ৰাজ্যসভা নিৰ্বাচনৰ বাবে বিজেপি, অগপৰ প্ৰাৰ্থীৰ মনোনয়ন দাখিল…

ৰাজ্যসভা নিৰ্বাচনৰ বাবে অগপৰ প্ৰাৰ্থীয়ে মনোনয়ন দাখিল কৰে

নিৰ্বাচনৰ অনুষ্ঠিত হ’বলগীয়া অসমৰ দুখন ৰাজ্যসভা আসনৰ বাবে সোমবাৰে মনোনয়ন দাখিল কৰে বিজেপিৰ কনাড পুৰকায়স্থ আৰু অগপৰ বীৰেন্দ্ৰ প্ৰসাদ বৈশ্যই । অহা ১৯ জুন তাৰিখে অসমৰ দুয়োখন ৰাজ্যসভা আসনৰ বাবে অনুষ্ঠিত হ’ব নিৰ্বাচন । এখন আসনত বিজেপিয়ে প্ৰাৰ্থী দিয়াৰ বিপৰীতে আনখনত অগপই প্ৰাৰ্থী দিছে । মিত্ৰতাৰ বুজাবুজিৰে বিজেপিয়ে এখনত প্ৰাৰ্থী দিয়াৰ বিপৰীতে আনখন আসন অসম গণ পৰিষদ দলক এৰি দিছে ।

বিধানসভা সচিবালয়ৰ এগৰাকী জ্যেষ্ঠ বিষয়াই কয় যে, ৰাজ্যৰ শাসকীয় মিত্ৰজোঁটৰ দুজন প্ৰাৰ্থীয়ে প্ৰায় একত্ৰিত হৈ নিজৰ মনোনয়ন দাখিল কৰে। এই পৰ্যন্ত তেওঁলোক একমাত্ৰ প্ৰাৰ্থী যিয়ে মনোনয়ন দাখিল কৰিছে । বৰাক উপত্যকাৰ বিজেপি নেতা কনাড পুৰকায়স্থ দলৰ প্ৰবীণ নেতা তথা প্ৰাক্তন কেন্দ্ৰীয় মন্ত্ৰী কবীন্দ্ৰ পুৰকায়স্থৰ পুত্ৰ।

ৰাজ্যসভা নিৰ্বাচনৰ বাবে বিজেপি প্ৰাৰ্থীয়ে মনোনয়ন দাখিল কৰে

প্ৰাক্তন কেন্দ্ৰীয় মন্ত্ৰী বিৰেন্দ্ৰ প্ৰসাদ বৈশ্যই লোকসভাত এটা কাৰ্যকাল আৰু ৰাজ্যসভাত দুটা কাৰ্যকাল কাৰ্যনিৰ্বাহ কৰাৰ লগতে দ্বিতীয়টো কাৰ্যকাল চলিত মাহৰ শেষৰ ফালে শেষ হোৱাৰ কথা। ৰাজ্যৰ দুয়োন ৰাজ্যসভাৰ আসনৰ নিৰ্বাচন অহা ১৯ জুনত অনুষ্ঠিত হ’ব, একেদিনাই ভোটগণনা হ’ব।

মনোনয়ন পত্ৰ দাখিলৰ সময়ত দুয়োগৰাকী প্ৰাৰ্থীৰ সৈতে মুখ্যমন্ত্ৰী হিমন্ত বিশ্ব শৰ্মা, কেন্দ্ৰীয় মন্ত্ৰী সৰ্বানন্দ সোণোৱাল, বিজেপিৰ ৰাজ্যিক সভাপতি দিলীপ শইকীয়া, অগপৰ সভাপতি অতুল বৰা আৰু ইউপিপিএলৰ নেতা উৰ্খাও গৌৰা ব্ৰহ্ম উপস্থিত থাকে।

কেন্দ্ৰীয় মন্ত্ৰী সৰ্বানন্দ সোণোৱালে এক্স হেণ্ডেলৰ জৰিয়তে কয়, “ৰাজ্যসভা নিৰ্বাচনৰ বাবে কনাড পুৰকায়স্থ আৰু বীৰেন্দ্ৰ প্ৰসাদ বৈশ্যৰ মনোনয়ন দাখিলৰ সময়ত অসমৰ মুখ্যমন্ত্ৰী হিমন্ত বিশ্ব শৰ্মা, বিজেপিৰ ৰাজ্যিক সভাপতি দিলীপ শইকীয়া , অগপৰ সভাপতি অতুল বৰা আৰু ইউপিপিএলৰ উৰ্খাও গৌৰা ব্ৰহ্ম ডাঙৰীয়াৰ সৈতে উপস্থিত থাকো । তেওঁলোকলৈ মোৰ শুভেচ্ছা থাকিল।”