দাঁত আৰু ছালৰ সমস্যা দূৰ কৰিব নিমপাতে, জানক উপকাৰিতাৰ বিষয়ে
নিম পাত স্বাস্থ্যৰ বাবে অতি উপকাৰী। আনহাতে নিমপাত খালে বহু ৰোগৰ পৰা পৰিত্ৰাণ পোৱা যায়। নিম পাত খালে কি কি উপকাৰ হয় জানেনে?
দাঁত আৰু ছালৰ বাবে কিমান উপকাৰী
ভাৰতত নিমক পবিত্ৰ গছ আৰু সকলো ৰোগৰ দৰব বুলি গণ্য কৰা হয়। নিমৰ পৰা প্ৰস্তুত কৰা সামগ্ৰী ভাৰতত ঔষধৰূপে দুহাজাৰ বছৰৰো অধিকঁকাল ব্যৱহৃত হৈ আহিছে। এই গছ অসমৰ গাঁৱে-ভূঞে নিমগছ দেখিবলৈ পোৱা যায়। বহুতে নিমপাত ৰ’দত শুকুৱাই থৈ আৰু কিছুমানে কেচা পাত ধুই তেলত ভাজি খায়। বহুতে নিম পাত উতলাই সেই পানীৰে গা ধোৱে। এনে কৰিলে গাত লাগি থকা বীজাণুবোৰ আঁতৰি যায়। এই পাত দাঁত আৰু ছালৰ বাবে যথেষ্ঠ উপকাৰী। আজি ইয়াৰ গুনাগুণৰ বিষয়ে জানো আহক।
- বসন্ত কালত নিয়মিতভাৱে নিম পাত খাব লাগে। নিমৰ পাত বহু ধৰণে খাব পাৰি।
- দৈনিক ৪-৫ টা নিম পাত খাব পাৰে। ই ৰোগ প্ৰতিৰোধ ক্ষমতা বৃদ্ধি কৰে। প্ৰতিষেধক হিচাপে কাম কৰে।
- ই একজিমা, ফোঁহা, ব্ৰণ আদি ৰোগৰ বিৰুদ্ধে যুঁজ দিয়াত সহায় কৰে। ভেঁকুৰৰ সংক্ৰমণৰ পৰা ৰক্ষা কৰে।
- দাঁতৰ বিষ বা দাঁত যিকোনো সমস্যাত নিমপাত খালে বা নিম পাতৰ ঠাৰিৰে ব্ৰাচ কৰিলে সমস্যা দূৰ হয়।
- নিমে শৰীৰত থকা বিষাক্ত পদাৰ্থবোৰ আঁতৰাই পেলায়, সেইবাবেই নিমৰ পাতৰ পৰা ৰসক ডিটক্স ড্ৰিংকছ বুলিও কোৱা হয়।
- নিমৰ পাতত প্ৰচুৰ পৰিমাণে আঁহ পোৱা যায়, যাৰ বাবে হজম শক্তি সুস্থ হৈ থাকে।
- নিম পাত খালে ওজন কমাব পাৰি, ইয়াৰ বাবে নিম পাতৰ পৰা ৰস প্ৰস্তুত কৰি প্ৰতিদিনে পুৱা খাব লাগিব।