এই অৱস্থাত হঠাতে অচেতন হৈ পৰিব পাৰে ! হাইপ’গ্লাইচেমিয়াৰ কাৰণ, লক্ষণ আৰু প্ৰতিৰোধৰ উপায় জানক

প্ৰতীকী ফটো

হাইপ’গ্লাইচেমিয়া (Hypoglycemia) হ’ল এনে এক অৱস্থা, য’ত তেজত চুগাৰৰ মাত্ৰা হঠাতে স্বাভাৱিকতকৈ হ্ৰাস পায়। এনে অৱস্থাত এজন ব্যক্তি হঠাতে অজ্ঞান হৈ পৰিব পাৰে। সাধাৰণতে ডায়েবেটিছ ৰোগীৰ ক্ষেত্ৰত এই অৱস্থা দেখা দিয়ে। বিশেষকৈ যেতিয়া ডায়েবেটিছ ৰোগীয়ে ঔষধ বা ইনচুলিন গ্ৰহণ কৰি থাকে। কিন্তু প্ৰশ্ন হয়, ঔষধ খোৱাৰ পিছতো কিয় মূৰ ঘূৰোৱা সমস্যা হয়। সাধাৰণতে যেতিয়া তেজৰ চুগাৰৰ মাত্ৰা 70mg/dl তললৈ নামি যায়, তেতিয়া সেই অৱস্থাক হাইপ’গ্লাইচেমিয়া (Hypoglycemia) বুলি গণ্য কৰা হয়।

হঠাতে চুগাৰৰ মাত্ৰা হ্ৰাস পোৱাটো কিমান বিপদজনক?

ৰাজীৱ গান্ধী চিকিৎসালয়ৰ সহযোগী অধ্যাপক ডাঃ অজিত জৈনে কয় যে, কাৰোবাৰ তেজৰ চুগাৰৰ মাত্ৰা হঠাতে কমি যোৱাটো বিপদজনক হ’ব পাৰে। বহু সময়ত মানুহে ইয়াক দুৰ্বলতা বুলি গণ্য কৰে আৰু চুগাৰৰ মাত্ৰা পৰীক্ষা নকৰে। এনে পৰিস্থিতিত হাইপ’গ্লাইচেমিয়াৰ অৱস্থা গুৰুতৰ হ’ব পাৰে। বহু ক্ষেত্ৰত অচেতনত হৈ পৰিব পাৰে। যদি টোপনিৰ অৱস্থাত এনেকুৱা হয়, তেন্তে ব্যক্তিজন ক’মাতো যাব পাৰে। এনে পৰিস্থিতিত যদি লেভেল কমি যোৱাৰ লক্ষণ দেখা যায়, তেন্তে চিকিৎসকৰ পৰামৰ্শ লোৱা উচিত।

হাইপ’গ্লাইচেমিয়াৰ লক্ষণ

• ঘাম ওলোৱা, ঠাণ্ডা অনুভৱ কৰা
• কঁপনি আৰু দ্ৰুত হৃদস্পন্দন
• হঠাৎ ভোক লগা
• মূৰ ঘূৰোৱা আৰু উদ্বেগ বৃদ্ধি পোৱা
• মূৰৰ বিষ বা দৃষ্টিশক্তি ম্লান হোৱা
• ওঁঠ, জিভা বা গাল সংবেদনশূন্যতা হোৱা
• ছাল হালধীয়া পৰা

কেনেকৈ প্ৰতিৰোধ কৰিব পাৰি?

ডাঃ জৈনে কয় যে, যিকোনো ব্যক্তিয়েই হাইপ’গ্লাইচেমিয়াত ভুগিব পাৰে, কিন্তু যিসকল লোকৰ ডায়েবেটিছ ৰোগৰ আশংকা বেছি, তেওঁলোকৰ আশংকা বেছি। ইয়াৰ বাবে কিছুমান গুৰুত্বপূৰ্ণ টিপছ আছে, যিবোৰ মানি চলিব পাৰে।

• দিনটোত সময়মতে আহাৰ গ্ৰহণ কৰিব লাগে
• সাধাৰণতকৈ বেছি ব্যায়াম নকৰিব
• খালী পেটত সুৰা সেৱন নকৰিব
• নিয়মিতভাৱে চুগাৰৰ মাত্ৰা পৰীক্ষা কৰক
• ব্যায়ামৰ আগতে আৰু পিছত আপোনাৰ চুগাৰ নিৰীক্ষণ কৰক

হাইপ’গ্লাইচেমিয়া হ’লে কিছুমান গুৰুতৰ লক্ষণ দেখা দিয়ে, যেনে বিভ্ৰান্তি, অস্বাভাৱিক আচৰণ বা দুয়োটা। নিয়মীয়া কাম সম্পূৰ্ণ কৰিব নোৱাৰা, কথা কোৱাত অসুবিধা, দৃষ্টিশক্তি ম্লান হোৱা, শুই থকাৰ সময়ত দুঃস্বপ্ন দেখা ইত্যাদি এনে পৰিস্থিতিত তৎক্ষণাত চিকিৎসকৰ লগত যোগাযোগ কৰিব লাগে। হাইপ’গ্লাইচেমিয়া এটা সাধাৰণ কিন্তু গুৰুতৰ অৱস্থা। সময়মতে যত্ন নকৰিলে ই মাৰাত্মকও হ’ব পাৰে।