আমেথিত নিৰ্মাণ ভাৰতৰ শ্বেৰ, ২০২৫ চনৰ শেষভাগলৈ সম্পূৰ্ণ থলুৱাভাৱে নিৰ্মাণ হ’ব AK-203 এছাল্ট ৰাইফল

Ak 203 Rifle (প্ৰতীকী ছবি)

ভাৰতৰ অস্ত্ৰ নিৰ্মাণ খণ্ডই এক বৃহৎ মাইলৰ খুঁটি অৰ্জন কৰিবলৈ ওলাইছে। আমেথিৰ ইণ্ডো-ৰাছিয়ান ৰাইফলছ প্ৰাইভেট লিমিটেড (IRRPL)ৰ দ্বাৰা নিৰ্মিত AK-203 এছাল্ট ৰাইফল এতিয়া ১০০% থলুৱাভাৱে নিৰ্মাণৰ দিশে আগবাঢ়িছে। কোম্পানীটোৱে ঘোষণা কৰিছে যে ২০২৫ চনৰ ডিচেম্বৰৰ ভিতৰত এই লক্ষ্যত উপনীত হ’ব।

এই ৰাইফলটোৰ নাম দিয়া হৈছে শ্বেৰ, এটা ভাৰতীয় নাম। ইয়াক ৰাছিয়াৰ নিৰ্ভৰযোগ্যতা আৰু ভাৰতীয় আত্মনিৰ্ভৰশীলতাৰ সংমিশ্ৰণ বুলি গণ্য কৰা হয়। এই প্ৰকল্প ভাৰতৰ মেক ইন ইণ্ডিয়া পদক্ষেপৰ অধীনত ভাৰতৰ ক্ষুদ্ৰ অস্ত্ৰ নিৰ্মাণ ক্ষমতাত এক বৃহৎ সফলতা হিচাপে প্ৰমাণিত হ’ব।

আমেথি প্লাণ্টত বছৰি ১.৫ লাখ ৰাইফল উৎপাদন হ’ব

সূত্ৰ অনুসৰি IRRPL ৰ লক্ষ্য হৈছে ২০২৬ চনৰ পৰা বছৰি প্ৰায় ১ লাখ ৫০ হাজাৰ বা প্ৰতিমাহে ১২ হাজাৰ ৰাইফল উৎপাদন কৰা। ইয়াৰে ১ লাখ ২০ হাজাৰ ৰাইফল ভাৰতীয় সেনাক যোগান ধৰা হ’ব, আনহাতে ৩০ হাজাৰ ৰাইফল ৰাজ্যিক আৰক্ষী, অৰ্ধসামৰিক বাহিনী, আৰু ৰপ্তানিৰ বাবে উৎপাদন হ’ব।

থলুৱা উৎপাদন দ্ৰুতগতিত বৃদ্ধি

২০২৫ চনৰ মাজভাগলৈকে AK-203ৰ ৫০% উপাদান ভাৰতত কৰা হৈছে, আৰু ডিচেম্বৰৰ ভিতৰত ই ১০০% থলুৱা হ’ব। থলুৱাকৰণৰ পিছত IRRPL এ আধুনিক এছাল্ট ৰাইফল বিচৰা বন্ধুত্বপূৰ্ণ দেশলৈও ৰপ্তানি কৰাৰ পৰিকল্পনা কৰিছে।

ভাৰতীয় সশস্ত্ৰ বাহিনীৰ বাবে ৬০১,৪২৭ ৰাইফল

সূত্ৰ মতে বৰ্তমানৰ চুক্তি অনুসৰি IRRPL এ ভাৰতীয় সশস্ত্ৰ বাহিনীক মুঠ ৬০১,৪২৭টা AK-203 ৰাইফল যোগান ধৰিব। কোম্পানীটোৰ উৎপাদনৰ গতি ত্বৰান্বিত হৈছে আৰু এতিয়া ২০৩০ চনৰ ডিচেম্বৰৰ ভিতৰত সকলো ডেলিভাৰী সম্পূৰ্ণ কৰাৰ আশা কৰিছে, যিটো নিৰ্ধাৰিত সময়ত (অক্টোবৰ ২০৩২) ৰ প্ৰায় দুবছৰ আগতে সম্পূৰ্ণ হোৱাৰ সম্ভাৱনা প্ৰকাশ পাইছে।

AK-203 শ্বেৰ ৰাইফলৰ মূল বৈশিষ্ট্য

1. কেলিবাৰ: 7.62×39 MM
2. ফায়াৰিং ৰেট: প্ৰতি মিনিটত ৭০০ ৰাউণ্ড
3. ৰেঞ্জ: ৪০০ মিটাৰ কাৰ্যকৰী, সৰ্বাধিক ৮০০ মিটাৰ
4. ওজন: ৩.৮ কিলোগ্ৰাম (খালী)
5. মেগজিন: ৩০ ৰাউণ্ড
6. ফায়াৰ মোড: অৰ্ধ আৰু সম্পূৰ্ণ স্বয়ংক্ৰিয়
7. চাইট: নাইট ভিজন আৰু অপটিকেল সামঞ্জস্যপূৰ্ণ মেট ব্লেক ফিনিচিং, এন্টি-ক’ৰ’চন কোটিং ভাঁজ কৰিব পৰা পলিমাৰ ষ্টক
8. বাৰ্ষিক উৎপাদন: ১.৫ লাখ ৰাইফল (২০২৬ চনৰ পৰা)

ভাৰত-ৰাছিয়াৰ অংশীদাৰিত্বৰ এটা উদাহৰণ

আমেথিৰ এই প্ৰকল্পটো ভাৰত-ৰাছিয়াৰ প্ৰতিৰক্ষা সহযোগিতাৰ এক শক্তিশালী নিদৰ্শন। ইয়াত ৰাছিয়াৰ প্ৰযুক্তি ভাৰতীয় অভিযান্ত্ৰিক আৰু উদ্যোগৰ সৈতে সংযুক্ত কৰি সম্পূৰ্ণ স্থানীয় উৎপাদন ব্যৱস্থা গঢ়ি তোলা হৈছে।

আত্মনিৰ্ভৰশীল ভাৰতৰ দিশত এক বৃহৎ পদক্ষেপ

শ্বেৰ ৰাইফলৰ থলুৱা উৎপাদন ভাৰতৰ বাবে প্ৰতিৰক্ষা আত্মনিৰ্ভৰশীলতাৰ দিশত এক ঐতিহাসিক সাফল্য হিচাপে প্ৰমাণিত হ’ব। ই কেৱল ভাৰতীয় সেনাৰ শক্তি বৃদ্ধি কৰাই নহয়, ভৱিষ্যতে ভাৰতক আধুনিক অস্ত্ৰ-শস্ত্ৰৰ অগ্ৰণী ৰপ্তানিকাৰক হোৱাৰ পথত আগুৱাই নিব।