Dharmendra Hospitalised: স্বাস্থ্যৰ অৱনতিৰ বাবে চিকিৎসালয়ত ভৰ্তি ধৰ্মেন্দ্ৰ, চিকিৎসকে ক’লে…

৩১ অক্টোবৰ শুকুৰবাৰে বলীউডৰ প্ৰখ্যাত অভিনেতা ধৰ্মেন্দ্ৰৰ স্বাস্থ্যৰ আকস্মিক অৱনতি ঘটাৰ খবৰ প্ৰকাশ পাইছে। খবৰ অনুসৰি অভিনেতাজনক চিকিৎসাৰ বাবে চিকিৎসালয়ত ভৰ্তি কৰা হৈছে। নিয়মীয়া স্বাস্থ্য পৰীক্ষাৰ বাবে তেওঁক ক্ৰাণ্ডি হাস্পতালত ভৰ্তি কৰা বুলি জানিব পৰা গৈছে। পৰিয়ালৰ এক সূত্ৰৰ মতে, ধৰ্মেন্দ্ৰ কোনো গুৰুতৰ স্বাস্থ্যজনিত সমস্যাত ভুগি থকা নাই; বয়সৰ বাবেহে তেওঁক কেৱল সতৰ্কতামূলক ব্যৱস্থা হিচাপে চিকিৎসালয়লৈ লৈ যোৱা হৈছিল।

বৰ্তমান ধৰ্মেন্দ্ৰই তেওঁৰ আগন্তুক ছবি “এক্কিছ”ৰ প্ৰচাৰ চলাই আছিল। কিন্তু চিকিৎসালয়ত ভৰ্তি হোৱাৰ খবৰে তেওঁৰ অনুৰাগীসকলৰ মাজত যথেষ্ট চিন্তাৰ সৃষ্টি কৰিছিল। অৱশ্যে এতিয়া কোনো চিন্তাৰ কাৰণ নাই বুলি খবৰ পোৱা গৈছে। অভিনেতাগৰাকীৰ ঘনিষ্ঠ সূত্ৰই সংবাদ মাধ্যমক জনোৱা মতে, কোনো চিন্তাৰ কাৰণ নাই। তেওঁলোকে লগতে কয় যে যদি পৰিস্থিতি ভয়াৱহ হ’লহেঁতেন তেন্তে তেওঁক ওচৰৰ চিকিৎসালয়লৈ লৈ যোৱা হ’লহেঁতেন।

“এক্কিছ”ত অভিনয় কৰিছে ধৰ্মেন্দ্ৰই

অতি সোনকালেই শ্ৰীৰাম ৰাঘৱনৰ পৰিচালনাত নিৰ্মিত ছবি “এক্কিছ”ত দেখা যাব ধৰ্মেন্দ্ৰক। অগস্ত্য নন্দাৰ ককাকৰ চৰিত্ৰত অভিনয় কৰিব অভিনেতাজনে। এই ছবিখন ১৯৭১ চনৰ ভাৰত-পাক যুদ্ধত বীৰত্বৰ বাবে মৰণোত্তৰভাৱে পৰম বীৰ চক্ৰৰে সন্মানিত হোৱা অৰুণ ক্ষেত্ৰপালৰ কাহিনীৰ আধাৰত নিৰ্মাণ কৰা হৈছে। অৰুণ ক্ষেত্ৰপালৰ চৰিত্ৰত অভিনয় কৰিব অগস্ত্য নন্দাই। ছবিখনে ডিচেম্বৰ মাহত মুক্তি পোৱাৰ সম্ভাৱনা আছে।

বহুকেইখন ছুপাৰহিট ছবি কৰিছিল ধৰ্মেন্দ্ৰই

৭০ আৰু ৮০ৰ দশকৰ শীৰ্ষ অভিনেতাৰ ভিতৰত আছিল ধৰ্মেন্দ্ৰ। এই বয়সতো তেওঁ চিনেমাত সক্ৰিয় হৈ আছে। ছবিৰ উপৰিও ছ’চিয়েল মিডিয়াতো তেওঁ অতি সক্ৰিয় আৰু অনুৰাগীৰ সৈতেও সংযুক্ত হৈ থাকে। তেওঁ নিজৰ সময়ত বহু ছুপাৰহিট ছবি দৰ্শকক উপহাৰ দিছে। আনকি তেওঁ অনুৰাগীৰ পৰা “হি-মেন” টেগো লাভ কৰিছে।