ভাৰত মোৰ প্ৰেৰণা, মোৰ শিক্ষাগুৰু আৰু মোৰ ঘৰ: এ আৰ ৰহমান

কিছুদিন পূৰ্বে বিবিচি এছিয়ান নেটৱৰ্কক দিয়া এক সাক্ষাৎকাৰত ৰহমানে কৈছিল যে, যোৱা কেইবছৰমানৰ পৰা হিন্দী ছবিত কাম কৰাৰ অফাৰ পূৰ্বৰ তুলনাত হ্ৰাস পাইছে। উদ্যোগটোৰ শক্তিৰ গাঁথনি সলনি হোৱা বুলি উল্লেখ কৰি তেওঁ কয় যে , এতিয়া ইয়াৰ নিয়ন্ত্ৰণ এনে কিছুমান মানুহৰ হাতত আছে যিসকল ‘সৃষ্টিশীল’ নহয়। ইয়াৰ মাজতে তেওঁ ইংগিত দিলে যে, ইয়াৰ আঁৰত ‘সাম্প্ৰদায়িক’ কাৰণ থাকিব পাৰে। তেওঁৰ এই মন্তব্যই ছ’চিয়েল মিডিয়া আৰু চলচ্চিত্ৰ জগতৰ এটা অংশত আলোড়নৰ সৃষ্টি কৰিছিল।