বিশ্বৰ ভিতৰত কোনখন দেশত একেবাৰে সস্তাত মদ পোৱা যায়? ভাৰতৰ ক’ত ?

প্ৰতিখনে দেশতে মদ্যপান কৰা লোক আছে। একেদৰে প্ৰতিখন দেশত মদৰ দাম বেলেগ বেলেগ। কিছুমান দেশত মদ একেবাৰে সস্তা হয় আৰু কিছুমান দেশত মদৰ দাম আকাশলংঘী। কিন্তু আপুনি জানেনে যে, কোনখন ঠাইত আটাইতকৈ সস্তাত মদ পোৱা যায় ? য’ত মদৰ দাম মাত্ৰ ৩৫ টকা। গতিকে, সস্তাত মদ ক’ত পোৱা যায় জানোঁ আহক।

সস্তীয়া মদৰ কথা আহিলে ভিয়েটনামৰ নামটোৱেই প্ৰথম মনলৈ আহে। সংবাদ মাধ্যমৰ বাতৰি অনুসৰি, বিশ্বৰ ভিতৰতে ভিয়েটনামত আটাইতকৈ সস্তাত মদ পোৱা যায়, যাৰ মূল্য মাত্ৰ ৩৫ টকা (ভাৰতীয় মুদ্ৰাত)। ইয়াত মানুহৰ আয়ৰ কথা ক’বলৈ গ’লে প্ৰতিজন ব্যক্তিৰ গড় আয় প্ৰায় ১ লাখ টকা।

ভিয়েটনামৰ পিছত আটাইতকৈ কম মূল্যৰ সুৰা পোৱা যায় ইউক্ৰেইনত। খবৰ অনুসৰি, ইউক্ৰেইনত ৪৫ টকাতকৈও কম মূল্যত সুৰা পোৱা যায়। আফ্ৰিকাৰ দেশ জাম্বিয়াতো সস্তীয়া সুৰা পোৱা যায়। এই দেশত এটা বটলৰ দাম প্ৰায় ৭৫ টকা।

ইউক্ৰেইন, ভেনিজুৱেলা আৰু কিছু পৰিমাণে পৰ্তুগালত হুইস্কিৰ দাম যথেষ্ট কম। এই দেশসমূহত আবকাৰী কৰ আৰু উৎপাদন ব্যয় কম হোৱাৰ বাবে মদৰ দামো কম। ব্ৰেণ্ডৰ ক্ষেত্ৰত কিছুমান সস্তা সুৰা ব্ৰেণ্ডৰ ভিতৰত প্ৰিন্স ইগ’ৰ এক্সট্ৰিম ভ’ডকা, মলছন কানাডিয়ান আৰু ট’ৰ’ ব্ৰাভো টেম্প্ৰানিলো মেৰলট আদি উল্লেখযোগ্য।

এয়া আছিল বিশ্বৰ কাহিনী। এতিয়া কওঁ ভাৰতৰ ক’ত সস্তাত মদ পোৱা যায়? ভাৰতত মদৰ দাম ৰাজ্যভেদে বেলেগ বেলেগ, কিয়নো প্ৰতিখন ৰাজ্য চৰকাৰে নিজাকৈ আবকাৰী শুল্ক নিৰ্ধাৰণ কৰে। পৰ্যটনৰ প্ৰসাৰৰ বাবে আবকাৰী শুল্ক কম ৰখাৰ বাবে গোৱা ভাৰতৰ ভিতৰতে সস্তাত মদ পোৱা ৰাজ্যসমূহৰ ভিতৰত অন্যতম। গোৱাৰ উপৰিও ছিকিম, হিমাচল প্ৰদেশ, আৰু লাডাখ আদি ৰাজ্যত সুৰাৰ দাম কম।

যদি আপুনি ভাৰতত সস্তীয়া মদ বিচাৰিছে তেন্তে কওঁ সস্তাতে কোনবোৰ ব্ৰেণ্ড পাব পাৰে। ভাৰতৰ কিছুমান জনপ্ৰিয় আৰু সুলভ মূল্যৰ ব্ৰেণ্ডৰ ভিতৰত আছে, অফিচাৰ চয়ছ, মেকড’ৱেলছ, ৰয়েল ষ্টেগ আৰু অল্ড মংক।