৰুত্ব আৰোপ কৰে। তদুপৰি হিন্দু ধৰ্ম আৰু বাস্তু শাস্ত্ৰত পুৱা আৰু গধূলিৰ বাবে কিছুমান নিয়ম নিৰ্ধাৰণ কৰা হয়। এই নিয়ম অনুসৰি কিছুমান বিশেষ কাম পুৱা আৰু গধূলি পৰিহাৰ কৰিবলৈ পৰামৰ্শ দিয়া হৈছে।

বাস্তু বিধান অনুসৰিয়েই সন্ধিয়াৰ সময়ত কিছুমান সামগ্ৰী ঘৰৰ পৰা আন কাৰোবাক দিয়াটো নিষিদ্ধ কৰা হৈছে। বিশ্বাস অনুসৰি সন্ধিয়া এই সামগ্ৰীসমূহ আগবঢ়ালে দেৱী লক্ষ্মী অসন্তুষ্ট হয় আৰু ঘৰখনত দৰিদ্ৰতাই আগুৰি ধৰিব পাৰে। গতিকে বাস্তু বিধান মতে সন্ধিয়া কি কি বস্তু দিব নালাগে জানো আহক।

হালধি

হালধিক মংগল, সমৃদ্ধি আৰু সৌভাগ্যৰ প্ৰতীক হিচাপে গণ্য কৰা হয়। বিশ্বাস অনুসৰি সূৰ্যাস্তৰ পিছত আন কাৰোবাক হালধি দিলে ঘৰৰ সমৃদ্ধি আৰু শুভ শক্তি হ্ৰাস পায়। তদুপৰি এনে কাৰ্যই দেৱী লক্ষ্মীক ক্ষুব্ধ কৰিব পাৰে, গতিকে এই সময়ত হালধি বা হালধি সম্পৰ্কীয় সামগ্ৰী কাৰোবাক দিয়াৰ পৰা বিৰত থাকিব লাগে।

এনে বগা সামগ্ৰী

গাখীৰ, দৈ, চাউল, চেনি আদি বগা সামগ্ৰীসমূহ শান্ত শক্তি আৰু চন্দ্ৰৰ সৈতে জড়িত বুলি ধৰা হয়। এইবোৰ সামগ্ৰী সূৰ্যাস্তৰ পিছত ঘৰৰ পৰা আন কোনো লোককে উলিয়াই দিব নালাগে বুলি বিশ্বাস কৰা হয়। সূৰ্যাস্তৰ পিছত এইবোৰ সামগ্ৰী দিলে ঘৰখনত দুৰ্ভাগ্য আৰু আৰ্থিক সমস্যাৰ সৃষ্টি হয় বুলি বিশ্বাস কৰা হয়।

ইয়াৰ লগতে সূৰ্যাস্তৰ পিছত আন কিছুমান কামতো বাধা আৰোপ কৰা হৈছে। চাওক এইবিষয়ে-

সূৰ্যাস্তৰ পিছত ঝাড়ু নিদিব

বাস্তু শাস্ত্ৰত ঝাড়ুক ধনৰ দেৱী লক্ষ্মী দেৱীৰ সৈতে জড়িত কৰা হৈছে। সন্ধিয়া ঘৰত ঝাড়ু দিলে ধন-সম্পত্তিৰ ক্ষতি হয় আৰু লগতে ঘৰৰ পৰা ধনাত্মক শক্তিও আঁতৰ হয় বুলি বিশ্বাস কৰা হয়।

দৈ সেৱন নকৰিব

দৈ শীতল চন্দ্ৰৰ লগত জড়িত আৰু ইয়াৰ সম্পৰ্ক শুক্ৰ গ্ৰহৰ সৈতে। গতিকে সন্ধিয়া কাৰোবাক দৈ দিয়া বা দৈ সেৱন কৰাটো অশুভ বুলি গণ্য কৰা হয়।