Indian Railways News: ৰে’ল যাত্ৰীক হালাল মাংস পৰিবেশন কৰে নেকি? RTI ৰ উত্তৰ দিলে ৰে’লৱেই

ভাৰতীয় ৰে’লৱেত যাত্ৰীক খাদ্য পৰিবেশন কৰা হয়। বহু ৰে’লত পেণ্ট্ৰি কাৰ থাকে। তাত যাত্ৰীসকলৰ বাবে আমিষ আৰু নিৰামিষ দুয়ো ধৰণৰ খাদ্য থাকে। কিন্তু আমিষ খাদ্য় পৰিৱেশন কৰিলে তাত হালাল মাংসহে ব্যৱহাৰ কৰে নেকি? এই প্ৰশ্নটো শেহতীয়াকৈ উত্থাপন কৰা হৈছে। যাৰ বাবে ৰে’লৱে ব’ৰ্ডক স্পষ্টীকৰণ বিচাৰিছিল। এতিয়া ৰেলৱে ব’ৰ্ডে ইয়াকে লৈ প্ৰতিক্ৰিয়া প্ৰকাশ কৰিছে।

অভিযোগ কৰা হৈছিল যে ভাৰতীয় ৰেলৱেই (Indian Railways) নন-ভেজ কাউণ্টাৰত কেৱল হালাল প্ৰচেছড মাংসহে পৰিবেশন কৰে। এয়া মানৱ অধিকাৰৰ উলংঘা আৰু অনৈতিকভাৱে বৈষম্যৰ সৃষ্টি কৰা হৈছে। Right to Information অধীনত ইয়াৰ উত্তৰ বিচৰা হৈছিল।

এই অভিযোগৰ প্ৰতি সঁহাৰি জনাই ৰে’লৱে ব’ৰ্ডে ৰাষ্ট্ৰীয় মানৱ অধিকাৰ আয়োগক জনাইছে যে ৰে’লত হালাল খাদ্য পৰিবেশনৰ কোনো ব্যৱস্থা বা নিয়ম নাই।

প্ৰসংগক্ৰমে শেহতীয়াকৈ ভাৰতীয় ৰে’লৱেৰ বিৰুদ্ধে ৰাষ্ট্ৰীয় মানৱ অধিকাৰ আয়োগত এজাহাৰ দাখিল কৰিছিল। অভিযোগত উল্লেখ কৰা হৈছে যে ৰে’লত আমিষ বিকল্প বাছি লোৱা যাত্ৰীসকলক কেৱল হালাল প্ৰচেছড মাংসহে পৰিবেশন কৰা হৈছিল। ইয়াৰ পিছতে মানৱ অধিকাৰ আয়োগে ৰে’লৱে ব’ৰ্ডলৈ জাননী প্ৰেৰণ কৰে।