লুটুমাৰি সংৰক্ষিত বনাঞ্চলত দ্বিতীয় দিনাও চলিল প্ৰশাসনৰ বুলড’জাৰ

শনিবাৰৰ পৰা নগাঁৱৰ কচুৱাৰ লুটুমাৰী সংৰক্ষিত বনাঞ্চলত আৰম্ভ উচ্ছেদ অভিযান। কামপুৰ বনাঞ্চলিক বিষয়া কাৰ্যালয়ৰ অন্তৰ্গত কচুৱাৰ লুটুমাৰী সংৰক্ষিত বনাঞ্চলত চলিছে এই বৃহৎ উচ্ছেদ অভিযান । বন বিভাগৰ সূত্ৰে জানিব পৰা মতে বনাঞ্চলখনৰ ৫’৯৬২ বিঘা ভুমিত অবৈধভাৱে বসবাস কৰি অহা প্ৰায় ১৭০০ পৰিয়ালত প্ৰশাসনে চলাইছে এই উচ্ছেদ।

বন বিভাগ আৰু স্থানীয় প্ৰশাসনে একাধিক জাননী জাৰি কৰাৰ পিছতো বাসিন্দাসকলৰ একাংশই স্থানান্তৰিত হ’বলৈ অস্বীকাৰ কৰে।। তাৰ পিছত আজি দ্বিতীয় দিনাও অব্যাহত আছে লুটুমাৰি সংৰক্ষিত বনাঞ্চলত উচ্ছেদ অভিযান। উচ্ছেদৰ পাছত মুকলি আকাশৰ তলত মছজিদৰ ভেটিত অন্তিমবাৰৰ বাবে নামাজ আদায় কৰি উচুপনি উচ্ছেদিত লোকৰ। ঘৰ হেৰুৱাই কান্দোন সেই স্থানত অবৈধভাৱে বাস কৰা লোকসকলৰ। চাওক ভিডিঅ’…