Navratri 2025: শাৰদীয় নৱৰাত্ৰিত কি কি কৰিব কি কি নকৰিব জানক

দেৱী দুৰ্গাক কিয় দশভূজা বুলি কোৱা হয়?

হিন্দু পঞ্জিকা অনুসৰি আহিন মাহৰ শুক্ল পক্ষৰ প্ৰতিপদ তাৰিখৰ পৰা নৱৰাত্ৰি পূজা আৰম্ভ হয়। নৱৰাত্ৰিত ন দিন ব্ৰত পালন কৰি দেৱীৰ নটা ৰূপক পূজা কৰি মাতৃ দুৰ্গাই সন্তুষ্ট হৈ সাধকক আশীৰ্বাদ প্ৰদান কৰে। দেৱী দুৰ্গাক সন্তুষ্ট কৰাৰ বাবে বিভিন্ন নিয়ম গ্ৰহণ কৰা হয়।

বিশ্বাস কৰা হয় যে এই ৯ দিনত মাতৃ দুৰ্গাই পৃথিৱীত বাস কৰি নিজৰ ভক্তক ৰক্ষা কৰে। বিশ্বাস মতে নৱৰাত্ৰিৰ দিনবোৰ অতি পবিত্ৰ, যদিও এই দিনবোৰত আপুনি উপবাসে নাথাকে তথাপিও এই দিনবোৰত ভুলতেও কিছু কাম কৰা উচিত নহয়। নৱৰাত্ৰিৰ সময়ত কিছু কাম কৰিবই লাগিব, তেনে কৰিলে নৱৰাত্ৰি পূজাৰ শুভ ফল পোৱা যায় বুলি বিশ্বাস কৰা হয়।

শাৰদীয় নৱৰাত্ৰিৰ কৰক এই কাম

• মা দুৰ্গাই ৰঙা ৰং বৰ ভাল পায়। ৰঙা ৰঙক সমৃদ্ধি, সৌভাগ্য, ক্ষমতা, প্ৰেমৰ প্ৰতীক বুলি গণ্য কৰা হয়। নৱৰাত্ৰিৰ সময়ত মা দুৰ্গাক ৰঙা ফুল আগবঢ়াওক আৰু লগতে ৰঙা ৰঙৰ কাপোৰ আগবঢ়াওক।
• নৱৰাত্ৰিৰ সময়ত দুৰ্গা দেৱীৰ বিভিন্ন ৰূপ পূজা কৰক। বিশেষভাৱে মা দুৰ্গাক দৈনিক নতুন নতুন ফুল, ফলমূল, মিঠাই আগবঢ়াব।
• নৱৰাত্ৰিৰ ৯ দিন অখণ্ড জ্যোতি জ্বলোৱাটো অতি শুভ বুলি গণ্য কৰা হয়।
• নৱৰাত্ৰিৰ সময়ত প্ৰতিদিনে দুৰ্গা দেৱীৰ মন্ত্ৰ জপ কৰি ধ্যান কৰক। ইয়াৰ ফলত মানসিক শান্তি আৰু একাগ্ৰতা বৃদ্ধি পায় আৰু পৰিয়ালত সুখ কঢ়িয়াই আনে।

কি কি নকৰিব

• নৱৰাত্ৰিৰ ৯ দিনত ভুলতেও আমিষ আৰু সুৰা সেৱন কৰা উচিত নহয়।
• নৱৰাত্ৰিৰ সময়ত নেতিবাচকতাৰ পৰা আঁতৰি থাকি ভাল চিন্তা গ্ৰহণ কৰক আৰু যিকোনো ধৰণৰ বিবাদ বা কাজিয়া পৰিহাৰ কৰক।
• যদি আপুনি অখণ্ড জ্যোতি জ্বলাই আছে, তেন্তে ঘৰখন কেতিয়াও খালীকৈ নাৰাখিব আৰু লগতে অখণ্ড জ্যোতি নুমাই যাবলৈ নিদিব।