Indian Railways News: শ্লীপাৰ ক্লাছত বেডৰোল, যদি নাপায় কি কৰিব ? ৰে’লৱেৰ এই নিয়ম জানক

ৰে’লযোগে যাত্ৰা কৰি প্ৰায় সংখ্যক লোকে ভাল পায়। ৰে’লযোগে কম খৰচত আৰামদায়ক যাত্ৰা কৰিব পাৰি। যদি আপুনি এচি ডবাত উঠে, তেন্তে কোনো সমস্যা নহয়। ভাৰতীয় ৰে’লৱে আপোনাক বেডৰোল যোগান ধৰিব। কিন্তু ইয়াৰ মাজতে কেইবাটাও প্ৰশ্ন উত্থাপন হয়। শ্লীপাৰ ক্লাছত বেডৰোল পোৱা সম্ভৱনে ? যদি বেডৰোল লাভ নকৰে তেতিয়া কি কৰিব?

ৰে’লৱেই দিয়া বেডৰোলটোত ২ টা গাৰু, ২ খন বেডছিট আৰু ১ খন কম্বল থাকে। ইয়াৰ লগতে টাৱেল এখনো দিয়া হয়। ফাষ্ট এচি, চেকেণ্ড এচি, থাৰ্ড এচি সকলো কোচতে দিয়া হয় এই বেডৰোল। ষ্টাৰ্ট ষ্টেচনৰ পৰা যাত্ৰা কৰা সকলেহে যে এই বেডৰোল পায় তেনে নহয়। মাজৰ যিকোনো ষ্টেচনৰ পৰা যাত্ৰা কৰিলেও পাব বেডৰোল। অৱশ্যে গৰিব ৰথ এক্সপ্ৰেছত বেডৰোল পাবলৈ অতিৰিক্ত ২৫ টকা দিবলগীয়া হয়।