ভাৰতে এতিয়াও গুৰুতৰ পৰিসৰত সন্ত্ৰাসবাদৰ বিৰুদ্ধে যুঁজি আছে: এছ জয়শংকৰ

বৈদেশিক মন্ত্ৰী এছ জয়শংকৰ

আজি দিল্লীত আয়োজিত ‘India’s World Magazine’ উন্মোচনী অনুষ্ঠানত অংশগ্ৰহণ কৰে বৈদেশিক পৰিক্ৰমা মন্ত্ৰী এছ জয়শংকৰে। এই সময়ছোৱাত দিয়া ভাষণত এছ জয়শংকৰে কেইবাটাও বিষয়ৰ ওপৰত আলোকপাত কৰে । এছ জয়শংকৰে কয় যে, বৈদেশিক নীতি পুৰণি আৰু নতুনৰ মিশ্ৰণ। পূৰ্বৰ পৰা দেশখনে সন্মুখীন হোৱা বহু সমস্যা এতিয়াও শেষ হোৱা নাই। দেশে সীমা সুৰক্ষিত কৰিব লাগিব। দেশে এতিয়াও সন্ত্ৰাসবাদৰ বিৰুদ্ধে যুঁজি আছে । ভাৰতে অতি গুৰুতৰ পৰিসৰত সন্ত্ৰাসবাদৰ বিৰুদ্ধে যুঁজি আছে বুলি মন্তব্য প্ৰকাশ কৰে বৈদেশিক পৰিক্ৰমা মন্ত্ৰীগৰাকীয়ে ।

বিদেশ মন্ত্ৰীগৰাকীয়ে কয় যে, ভাৰতে ইতিমধ্যে এনে বৈদেশিক নীতিৰ দিশত আগবাঢ়িছে যাৰ প্ৰত্যক্ষ কাম হৈছে ৰাষ্ট্ৰীয় উন্নয়নক আগুৱাই নিয়া। তেওঁ কয় যে, বিগত ১০ বছৰত অৰ্থনৈতিক কূটনীতিৰ ওপৰত যথেষ্ট গুৰুত্ব দিয়া হৈছে । গতিকে প্ৰযুক্তি, মূলধন, উত্তম পদ্ধতি, সহযোগিতা আৰু বিনিয়োগৰ বিষয়ে বহু কথাই আছে। ভাৰতে দক্ষিণ-পূব এছিয়া আৰু পূব এছিয়াৰ আন দেশৰ পৰা শিক্ষা লৈছে। ভাৰততকৈ বহু বেছি দিন এই দেশসমূহে এই নীতিত কাম কৰি আহিছে বুলি কয় বৈদেশিক মন্ত্ৰী গৰাকীয়ে ।

বৈদেশিক পৰিক্ৰমা মন্ত্ৰী জয়শংকৰে ভাৰতৰ বিশ্বব্যাপী ভূমিকাকো আলোকপাত কৰি কয় যে, আজি ভাৰত এনে এখন দেশ যাৰ পৰা অধিক আশা আৰু ভৰসা কৰা হৈছে , যিখন দেশৰ দায়িত্ব অধিক। তেওঁ কয় যে, চুবুৰীটোত এটা আশা থাকিব যে ভাৰত যেতিয়াই বিচাৰে আন্তঃৰাষ্ট্ৰীয় সঁহাৰিৰ অংশ হ’ব । কাৰণ বিশ্ব সলনি হৈ আছে, নতুন পদক্ষেপ আৰু ধাৰণা লোৱা হ’ব ।

জয়শংকৰে কয় যে, পৃথিৱীৰ লগত আমাৰ বহুত সম্পৰ্ক আছে। এই দেশৰ মংগলৰ বাবেই বিশ্বৰ সৈতে সহযোগিতা বৃদ্ধি পালে আমাৰ প্ৰগতি আৰু উন্নয়ন ত্বৰান্বিত হ’ব । গতিকে আগলৈ বৈদেশিক নীতিৰ বাবে মোৰ বুদ্ধি হ’ব ডাঙৰ চিন্তা কৰা, দীঘলীয়া চিন্তা কৰা আৰু স্মাৰ্ট চিন্তা কৰা বুলি কয় বৈদেশিক মন্ত্ৰী গৰাকীয়ে ।