মোক আপোনালোকৰ পৰিয়ালৰ সদস্য বুলি ভাবিব: অনুৰাগীলৈ বিশেষ আহ্বান গৰিমাৰ

গৰিমা গাৰ্গ

এমাহ হৈ গ’ল তেওঁ যোৱা। এতিয়া বুকুত অজস্ৰ বেদনা লৈ জীয়াই আছে অসমীয়া। পাহৰিব পৰা হিয়াৰ আপোন শিল্পীগৰাকীৰ বিয়োগৰ বতৰা। আজি গৰিমা গাৰ্গৰ কাষত গ’ল্ডী নাই। দেওবাৰে নিশা সোণাপুৰৰ জুবিন ক্ষেত্ৰত নিশা অনুৰাগীৰ সৈতে গৰিমা শইকীয়া গাৰ্গে কান্দি কান্দি গালে ‘মায়াবিনী’।

জুবিনৰ এমহীয়া অনুষ্ঠানত  ‘মায়াবিনী ৰাতিৰ বুকুত’ গীতেৰে গুঞ্জৰিত হ’ল সমাধিক্ষেত্ৰ। অনুৰাগীৰ ‘জয় জুবিন দা’ ধ্বনিৰে মুখৰিত সোণাপুৰৰ আকাশ-বতাহ।  একেলগে ১০০তকৈও বাঁহী বাদকৰ স্মৰণ। ১০০তকৈও অধিক নামতি দলে পৰিৱেশন কৰিলে নেগেৰা নাম।  জুবিন গাৰ্গৰ মৃত্যুৰ এমাহ উপলক্ষে সোণাপুৰৰ সমাধিক নিশা ভাওনা প্ৰদৰ্শন। মহিলা শিল্পীৰ দ্বাৰা জুবিন ক্ষেত্ৰত প্ৰদৰ্শন ‘মহাৰথী কৰ্ণ’। গৰিমা গাৰ্গৰ সন্মুখত প্রদৰ্শিত কৰা হ’ল ‘মহাৰথী কৰ্ণ’ ভাওনা।

ইফালে প্ৰতিটো মুহূৰ্ততে জুবিনৰ স্মৃতিয়ে আমনি কৰিছে পত্নী গৰিমাক। সোণাপুৰত নিশা জনতাৰ সন্মুখত আৱেগিক হৈ পৰিল গৰিমা গাৰ্গ। অশ্ৰুসিক্ত নয়নেৰে জনতাক উদ্দেশ্যি বক্তব্য গৰিমাৰ।  তেওঁ ক’লে, “জুবিনৰ লগত কি হৈছিল সেই কথা আমি সকলোৱে জানিব লাগিব, সঁচাটো জানিব লাগিব। এক আস্থাৰে,শান্তিৰে,ধৈৰ্য্যৰে অপেক্ষা কৰিছো, শুদ্ধভাৱে, পানী নসৰকাভাৱে বিচাৰ হওঁক।”