আৰক্ষীৰ বৃহৎ সফলতা, বাবা ছিদ্দিকী হত্যাকাণ্ডৰ মূল অভিযুক্তক গ্ৰেপ্তাৰ!

বাবা ছিদ্দিকী হত্যাকাণ্ডৰ মূল অভিযুক্তক গ্ৰেপ্তাৰ!

২০২৪ চনৰ ১২ অক্টোবৰৰ বিজয়া দশমীৰ দিনা নিজৰ কাৰ্যালয়ৰ বাহিৰত নৃশংসভাৱে গুলীয়াই হত্যা কৰা হৈছিল প্ৰাক্তন মন্ত্ৰী তথা জাতীয়তাবাদী কংগ্ৰেছ দলৰ নেতা বাবা ছিদ্দিকীক।এই গোচৰত এতিয়ালৈকে আৰক্ষীয়ে বহু লোকক গ্ৰেপ্তাৰ কৰিছে। কিন্তু এতিয়া আৰক্ষীয়ে ডাঙৰ সফলতা লাভ কৰিছে। পাঞ্জাৱ আৰক্ষীয়ে গ্ৰেপ্তাৰ কৰিছে বাবা ছিদ্দিকীৰ হত্যাকাৰীক।ধৃত অভিযুক্তৰ নাম জিশান আখতাৰ বুলি জানিব পৰা গৈছে। উল্লেখ্য যে বাবা ছিদ্দিকীৰ হত্যাকাণ্ডৰ ঘটনাই সমগ্ৰ মুম্বাইক জোকাৰি গৈছিল। ইয়াৰ দায়িত্ব লৈছিল লৰেন্স বিষ্ণয় গেঙে।

তথ্য অনুসৰি বাবা ছিদ্দিকী হত্যাকাণ্ডৰ পলাতক অভিযুক্তৰ ভিতৰত আছিল শুভম লংকৰ আৰু জীশান আখতাৰ। জীশান আখতাৰৰ নিৰ্দেশত বাবা ছিদ্দিকীক হত্যা কৰা বুলি কোৱা হৈছে। এতিয়ালৈকে চলোৱা তদন্তত পোহৰলৈ আহিছে যে বাবা ছিদ্দিকীক হত্যা কৰা আটাইকেইজন অভিযুক্তক নিৰ্দেশ দি আছিল জীশন আখতাৰ আৰু শুভম লংকৰে।

যোৱা কেইবামাহো ধৰি জীশান আখতাৰক বিচাৰি আছিল মুম্বাই আৰক্ষীয়ে। এতিয়া খবৰ আহিছে যে তেওঁক পঞ্জাৱৰ জলন্ধাৰৰ পৰা গ্ৰেপ্তাৰ কৰা হৈছে। উল্লেখ্য যে, সোমবাৰে নিশা বিষ্ণুই চক্ৰৰ সদস্যই পঞ্জাৱৰ প্ৰাক্তন কেবিনেট মন্ত্ৰী তথা বিজেপিৰ জ্যেষ্ঠ নেতা মনোৰঞ্জন কালিয়াৰ ঘৰত আক্ৰমণৰ চেষ্টা চলাইছিল। এই আটাইকেইজন অভিযুক্ত পাকিস্তানৰ। তথ্য অনুসৰি অভিযুক্তৰ এজনৰ নাম জিশান আখতাৰ।

বৰ্তমান পঞ্জাৱৰ জলন্ধৰ আৰক্ষীয়ে জীশান আখতাৰক গ্ৰেপ্তাৰ কৰিছে। পঞ্জাৱ আৰক্ষীয়ে নিশ্চিত কৰিছে যে বাবা ছিদ্দিকী হত্যাকাণ্ডৰ গোচৰত অভিযুক্ত হৈ থকা একেজন অভিযুক্ত জিশান আখতাৰ। সেয়েহে এতিয়া তেওঁৰ বিৰুদ্ধে ব্যৱস্থা গ্ৰহণ কৰা হ’ব। ইয়াৰ বাহিৰেও ভৱিষ্যতে মুম্বাই আৰক্ষীয়ে তেওঁক নিজৰ জিম্মাত লোৱাৰ চেষ্টা কৰিব পাৰে।

অৱশ্যে বাবা ছিদ্দিকী হত্যাকাণ্ডৰ মষ্ট ৱাণ্টেড অভিযুক্তৰ ভিতৰত শুভম লংকৰ, জীশন আখতাৰ আৰু আনমোল বিষ্ণোইৰ নাম সন্নিবিষ্ট কৰা হৈছে। এতিয়া পঞ্জাৱত গ্ৰেপ্তাৰ হৈছে লৰেন্স বিষ্ণোই গেঙৰ সক্ৰিয় সদস্য জিশান আখতাৰক। এতিয়া ইয়াৰ অধিক তদন্ত অব্যাহত ৰাখিছে পঞ্জাৱ আৰক্ষীয়ে।