LIC India: পিছ পৰিল SBI, বছৰৰ মাজভাগত LIC এ গঢ়িলে অভিলেখ

অভিলেখ গঢ়িছে চৰকাৰী বীমা কোম্পানী LIC এ। শেহতীয়াকৈ ২০২৫ চনৰ বিত্তীয় বৰ্ষৰ শেষৰ ত্ৰৈমাসিকৰ প্ৰতিবেদন প্ৰকাশ কৰিছে। LIC এ কৈছে যে যোৱা বিত্তীয় বৰ্ষত তেওঁলোকে সকলো PSU ৰ তুলনাত সৰ্বাধিক মুনাফা অৰ্জন কৰিছে। যোৱা তিনিমাহত LIC ৰ মুঠ লাভ ১৯ হাজাৰ কোটি টকা।

শেষ ত্রৈমাসিকৰ প্ৰতিবেদনত এইটোও কয় যে, জানুৱাৰীৰ পৰা মাৰ্চলৈকে LIC ৰ নিকা লাভ ৩৮ শতাংশ বৃদ্ধি পাইছে। যোৱা বছৰ একে সময়তে তেওঁলোকৰ মুঠ লাভ আছিল ১৩ হাজাৰ কোটি টকা। যিয়ে এবছৰত ১৯ হাজাৰ কোটি টকাৰ সীমা স্পৰ্শ কৰিছে। চৰকাৰী কোম্পানীসমূহৰ ভিতৰত লাভৰ দৌৰত LIC ৰ পিছতে SBI। যোৱা ত্ৰৈমাসিকত SBI ৰ আয় আছিল ১৮ হাজাৰ ৬৩২ কোটি টকা।

কিন্তু বাৰ্ষিক লাভৰ ক্ষেত্ৰত SBI য়ে LIC ত কৈ বহু আগবাঢ়ি আছে। গোটেই বছৰটোত SBI য়ে ৭০ হাজাৰ কোটি টকা উপাৰ্জন কৰে। আনহাতে LIC এ ৪৮ হাজাৰ ১৫১ কোটি টকা উপাৰ্জন কৰে।