শৰীৰটো কঁপিবলৈ ধৰিলে, তাৰ পিছত… মৃত্যুৰ পূৰ্বে কি হৈছিল শ্বেফালীৰ লগত, শেষ মুহূৰ্তত কাষত কোন আছিল?

শ্বেফালী জাৰিৱালা

‘কাটা লাগা গাৰ্ল’ শ্বেফালী জাৰিৱালাই পৃথিৱীৰ পৰা চিৰদিনৰ বাবে বিদায় ল’লে। মাত্ৰ ৪২ বছৰ বয়সত তেওঁৰ হঠাৎ শ্বেফালীৰ মৃত্যুক সহজভাৱে মানি ল’ব পৰা নাই পৰিয়ালে।  শোকত ভাগি পৰিছে স্বামী পৰাগ ত্যাগী আৰু মাতৃ। শনিবাৰে সন্ধিয়া অভিনেত্ৰীগৰাকীৰ শেষকৃত্য সম্পন্ন কৰা। য’ত পৰাগে পত্নীক চকুলোৰে বিদায় দিয়া দেখা গৈছে। খবৰ অনুসৰি তেওঁৰ হৃদযন্ত্ৰৰ ক্ৰিয়া বন্ধ হৈ গৈছিল। এই ঘটনাত এতিয়ালৈকে  ৮জন লোকৰ বক্তব্য লিপিবদ্ধ কৰিছে আৰক্ষীয়ে। ইয়াৰ ভিতৰত আছে বেলভিউ হাস্পতালৰ পৰিয়ালৰ সদস্য, বনকৰা লোক আৰু চিকিৎসক। সেই নিশা অভিনেত্ৰীগৰাকীৰ কি হৈছিল জানক।

শ্বেফালী জাৰিৱালাৰ বিষয়ে গম পোৱা গৈছে যে যোৱা ৭-৮ বছৰ ধৰি এন্টি এজিং ঔষধ খাই আছিল। ২৭ জুনত তেওঁৰ ঘৰত পূজা হৈছিল, যাৰ বাবে শ্বেফালীয়ে ব্ৰত ৰাখিছিল। ইয়াৰ পিছতো তেওঁ সেইদিনা দুপৰীয়া এণ্টি এজিং মেডিচিনৰ বেজী লৈছিল। এতিয়ালৈকে আৰক্ষীৰ তদন্তত পোহৰলৈ আহিছে যে এই ঔষধ হৃদযন্ত্ৰ বন্ধ হোৱাৰ এটা ডাঙৰ কাৰণ হ’ব পাৰে।

সেই নিশা শ্বেফালীৰ কি হ’ল?

চিকিৎসকৰ পৰামৰ্শ মতে এবছৰ আগৰ পৰাই এই ঔষধ খাই আছিল শ্বেফালীয়ে। আৰু তেতিয়াৰ পৰাই তাই প্ৰতিমাহে এই চিকিৎসা গ্ৰহণ কৰি আহিছে। অৱশ্যে সেই নিশা অভিনেত্ৰীগৰাকীৰ স্বাস্থ্যৰ বহু অৱনতি ঘটিছিল। তথ্য অনুসৰি নিশা ১০ৰ পৰা ১১ বজাৰ ভিতৰত হঠাৎ শ্বেফালী জাৰিৱালাৰ স্বাস্থ্যৰ অৱনতি ঘটে। তেওঁৰ শৰীৰটো কঁপিবলৈ ধৰিছিল আৰু অচেতন হৈ পৰিছিল। ইয়াৰ পিছত লগে লগে শ্বেফালীক চিকিৎসালয়লৈ লৈ যোৱা হয়। যি সময়ত অভিনেত্ৰীগৰাকীৰ স্বাস্থ্যৰ অৱনতি ঘটিছিল, সেই সময়ত শ্বেফালীৰ লগত তেওঁৰ স্বামী পৰাগ, মাতৃকে ধৰি আন কিছু লোক ঘৰত উপস্থিত আছিল। একে সময়তে ফৰেনছিক দলটোৱে ঘৰটোৰ পৰা বহু ধৰণৰ ঔষধ উদ্ধাৰ কৰিছে। য’ত এন্টি এজিং বেজী, ভিটামিন চাপ্লিমেণ্ট, গেষ্ট্ৰিক পিল আদিও উদ্ধাৰ কৰা হৈছে।

বৈবাহিক জীৱনত সকলো ঠিকেই আছিল নে?

শ্বেফালী জাৰিৱালাৰ বিবাহিত জীৱনত কোনো ধৰণৰ বিবাদ বা তেনে কোনো খবৰ প্ৰকাশ পোৱা নাই। এতিয়া মৰণোত্তৰ পৰীক্ষাৰ প্ৰতিবেদন আৰু ঔষধ পৰীক্ষাৰ ভিত্তিত আৰক্ষী আৰু ফৰেনছিক দলে অধিক ব্যৱস্থা গ্ৰহণ কৰিব। উল্লেখ্য  যে, যোৱা নিশা মুম্বাই আৰক্ষী আৰু ফৰেনছিক টিমে শ্বেফালীৰ ঘৰত উপস্থিত হৈ অভিযান চলায়। লগতে ঘৰত উপস্থিত থকা পৰিয়ালৰ লোক আৰু অন্যান্য সদস্যক সোধা-পোছা কৰে।