BTCৰ সচিবালয়ত প্ৰতিবাদী শিক্ষাৰ্থীৰ প্ৰৱেশ, ভাঙি লণ্ডভণ্ড কৰিলে…
শনিবাৰে অসম বিধানসভাৰ সদনত ৬ জনগোষ্ঠী জনজাতিকৰণৰ সন্দৰ্ভত মন্ত্ৰীগোটৰ প্ৰতিবেদন দাখিল কৰাৰ পূৰ্বে বড়োলেণ্ড বিশ্ববিদ্যালয়ৰ ছাত্ৰ-ছাত্ৰীয়ে প্ৰতিবাদী কাৰ্যসূচী গ্ৰহণ কৰাৰ খবৰ পোৱা গৈছিল। শেহতীয়া খবৰ অনুসৰি, এই প্ৰতিবাদে ক্ৰমাত উগ্ৰ ৰূপ ধাৰণ কৰে।
৬ জনগোষ্ঠী জনজাতিকৰণৰ বিৰোধিতাৰে সমগ্ৰ ৰাজ্যতে প্ৰতিবাদী কাৰ্যসূচী। শনিবাৰে অসম বিধানসভাৰ সদনত ৬ জনগোষ্ঠী জনজাতিকৰণৰ সন্দৰ্ভত মন্ত্ৰীগোটৰ প্ৰতিবেদন দাখিল কৰাৰ পূৰ্বে বড়োলেণ্ড বিশ্ববিদ্যালয়ৰ ছাত্ৰ-ছাত্ৰীয়ে প্ৰতিবাদী কাৰ্যসূচী গ্ৰহণ কৰাৰ খবৰ পোৱা গৈছিল। শেহতীয়া খবৰ অনুসৰি, এই প্ৰতিবাদে ক্ৰমাত উগ্ৰ ৰূপ ধাৰণ কৰে। প্ৰতিবাদনৰ সময়তে বি টি চি সচিবালয়ত প্ৰৱেশ কৰি সচিবালয়ৰ সা-সম্পত্তি ভাঙি লণ্ডভণ্ড কৰে একাংশ প্ৰতিবাদকাৰীয়ে ।
খবৰ অনুসৰি, বিশ্ববিদ্যালয় চৌহদৰ পৰা ছয় কিলোমিটাৰ দূৰত্বত থকা বড়োলেণ্ড টেৰিটৰিয়েল কাউন্সিলৰ সচিবালয়লৈ ছাত্ৰ-ছাত্ৰীসকলে প্ৰতিবাদী সমদল কৰে। ইয়াৰ পাছতে সচিবালয় সন্মুখত ৬ জনগোষ্ঠী জনজাতিকৰণৰ বিৰোধিতা কৰি উত্তাল প্ৰতিবাদ সাব্যস্ত কৰে ছাত্ৰ-ছাত্ৰীসকলে। ইফালে, একাংশ প্ৰতিবাদকাৰীয়ে বেৰিকেড ভাঙি সচিবালয়ত প্ৰৱেশ কৰি আচবাব ভঙাৰ অভিযোগ উত্থাপন হৈছে।
