চতুৰ্গ্ৰহী যোগত উদয় হ’ব নৱবৰ্ষৰ সূৰ্য, এই ৩ ৰাশিৰ বাবে আহিব ভাল দিন

নতুন বছৰত চতুৰ্গ্ৰহী যোগ

আগন্তুক নতুন বৰ্ষ ২০২৬ক লৈ ইতিমধ্যে আৰম্ভ হৈছে জল্পনা-কল্পনা। এই নতুন বৰ্ষটি কিদৰে পাৰ হ’ব, কি ৰাশিৰ ওপৰত কেনে প্ৰভাৱ পৰিব ইত্যাদি বিষয়ত জ্যোতিষীসকলে দাঙি ধৰিছে বহু মতামত। জ্যোতিষ গণনা অনুসৰি আগন্তুক এই বৰ্ষটি এক ঐতিহাসিক পৰিঘটনাৰে আৰম্ভ হ’ব। গ্ৰহৰ গতিবিধি অনুসৰি এই নতুন বৰ্ষত বিৰল চতুৰ্গ্ৰহী যোগত সূৰ্য উদয় হ’ব। জ্যোতিষ মতে ধনু ৰাশিত সূৰ্য, বুধ, মংগল, চন্দ্ৰৰ সংযোগৰ ফলত এই শক্তিশালী সংযোগ গঠন হৈছে। নতুন বৰ্ষ ২০২৬ চনৰ ১ জানুৱাৰীত ধনু ৰাশিত চাৰিটা প্ৰধান গ্ৰহৰ সংযোগৰ ফলত এই যোগ গঠন হ’ব।

চতুৰ্গ্ৰহী যোগ কি?

জ্যোতিষ শাস্ত্ৰ মতে একেটা ৰাশিত চাৰিটা প্ৰধান গ্ৰহৰ সংযোগক চতুৰ্গ্ৰহী যোগ বুলি কোৱা হয়। এইবাৰ ধনু ৰাশিত গ্ৰহৰ ৰজা সূৰ্য, প্ৰজ্ঞাৰ দাতা বুধ, সাহসৰ দাতা মংগল আৰু মনৰ কাৰক চন্দ্ৰ একেলগে উপস্থিত থাকিব। এই সংযোগে শক্তি, জ্ঞান আৰু শৌৰ্যৰ এক উল্লেখযোগ্য সংযোগ গঢ়িব।

এই সংযোগে ১২টা ৰাশিতে প্ৰভাৱ পেলাব যদিও তিনিটা ৰাশিৰ ক্ষেত্ৰত ইয়াৰ প্ৰভাৱ অধিক ইতিবাচক হ’ব। ইয়াৰ ফলত এই তিনি ৰাশিৰ সৌভাগ্য উদয় হ’ব। আনহাতে আন কিছুমান ৰাশিয়ে সাৱধানতা অৱলম্বন কৰিব লাগিব। জানো আহক তিনি সৌভাগ্যৱান ৰাশিৰ বিষয়ে-

মেষ ৰাশি

বিদেশ ভ্ৰমণ সম্ভৱ। পূৰ্বপুৰুষৰ সম্পত্তিৰ দ্বাৰা আপুনি লাভৱান হ’ব পাৰে। বিনিয়োগৰ বাবে এয়া এটা সোণালী সময় হ’ব। আৰ্থিক অসুবিধা দূৰ হ’ব।

সিংহ ৰাশি

আপোনাৰ সন্তানৰ পৰা ভাল খবৰ পাব পাৰে। শিক্ষা আৰু প্ৰতিযোগিতামূলক প্ৰচেষ্টাত উল্লেখযোগ্য সফলতা আশা কৰক। প্ৰেমৰ সম্পৰ্ক মধুৰ হ’ব, অবিবাহিত ব্যক্তিয়ে বিবাহৰ প্ৰস্তাৱ লাভ কৰিব পাৰে।

ধনু ৰাশি

আত্মবিশ্বাস বৃদ্ধি পাব, অসম্পূৰ্ণ হৈ থকা চৰকাৰী কাম সম্পূৰ্ণ হ’ব আৰু সামাজিক প্ৰতিপত্তি বাঢ়িব। আপুনি নতুন চাকৰিৰ প্ৰস্তাৱ পাব পাৰে। ব্যৱসায়িক দিশত যথেষ্ট লাভৰ সম্ভাৱনা আছে।

এইসমূহ ৰাশিৰ বাবে হ’ব পাৰে অশুভ

এই সংযোগ কিছুমান ৰাশিৰ বাবে আশীৰ্বাদ হ’লেও আন কিছুমান ৰাশিৰ বাবে প্ৰত্যাহ্বান কঢ়িয়াই আনিব। চাওক এইবিষয়ে-

কন্যা ৰাশিঃ মানসিক চাপ আৰু পাৰিবাৰিক বিসংগতি হ’ব পাৰে। গাড়ী চলোৱাৰ সময়ত সাৱধানতা অৱলম্বন কৰক।

বৃশ্চিক ৰাশিঃ আৰ্থিক লোকচানৰ লক্ষণ দেখা যাব পাৰে। ধন ঋণ দিয়াৰ পৰা বিৰত থাকক আৰু স্বাস্থ্যৰ বিশেষ যত্ন লওক।

মীন ৰাশিঃ কৰ্মক্ষেত্ৰত অহিত চিন্তকৰ পৰা সাৱধান হওক। আপোনাৰ এক সৰু অসাৱধানতাই ডাঙৰ বিবাদৰ সৃষ্টি কৰিব পাৰে।

অশুভ প্ৰভাৱৰ পৰা ৰক্ষাৰ উপায়!

সূৰ্য দেৱতাক পানী আগবঢ়াওকঃ এটা তামৰ পাত্ৰত পানী ভৰাই প্ৰতিদিনে সূৰ্য দেৱক অৰ্পণ কৰক।

হনুমান চলিছা পাঠ কৰকঃ মংগল গ্ৰহৰ প্ৰভাৱ উন্নত কৰিবলৈ নিয়মিতভাৱে হনুমান চলিছা পাঠ কৰক।

গৰুক গুৰ খুৱাওকঃ গৰুক গুৰ খুৱালে গ্ৰহ শান্ত হয় আৰু জীৱনলৈ ইতিবাচকতা আহে।