BTR নিৰ্বাচনৰ বাবে ১৬জনীয়া প্ৰাৰ্থীৰ তালিকা প্ৰকাশ UPPLৰ, প্ৰমোদ বড়োক গইবাৰী সমষ্টিৰ প্ৰাৰ্থিত্ব

BTR নিৰ্বাচনৰ বাবে ১৬জনীয়া প্ৰাৰ্থীৰ তালিকা প্ৰকাশ UPPLৰ

বিটিআৰত নিৰ্বাচনৰ বাবে সাজু হৈছে UPPL। নিৰ্বাচনৰ বাবে দ্বিতীয়খন প্ৰাৰ্থীৰ তালিকা প্ৰকাশ কৰে দলটোৱে। দেওবাৰে ১৬ জনীয়া প্ৰাৰ্থী তালিকা ঘোষণা কৰিছে UPPL-এ। বিটিআৰৰ শাসকীয় প্ৰমোদ বড়ো নেতৃত্বাধীন ইউপিপিএল দলে প্ৰকাশ কৰিলে দ্বিতীয়খন প্ৰাৰ্থীৰ তালিকা ।

বিটিচি প্ৰধান প্ৰমোদ বড়োক গইবাৰী সমষ্টিৰ পৰা প্ৰাৰ্থিত্ব প্ৰদান কৰে দলটোৱে। বিটিচিৰ উপ মুখ্য কাৰ্যবাহী গোবিন্দ চন্দ্ৰ বসুমতাৰীক ভৈৰৱকুণ্ডৰ পৰা প্ৰাৰ্থীত্ব প্ৰদান কৰা হৈছে। লগতে ৰঞ্জিত বসুমতাৰীক নিচিমা আৰু খাম্পা বৰ্গায়াৰীক চিৰাং দুৱাৰত দলীয় টিকেট দিয়ে UPLL-এ।

প্ৰাৰ্থিত্ব লাভ কৰা বাকীকেইজন

নিৰ্বাচন আয়োগে ঘোষণা কৰা অনুসৰি অহা ২২ ছেপ্টেম্বৰত অনুষ্ঠিত হ’ব বিটিচি নিৰ্বাচনৰ ভোটগ্ৰহণ। যদি পুনৰ ভোটগ্ৰহণৰ প্ৰয়োজন হয় তেন্তে ২৪ ছেপ্টেম্বৰত অনুষ্ঠিত কৰা হ’ব পুনৰ ভোটগ্ৰহণ। ভোটগণনা আৰু নিৰ্বাচনৰ ফলাফল ঘোষণা হ’ব ২৬ ছেপ্টেম্বৰত। ভোটগ্ৰহণ পুৱা ৭ বজাৰ পৰা বিয়লি ৪ বজালৈ অনুষ্ঠিত হ’ব। ভোটগণনা আৰম্ভ হ’ব পুৱা ৮ বজাত। বিটিআৰৰ শাসকীয় প্ৰমোদ বড়ো নেতৃত্বাধীন ইউপিপিএল দলে প্ৰকাশ কৰিলে প্ৰথমখন প্ৰাৰ্থী তালিকা। কোকৰাঝাৰ চহৰৰ থানাপাৰাস্থিত ইউপিপিএলৰ কেন্দ্ৰীয় কাৰ্যালয়ত আয়োজিত এক সংবাদ মেলৰ জৰিয়তে ঘোষণা কৰা হয় প্ৰথমখন প্ৰাৰ্থীতালিকা।

ৰাজ্যিক নিৰ্বাচন আয়োগৰ তথ্য মতে বিটিচি নিৰ্বাচনত অংশগ্ৰহণ কৰিবলগীয়া মুঠ ভোটাৰৰ সংখ্যা ২৬,৫৭,৯২৭ গৰাকী। ইয়াৰে পুৰুষ ভোটাৰৰ সংখ্যা ১৩,২৩,৩৯৯ আৰু মহিলা ভোটাৰৰ সংখ্যা ১৩,৩৪,৫২১ গৰাকী। অন্যান্য ভোটাৰৰ সংখ্যা ১৭ গৰাকী। ২০২০ বৰ্ষৰ নিৰ্বাচনত মুঠ ভোটাৰৰ সংখ্যা আছিল ২৩,৮৭,০৪৬ গৰাকী।

মুঠ ভোটকেন্দ্ৰৰ সংখ্যা ৩৩৫৯ টা। ২০২০ চনৰ নিৰ্বাচনত এই সংখ্যা আছিল ৩১৪৬ টা। মুঠ আসন হৈছে ৪০ খন। ইয়াৰে ৩০ খন আসন অনুসূচীত জনজাতিৰ বাবে, ৫ খন আসন অনুসূচীত অ-জনজাতীয় লোকৰ বাবে আৰু ৫ খন আসন মুকলি।