নেতাৰ অৱসৰ, জন্মহাৰ,মুছলমান সন্দৰ্ভত RSS মুৰব্বী মোহন ভাগৱতৰ ডাঙৰ মন্তব্য…

মোহন ভাগৱত

ৰাষ্ট্ৰীয় স্বয়ং সেৱক সংঘ (RSS) ৰ ১০০ বছৰ সম্পূৰ্ণ হোৱা উপলক্ষে দিল্লীত তিনিদিনীয়া কাৰ্যসূচীৰ আয়োজন কৰিছিল সংগঠনটোয়ে। ২৬ আগষ্টৰ পৰা ২৮ আগষ্টলৈ অনুষ্ঠিত এই অনুষ্ঠানত হাজাৰ হাজাৰ লোকে অংশগ্ৰহণ কৰে। এই অনুষ্ঠানৰ বিষয়বস্তু আছিল ‘সংঘৰ ১০০ বছৰীয়া যাত্ৰা: নতুন দিগন্ত’। এই কাৰ্যসূচীৰ উদ্দেশ্য আছিল সংঘৰ ধাৰণা, উদ্দেশ্য আৰু সামাজিক অৱদান সমাজলৈ দাঙি ধৰা।

এই সময়চোৱাত সংঘৰ মুৰব্বী মোহন ভাগৱতে সভা সম্বোধন কৰি বিভিন্ন দিশৰ ওপৰত মন্তব্য দাঙি ধৰে। তেওঁ নতুন শিক্ষা নীতি, নেতাৰ অৱসৰৰ পৰা আৰম্ভ কৰি পৰিয়াল পৰিকল্পনালৈ বিভিন্ন দিশৰ ওপৰত মন্তব্য কৰে। তেওঁৰ ভাষণৰ কেইটামান ডাঙৰ বিষয় তলত উল্লেখ কৰা হ’ল-

1. প্ৰযুক্তি আৰু আধুনিকীকৰণৰ যুগত সংস্কৃতি আৰু পৰম্পৰাৰ বিষয়ে প্ৰশ্ন কৰাত মোহত ভাগৱতে কয় যে, শিক্ষাত প্ৰযুক্তি আৰু আধুনিকতাৰ কোনো বিৰোধিতা নাই, কিন্তু শিষ্টাচাৰৰ প্ৰয়োজন। তেওঁ আৰু কয় যে, প্ৰযুক্তিয়ে যাতে মানুহক দাসলৈ ৰূপান্তৰিত নকৰে তাৰ ওপৰত গুৰুত্ব দিয়া প্ৰয়োজন। ইয়াৰোপৰি শিক্ষা কেৱল মুখস্থ কৰা বিদ্যা নহয়। ইয়াৰ উদ্দেশ্যে মানুহক সংস্কৃতিবান কৰা। নতুন শিক্ষা নীতি অনা প্ৰয়োজনীয় আছিল। এই নীতিত পঞ্চকোষীয় শিক্ষা ব্যৱস্থা আছে।
2. তেওঁ কয় যে, আজিকালি বহু চাকৰিত মদ্যপান কৰাৰ এক ধাৰণা গঢ়ি উঠিছে। বিদেশত এয়া সাধাৰণ হ’ব পাৰে। কিন্তু আমাৰ দেশত ইয়াক সাধাৰণীকৰণ কৰাৰ প্ৰয়োজন কি? আমি ইংৰাজ হোৱাৰ প্ৰয়োজন নাই। কিন্তু ভাষা শিকাত প্ৰয়োজন নাই।
3. জন্ম হাৰৰ কথা উল্লেখ কৰি তেওঁ কয় যে, কমেও ৩টা সন্তান জন্ম দিব লাগে। যিসকলৰ তিনিটা সন্তান নাই তেওঁলোক নোহোৱা হৈ গৈছে। চিকিৎসকৰ মতে, তিনিটা সন্তান জন্ম দিলে তিনিওৰে স্বাস্থ্য ভালে থাকে। লগতে খাপ খুৱাবলৈ শিকে। যাৰ বাবে তিনিটা সন্তান হ’ব লাগে, তাতকৈ বেছি হ’ব নালাগে।
4. ৭৫ বছৰত অৱসৰ লোৱা সন্দৰ্ভত তেওঁ কয় যে, ৭৫ বছৰ বয়সত অৱসৰ লোৱাৰ কোনো প্ৰয়োজন নাই। মইও অৱসৰ গ্ৰহণ নকৰো আৰু আনকো নকও। যিমান দিন বিচাৰো আমি কাম কৰিব পাৰো।
5. বিজেপি আৰু আৰএছএছৰ মাজত সমন্বয়ৰ অভাৱ সন্দৰ্ভত তেওঁ কয় যে,আমি প্ৰতিখন চৰকাৰৰ লগত সমন্বয় বজাই ৰাখো। মতানৈক্য নাই। আমাৰ মাজত মতৰ পাৰ্থক্য থাকিব পাৰে কিন্তু মনৰ কোনো পাৰ্থক্য নাই। সকলো সিদ্ধান্ত সংঘই লোৱা ভুল। বিজেপিয়ে নিজে নিজৰ সিদ্ধান্ত লয়। ভাল কামৰ বাবে সহায় বিচৰাসকলক আমি সহায় কৰো।
6. অনুপ্ৰৱেশকাৰী সন্দৰ্ভত তেওঁ কয় যে, অনুমতি নাপালে আহিব নালাগে। এয়া ভুল। এয়া বন্ধ কৰিব লাগে। চৰকাৰে বন্ধ কৰি দিছে। আমাৰ দেশত কৰ্মসংস্থাপন আমাৰ দেশৰ জনসাধাৰণক দিয়া উচিত। আমাৰ দেশতো মুছলমান আছে। তেওঁলোকৰ চাকৰি আৰু ব্যৱসায়তো ক্ষতিগ্ৰস্ত হয়।
7. ধৰ্ম, সংস্কৃতি আৰু পূজা ব্যৱস্থাৰ বিষয়ে তেওঁ কয় যে, হিন্দু-মুছলমান সকলো একেই। সলনি হৈছে কেৱল পূজা পদ্ধতি। আমাৰ পৰিচয় একেই। আমাৰ সংস্কৃতি আৰু পূৰ্বপুৰুষ একেই। কেৱল অনাস্থাৰ বাবেই দুয়োপক্ষৰ মনত সন্দেহৰ সৃষ্টি হয়। ইছলাম ইয়াত আছে আৰু থাকিব ইয়াত, এইটোৱেই হিন্দু চিন্তাধাৰা। এই আত্মবিশ্বাস দুয়োটা ধৰ্মতে সৃষ্টি কৰিব লাগিব। পূৰ্বেও কোৱা হৈছে যে ধৰ্ম সলনি কৰিলে সমাজৰ পৰিৱৰ্তন নহয়।
8. তেওঁ আৰু কয় যে,আগ্ৰাসীৰ নামেৰে চহৰ আৰু পথৰ নাম ৰখা উচিত নহয়। দেশপ্ৰেমী মুছলমানৰ নামেৰে নামকৰণ কৰক। কিন্তু মুছলমানসকলেও বুজিব লাগিব আমাৰ পূজা পদ্ধতি বেলেগ।

অন্য খবৰ পঢ়কঃ বাছৰ ব্ৰেক ফেইল! প্ৰাণ গ’ল ৬জনৰ, মৃত্যু হোৱা ৪ জন আছিল একেটা পৰিয়ালৰ…