LIC Big News: চিন্তিত বিনিয়োগকাৰী! মাত্ৰ দুটা মাহত LIC য়ে হেৰুৱালে ১.৪৫ লাখ কোটি টকা…

ভয়ংকৰ হাৰত লোকচানৰ সন্মুখীন হৈছে এল আই চি । দেশৰ অন্যতম আগশাৰীৰ এই বীমা কোম্পানীত বছৰ বছৰ ধৰি বিনিয়োগ কৰি আহিছে দেশ মধ্য়বিত্ত শ্ৰেণীৰ লোকে । লাহে লাহে যেন সেই ‘বিশ্বাসযোগ্যতা’ হেৰুৱাবলৈ আৰম্ভ কৰিছে বীমা কোম্পানীটোৱে। কিয়নো দিনক দিনে লোকচানৰ সন্মুখীন হৈ আহিছে বীমা কোম্পানীটোৱে ।

ভাৰতীয় শ্বেয়াৰ বজাৰৰ বেয়াৰ দিন চলি থকাৰ সময়তো মূৰ দাঙি থাকিবলৈ সক্ষম হৈছে এল আই চিয়ে । কিন্তু সামগ্ৰিকভাৱে এল আই চিৰ শ্বেয়াৰৰ মূল্য বিগত এবছৰত শীৰ্ষৰ পৰা প্ৰায় ২৮ শতাংশ হ্ৰাস পাইছে। এই লোকচান ভৰিব লাগিব বিনিয়োগকাৰীয়ে।

এই জীৱন বীমা কোম্পানীটোৰ বজাৰ মূলধন যোৱা বছৰৰ ডিচেম্বৰ মাহত আছিল ১৪.৯ লাখ কোটি টকা। কিন্তু ফেব্ৰুৱাৰী মাহৰ শেষৰ ফালে এই মূল্য ১৩.৪ লাখ কোটি টকালৈ হ্ৰাস পায় । অৰ্থাৎ মাত্ৰ দুমাহতে ১.৪৫ লাখ কোটি টকাৰ লোকচান হৈছে এল আই চিৰ।