আলফা (স্বাধীন)ৰ ঘনিষ্ঠ সম্পৰ্ক থকাৰ অভিযোগত ৪ ব্যক্তিক আটক

আলফা (স্বাধীন)ৰ ঘনিষ্ঠ সম্পৰ্ক থকাৰ অভিযোগত ৪ ব্যক্তিক আটক

দুধৰ্ষ আলফা নেতা আদ্যমান অসমৰ সৈতে সঘন যোগাযোগ ৰক্ষা কৰাৰ অভিযোগত ৪ জনকৈ ব্যক্তিক সোধাপোছাৰ বাবে আটক কৰিছে চৰাইদেউ জিলা আৰক্ষীয়ে। আৰক্ষী সূত্ৰত প্ৰকাশ কৰা মতে আটক কৰা লোককেইজন হ’ল সাপেখাতীৰ মহেশ্বৰ কেওট,সাপেখাতীৰ ৰহণ পথাৰৰ কনক গগৈ,বৰহাটৰ ৰাহুল মহন আৰু মাহমৰাৰ বলিন বৰুৱা বুলি । আটকাধীন চাৰিওজনকে জিলা আৰক্ষীৰ উচ্চপ্ৰদস্ত বিষয়াই মাৰথান জেৰা চলাই থকা হৈছে।

আৰক্ষী বিষয়াসকলে নিশ্চিত কৰে যে, চাৰিওজনকে চোৰাংচোৱাৰ তথ্যৰ ভিত্তিত জিম্মাত লোৱা হৈছে। যাৰ পৰা অনুমান কৰিব পাৰি যে তেওঁলোক আলফা (স্বাধীন)ৰ কেডাৰৰ সংস্পৰ্শত আছিল। সূত্ৰ অনুসৰি, নিষিদ্ধ সংগঠনটোৰ শেহতীয়া সাংগঠনিক কাৰ্যকলাপৰ সৈতে জড়িত হোৱাৰ বাবে পৰিচিত দুধৰ্ষ আলফা নেতা আদ্যমান অসমৰ সৈতে সংযুক্ত লোকসকলৰ যোগাযোগৰ পৰিসৰ পৰীক্ষা কৰিবলৈ সোণাৰি আৰক্ষীয়ে মাৰাথন অভিযান আৰম্ভ কৰিছে।

উল্লেখ্য যে, কিছুদিন পূৰ্বে আত্মসমৰ্পণ কৰা (স্বাধীন)ৰ  শীৰ্ষ নেতা অৰুণোদয় অসম অসমত থাকিব বুলি মুখ্যমন্ত্ৰী হিমন্ত বিশ্ব শৰ্মাই নিশ্চিত কৰিছিল। মুখ্যমন্ত্ৰী হিমন্ত বিশ্ব শৰ্মাই আলফা স্বাধীনৰ নেতা অৰুণোদয় দহোটীয়াৰ আত্মসমৰ্পণৰ কথা স্বীকাৰ কৰিছিল। তেওঁ জানিবলৈ দিয়া মতে, আত্মসমৰ্পণকাৰী আলফা স্বাধীনৰ নেতাগৰাকীক দিল্লীলৈ নিয়া নহয়। ইয়াৰ পৰিৱৰ্তে তেওঁক তিনিচুকীয়াতে ৰখা হ’ব বুলি মুখ্যমন্ত্ৰীয়ে সদৰী কৰে।

আলফা (স্বাধীন)ৰ এগৰাকী অন্যতম শীৰ্ষ কেডাৰ হিচাপে চৰ্চিত হৈ আহিছিল অৰুণোদয় অসমৰ নাম।  মূলসুঁতিলৈ উভতা অৰুণোদয় অসম ৭৭৯ কেম্পৰ মেজৰ জেনেৰেলৰ দায়িত্বত আছিল বুলি তথ্যত প্ৰকাশ। ব্যক্তিগত সহায়ত তথা আলফা কেডাৰ ফ্ৰান্সিছ অসমৰ সৈতে অৰুণাচল প্ৰদেশৰ চাংলা জিলাৰ পানছাউ পাছত আত্মসমৰ্পণ কৰে অৰুণোদয় অসমে।  এতিয়া  অৰুণোদয় অসমৰ আত্মসমৰ্পণৰ কিছুদিন পিছতে এই চাৰিজন লোকক আটক কৰা হৈছে। যিয়ে সংগঠনটোৰ কাৰ্যকলাপৰ প্ৰতি ৰাষ্ট্ৰ নেতৃত্বাধীন কঠোৰ পন্থাৰ সংকেত দিয়ে।

লগতে পঢ়ক: বিৰোধী ৰাজনৈতিক দলতেই বদন সোমাই আছে: দিলীপ শইকীয়া