মকৰ ৰাশিত চাৰি গ্ৰহৰ মহাসংযোগ, এইকেইটা ৰাশিৰ বাবে সৌভাগ্যই কৰিছে অপেক্ষা

প্ৰতিনিধিত্বমূলক ছবি

জ্যোতিষ শাস্ত্ৰৰ ৰহস্যময় জগতখনত গ্ৰহ-নক্ষত্ৰৰ অৱস্থানক মানৱ জীৱনৰ ভাগ্যলিপিৰ দাপোণ স্বৰূপ হিচাপে গণ্য কৰা হয়। গ্ৰহৰ পৰিভ্ৰমণ কেৱল এক মহাজাগতিক পৰিঘটনা নহয়, বৰঞ্চ ইয়াৰ প্ৰতিটো খোজৰ সৈতে মানুহৰ মানসিকতা, কৰ্মফল আৰু ভৱিষ্যতৰ এক গভীৰ সম্পৰ্ক লুকাই থাকে। বৈদিক জ্যোতিষৰ মতে গ্ৰহবোৰ হ’ল একো একোটা বিশেষ শক্তিৰ উৎস, যি আমাৰ জীৱনৰ কেৰিয়াৰ, সম্পৰ্ক আৰু আৰ্থিক দিশবোৰ নিয়ন্ত্ৰণ কৰে। শনিবাৰে মহাকাশত ঘটে তেনে এক বিৰল আৰু শক্তিশালী সংযোগ।

ন্যায়ৰ দেৱতা শনিৰ নিজৰ ৰাশি মকৰত এইবাৰ চাৰিটা অতি প্ৰভাৱশালী গ্ৰহ— সূৰ্য, মঙল, বুধ আৰু শুক্ৰ একেলগে মিলিত হয়। মকৰ ৰাশি যিহেতু অনুশাসন আৰু স্থিৰতাৰ প্ৰতীক, সেয়ে এই ৰাশিত সূৰ্য, মঙল, বুধ আৰু শুক্ৰৰ দৰে চাৰিটা শক্তিশালী গ্ৰহৰ সংযোগে আমাৰ জীৱনলৈ ‘এক বলিষ্ঠ পৰিৱৰ্তন’ আনিবলৈ সক্ষম হয়।

এই চাৰিটা গ্ৰহৰ মিলনৰ অৰ্থ কি? জানো আহক:

সূৰ্য (ৰজা): আপোনাক আত্মবিশ্বাস আৰু কেৰিয়াৰত নতুন উচ্চতা প্ৰদান কৰে।

মঙল (সেনাপতি): আপোনাক কাম সম্পূৰ্ণ কৰিবলৈ উৎসাহ আৰু সাহস দিয়ে।

বুধ (মন্ত্ৰী): আপোনাৰ কথা-বতৰা তথা আচৰণ সঠিক আৰু ব্যৱহাৰিক কৰি তোলে।

শুক্ৰ (শিল্পী): আপোনাৰ সম্পৰ্ক আৰু সুখ-সুবিধাত স্থিৰতা তথা ভাৰসাম্য বজায় ৰাখে।

আপোনাৰ ৰাশিৰ ওপৰত ইয়াৰ প্ৰভাৱ কেনে হ’ব?

কেৰিয়াৰ আৰু মান-সন্মান (মেষ আৰু মীন): মেষ ৰাশিৰ বাবে এইটো দক্ষতা প্ৰমাণৰ সময়। মীন ৰাশিৰ জাতকসকলে বন্ধু বা সামাজিক মাধ্যমৰ জৰিয়তে বিশেষ লাভান্বিত হ’ব।

পৰিকল্পনা আৰু ভাগ্য (বৃষ আৰু বৃশ্চিক): বৃষ ৰাশিৰ লোকে ভৱিষ্যতৰ বাবে দীৰ্ঘম্যাদী পৰিকল্পনা কৰিব। বৃশ্চিক ৰাশিৰ লোকে নিজৰ সাহসৰ বলত বাধা অতিক্ৰম কৰিব।

ধন আৰু বৃহৎ পৰিৱৰ্তন (মিথুন আৰু ধনু): মিথুনৰ বাবে সম্পত্তিৰ লাভ আৰু ধনু ৰাশিৰ লোকৰ বাবে আয়ৰ নতুন তথা বাস্তৱ সন্মত পথ মুকলি হ’ব।

পৰিয়াল আৰু সৃজনশীলতা (কন্যা আৰু তুলা): কন্যা ৰাশিৰ জাতকসকলে যিকোনো প্ৰকল্পত অতি একাগ্ৰতাৰে কাম কৰিব। তুলা ৰাশিৰ লোকৰ বাবে ঘৰুৱা শান্তি আৰু সুখ বৃদ্ধি পাব।

ব্যক্তিগত শক্তি আৰু প্ৰত্যাহ্বান (মকৰ, কৰ্কট, সিংহ আৰু কুম্ভ): মকৰৰ বাবে আত্মশক্তি বৃদ্ধি পাব কিন্তু জেদৰ পৰা আঁতৰি থাকিব লাগিব। কৰ্কটৰ বাবে সম্পৰ্কৰ গুৰুত্ব বাঢ়িব, সিংহৰ বাবে শত্ৰু বিনাশ হ’ব আৰু কুম্ভ ৰাশিৰ লোকৰ বাবে ই হ’ব আত্ম-বিশ্লেষণৰ সময়।

এই সময়ছোৱাৰ লাভ কেনেকৈ উঠাব?

ধৈৰ্য ধৰকঃ মকৰ ৰাশিৰ শক্তি ধীৰ কিন্তু শক্তিশালী। গতিকে খৰখেদা নকৰি যিকোনো ডাঙৰ সিদ্ধান্ত লোৱাৰ পূৰ্বে ভালদৰে ভাবক।

নম্ৰতাৰে কথা কওকঃ বুধৰ বাবে আপোনাৰ কথা স্পষ্ট হ’ব, কিন্তু শুক্ৰৰ প্ৰভাৱত কথা-বতৰাত নম্ৰতা ৰাখিব যাতে সম্পৰ্কত ফাঁট নেমেলে।

নথিপত্ৰত চকু ৰাখকঃ বৃহস্পতি অৱস্থানৰ বাবে যিকোনো নথিপত্ৰত চহী কৰাৰ পূৰ্বে ভালদৰে পঢ়ি লওক।

মানসিক শান্তিঃ অত্যধিক কামৰ চাপে মনত বোজা বঢ়াব পাৰে, সেয়েহে নিয়মিত ধ্যান বা মৌনতা অৱলম্বন কৰি মনটোক জিৰণি দিয়ক।