Internet অবিহনেও কৰিব পাৰিব Video Call, গুগলৰ ফোনত আহিছে নতুন ফিচাৰ!

ধৰি লওক আপোনাৰ ফোনত নেটৱৰ্ক নাই। বা নেটৱৰ্কে কাম কৰা নাই। তেন্তে আপুনি কি কৰে? ভিডিঅ’ ক’লটো পাহৰিয়েই যাওক, নিয়মীয়া ক’লও কৰিব নোৱাৰিব। এতিয়া সেই সমস্যাৰ সমাধানৰ পথ উলিয়াইছে মার্কিন টেক কোম্পানী গুগলে।

২৮ আগষ্টত বজাৰলৈ আহিব গুগলৰ পিক্সেল ১০ ছিৰিজৰ ফোন। এই ফোনটোত আচৰিত ফিচাৰ দিছে মার্কিন টেক কোম্পানীয়ে। ইণ্টাৰনেটৰ অবিহনে চেটেলাইট ভিত্তিক সাধাৰণ ফোন আৰু হোৱাটছএপতো মানুহে ভিডিঅ’ কল কৰিব পাৰিব। গুগলে কয় যে, প্ৰথমে স্মাৰ্টফোনলৈ এনে ফিচাৰ আনিব।

শেহতীয়াকৈ গুগলে ছ’চিয়েল মিডিয়া চাইট এক্সত এটা ভিডিঅ’ পোষ্ট কৰিছিল। তাত এজন ব্যক্তিয়ে পিক্সেল ১০ ছিৰিজৰ ফোনত হোৱাটছএপ ক’লৰ উত্তৰ দিয়া দেখা গৈছে। সেই ফোনটোৰ ষ্টেটাছ বাৰত এটা কৃত্ৰিম চেটেলাইট আইকন দেখা যায়।

গুগলে লগতে কয় যে, এই ফিচাৰৰ জৰিয়তে ব্যৱহাৰকাৰীয়ে চিম কাৰ্ড অবিহনে অন্যলোকৰ সৈতে যোগাযোগ কৰিব পাৰিব। এনে নহয় যে ব্যৱহাৰকাৰীয়ে জৰুৰীকালীন অৱস্থাতহে এই বৈশিষ্ট্য লাভ কৰিব। গুগলে কয়, ব্যৱহাৰকাৰীয়ে সকলো সময়তে এই ফিচাৰ লাভ কৰিব পাৰিব।