এগৰাকী সাংসদে সাক্ষাৎ কৰিছিল পাকিস্তানী বিষয়াক, পত্নীৰ আছিল পাকিস্তানৰ সৈতে সু-সম্পৰ্কঃ হিমন্ত বিশ্ব

হিমন্ত বিশ্ব শৰ্মা, গৌৰৱ গগৈ,পত্নী এলিজাবেথ

এগৰাকী সাংসদ পত্নীৰ বিৰুদ্ধে অসমৰ মুখ্যমন্ত্ৰী হিমন্ত বিশ্ব শৰ্মাই কৰা গুৰুতৰ অভিযোগৰ পাছতে এতিয়া দেশৰ ৰাজনীতি গৰম হৈ উঠিছে। শৰ্মাই কৰা অভিযোগ অনুসৰি দেশৰ এগৰাকী সাংসদৰ পত্নীৰ সম্পৰ্ক আছে পাকিস্তানী চোৰাংচোৱা সংস্থা আই এছ আই (ISI) ৰ সৈতে। ইমানেই নহয়,  এইগৰাকী সাংসদ পত্নীয়ে যোৱা ১২ বছৰ ধৰি ভাৰতীয় নাগৰিকত্ব গ্ৰহণ কৰিবলৈ অস্বীকাৰ কৰি আহিছে। ইয়াৰ মাজতে সাংসদগৰাকীক উদ্দেশ্য কৰি পুনৰ এক ডাঙৰ অভিযোগ উত্থাপন কৰে শৰ্মাই।

সামাজিক মাধ্যমত শৰ্মাই লিখে যে- ” ২০১৫ চনৰ কথা৷ ভাৰতত থকা পাকিস্তানৰ উচ্চায়ুক্ত আব্দুল বাছিতে নতুন দিল্লীত পাকিস্তানৰ উচ্চায়ুক্তক ভাৰত-পাকিস্তানৰ সম্পৰ্কৰ বিষয়ে আলোচনা কৰিবলৈ প্ৰথমটো কাৰ্যকাল আৰম্ভ কৰা এগৰাকী সাংসদ আৰু তেওঁৰ ষ্টাৰ্টআপ ‘পলিচী ফৰ ইউথ’ক আমন্ত্ৰণ জনাইছিল। উল্লেখযোগ্য যে সেই সময়ত এই সাংসদজন বৈদেশিক পৰিক্ৰমাৰ সংসদীয় সমিতিৰো সদস্য নাছিল, সেয়ে এই বিশেষ আমন্ত্ৰণৰ আঁৰৰ উদ্দেশ্যক লৈ প্ৰশ্ন উত্থাপন হৈছিল। বিশেষকৈ হুৰ্ৰিয়ৎ কনফাৰেন্সৰ সৈতে সম্পৃক্ত বিষয় হিচাপে অভ্যন্তৰীণ বিষয়ত পাকিস্তানী উচ্চায়ুক্তৰ হস্তক্ষেপৰ বিৰুদ্ধে ভাৰতে আনুষ্ঠানিকভাৱে প্ৰতিবাদ কৰাৰ পাছতো এই ভ্ৰমণ নিশ্চিত হৈছিল। এই উদ্বেগক আওকাণ কৰিও সাংসদগৰাকীয়ে পাকিস্তানী বিষয়াৰ সৈতে সাক্ষাৎ কৰাবলৈ ৫০-৬০জন ভাৰতীয় যুৱকক লৈ গৈছিল।

এই কথাৰ কিছু সময়ৰ পাছতে তেওঁৰ ষ্টাৰ্টআপে ‘দ্য হিন্দু’ত এটা প্ৰবন্ধ প্ৰকাশ কৰি বাংলাদেশী অনুপ্ৰৱেশকাৰীক নিয়ন্ত্ৰণৰ ক্ষেত্ৰত সীমান্ত সুৰক্ষা বাহিনীৰ ভূমিকাক সমালোচনা কৰে। তেওঁৰ সংসদীয় প্ৰশ্নসমূহ অধিক পুংখানুপুংখভাৱে পৰীক্ষা কৰিলে ক’ষ্ট গাৰ্ডৰ ৰাডাৰ স্থাপন, ভাৰতৰ অস্ত্ৰ কাৰখানা, বিমান প্ৰতিৰক্ষা, ইৰানৰ সৈতে বাণিজ্যৰ বাবে ট্ৰেনজিট পথ, কাশ্মীৰী ছাত্ৰ-ছাত্ৰী আৰু গিৰ্জাত আক্ৰমণৰ অভিযোগ আদিৰ বিষয়ে অনুসন্ধানকে ধৰি স্পৰ্শকাতৰ প্ৰতিৰক্ষা বিষয়সমূহে গুৰুত্ব বেছিকৈ পোৱাতো পৰিলক্ষিত হয়৷ এই কথাবোৰে আচলতে তেওঁৰ আগ্ৰহযুক্ত বিষয়ৰ লক্ষণীয় পৰিৱৰ্তনক চিহ্নিত কৰিছে।

আমোদজনকভাৱে এই সকলোবোৰ তেখেতৰ ‘প্ৰফেচনেল বেকগ্ৰাউণ্ড’ থকা ব্ৰিটিছ নাগৰিকগৰাকীৰ সৈতে বিবাহপাশত আবদ্ধ হোৱাৰ লগে লগে ঘটিছিল আৰু সেয়ে ই অধিক প্ৰশ্নৰ অৱতাৰণা কৰিছে। বিবাহৰ পূৰ্বে তেওঁৰ পত্নীয়ে পাকিস্তানী প্ৰতিষ্ঠানৰ সৈতে ঘনিষ্ঠ সম্পৰ্কৰ বাবে পৰিচিত এজন আমেৰিকান চিনেটৰৰ বাবে কাম কৰিছিল আৰু পাছলৈ পাকিস্তানতে সময় কটাইছিল৷ আই এছ আইৰ ফ্ৰণ্ট বুলি বহুলভাৱে বিশ্বাস কৰা এটা সংস্থাত কৰ্মৰত আছিল। এই ঘটনাসমূহ আৰু সংঘটিত হোৱাৰ সময়সূচীয়ে সাংসদগৰাকীৰ ৰাজনৈতিক স্থিতি আৰু কাৰ্যাৱলীত আন এক কুটিল স্তৰৰ সংযোজন কৰিছে”  ।

উল্লেখ্য যে, নাম নোলোৱাকৈ মুখ্যমন্ত্ৰীগৰাকীয়ে এগৰাকী সাংসদক বাৰে বাৰে লক্ষ্য কৰি আহিছে যদিও শেহতীয়াকৈ ইয়াৰ প্ৰত্যুত্তৰ দিছে সাংসদ গৌৰৱ গগৈয়ে। তেওঁ কয় যে, যদি মোৰ পত্নী আই এছ আই (ISI) এজেন্ট, তেন্তে মই ভাৰতৰ ৰ’ (RAW) এজেন্ট। ইয়াৰোপৰি মূল সমস্যাবোৰৰ পৰা ৰাইজৰ দৃষ্টি আঁতৰ কৰিবৰ বাবে অসমৰ মুখ্যমন্ত্ৰীয়ে এনে অভিযোগ উত্থাপন কৰিছে বুলি গগৈয়ে কয়।

অন্য খবৰ পঢ়কঃ সাংসদ পত্নীৰ ISI ৰ সৈতে সম্পৰ্ক, ১২ বছৰে লোৱা নাই ভাৰতীয় নাগৰিকত্বঃ হিমন্ত বিশ্বৰ ডাঙৰ অভিযোগ