সমুদ্ৰত শতৰু ৰোধিবলৈ নিৰ্মাণ ইন্দ্ৰৰ তৰোৱাল, ভাৰতীয় নৌসেনাক মহাশক্তিশালী কৰিব INS তামালে

Ins তামাল

ভাৰতে ক্ৰমাগতভাৱে বৃদ্ধি কৰি আছে নিজৰ শক্তি। জল, স্থল আৰু আকাশত মহাশক্তি হোৱাৰ দিশে আগবাঢ়িছে ভাৰত। ইফালে ১ জুলাই ভাৰতীয় নৌসেনাৰ বাবে এক ঐতিহাসিক তাৰিখ হিচাপে পৰিগণিত হোৱাৰ দিশে আগবাঢ়িছে। আচলতে নৌসেনাই ৰাছিয়াৰ কেলিনিনগ্ৰাডত এখন ৰাডাৰে ধৰা পেলাব নোৱৰা ধ্বংসকাৰী আৰু ষ্টীল্থ ফ্ৰিগেট যুদ্ধজাহাজ লাভ কৰিব। INS তামাল নামেৰে পৰিচিত এই যুদ্ধজাহাজখন যোৱা দুটা দশকত ৰাছিয়াৰ পৰা লাভ কৰা ক্ৰীভাক শ্ৰেণীৰ ফ্ৰিগেট শ্ৰেণীৰ অষ্টমখন মাৰাত্মক যুদ্ধজাহাজ।

তামাল যুদ্ধজাহাজ হৈছে তলৱাৰ আৰু টেগ শ্ৰেণীৰ আধুনিক সংস্কৰণ তুশীল শ্ৰেণীৰ দ্বিতীয়খন যুদ্ধজাহাজ। ইয়াৰ উপৰিও ই গোপনীয়ভাৱে আক্ৰমণ কৰিব পৰা এখন যুদ্ধজাহাজ। ৰাছিয়াৰ কেলিনিনগ্ৰাডৰ য়াণ্টাৰ শ্বিপয়াৰ্ডত নিৰ্মাণ কৰা হৈছে এই যুদ্ধজাহাজখন। বিদেশী উৎসৰ পৰা ভাৰতীয় নৌসেনাত অন্তৰ্ভুক্ত হোৱা এইখনেই শেষ যুদ্ধজাহাজ।

চৰকাৰৰ আত্মনিৰ্ভৰ ভাৰত আৰু মেক ইন ইণ্ডিয়া কাৰ্যসূচী অনুসৰি এই যুদ্ধজাহাজখন প্ৰস্তুত কৰা হৈছে। যুদ্ধজাহাজখন নিয়োগ কৰাৰ পিছত আৰব সাগৰ আৰু পাকিস্তানৰ কৰাচী বন্দৰৰ সমীপত সামুদ্ৰিক নিৰাপত্তা অতি শক্তিশালী হ’ব। শত্ৰুৰ প্ৰতিটো গতিবিধি নিৰীক্ষণ কৰা হ’ব। ভাৰতৰ কোনবোৰ ফ্ৰিগেট যুদ্ধজাহাজ আছে, যিবোৰে নৌসেনাক মহাশক্তিশালী কৰি তোলে সেয়া জানো আহক-

প্ৰথমে INS তামালৰ কথা কওঁ। ইয়াৰ ২৬ শতাংশ সঁজুলি থলুৱা। ইয়াৰ নাম তামাল, যি দেৱৰাজ ইন্দ্ৰই যুদ্ধৰ বাবে ব্যৱহাৰ কৰা পৌৰাণিক তৰোৱালৰ প্ৰতীক। ভালুকৰ ৰজা ‘জম্বুৱান’ আৰু ৰাছিয়াৰ জাতীয় প্ৰাণী ইউৰেছিয়ান ব্ৰাউন ভালুকৰ সাদৃশ্যৰ পৰা অনুপ্ৰাণিত হৈ এই জাহাজখনৰ মাস্কট নিৰ্মাণ কৰা হৈছে। ইয়াৰ ক্ৰুৰ নাম ‘দ্য গ্ৰেট বিয়াৰ্ছ’। ইয়াৰ মূলমন্ত্ৰ হৈছে ‘সৰ্বদা সৰ্বত্ৰ বিজয়’ অৰ্থাৎ সকলো সময়তে বিজয়ী।

INS তামালৰ সবিশেষ

• স্থল আৰু সাগৰীয় দুয়োটা লক্ষ্যত আঘাত কৰিব পৰাকৈ ব্ৰাহ্মছ নামৰ দীৰ্ঘ দূৰত্বৰ ক্ৰুজ মিছাইলেৰে সজ্জিত তামাল।
• জাহাজখনত পৃষ্ঠৰ পৰা বায়ুলৈ নিক্ষেপ কৰিব পৰা ক্ষেপণাস্ত্ৰৰে সজ্জিত কৰা হ’ব।
• ইয়াত আধুনিক ১০০ মিঃমিঃ কামান আৰু ষ্টেণ্ডাৰ্ড ৩০ মিঃমিঃ গান ক্ল’জ-ইন ৱেপন চিষ্টেম থাকিব।
• তামালত বোজা বহনকাৰী টৰ্পিডো, দ্ৰুত আক্ৰমণকাৰী এণ্টি চাবমেৰিন ৰকেট আৰু কেইবাটাও নিৰীক্ষণ আৰু অগ্নি নিয়ন্ত্ৰণ ৰাডাৰ আছে।
• জাহাজখনৰ ডেকৰ পৰা চলাচল কৰিব পৰা হেলিকপ্টাৰো সংযুক্ত হ’ব পাৰে।
• জাহাজখনৰ সহনশীলতা অতি উচ্চ মানৰ আৰু গতিবেগ ৩০ নটৰ অধিক।
• ইয়াৰ দৈৰ্ঘ্য ১২৫ মিটাৰ আৰু ওজন ৩৯০০ টন।
• তামালক পশ্চিম নৌসেনাৰ বহৰত অন্তৰ্ভুক্ত কৰা হ’ব।

যুদ্ধজাহাজ কি?

যুদ্ধজাহাজ হৈছে নৌসেনাৰ জাহাজৰ এক বিশেষ শ্ৰেণী। এই শ্ৰেণীটো মূলতঃ যুদ্ধৰ বাবে ব্যৱহাৰ কৰা হয়। নৌসেনা আৰু উপকূলৰক্ষীয়ে সাধাৰণতে সাগৰত প্ৰতিৰক্ষাৰ বাবে ব্যৱহাৰ কৰে। যুদ্ধজাহাজত আক্ৰমণ, গতি, উন্নত পৰিচালনাৰ বৈশিষ্ট্য থাকে। গোলাবাৰুদ, ক্ষেপণাস্ত্ৰ, যুদ্ধ বিমান আৰু অন্যান্য অস্ত্ৰ-শস্ত্ৰৰে সজ্জিত থাকে যুদ্ধজাহাজ। প্ৰয়োজনত সৈন্যবাহী হিচাপেও ব্যৱহাৰ কৰা হয়। কিছুমান সাধাৰণ ধৰণৰ যুদ্ধজাহাজ হ’ল ফ্ৰিগেট, বিমানবাহী জাহাজ, ধ্বংসকাৰী জাহাজ, কৰ্ভেট, চাবমেৰিন, উভচৰ আক্ৰমণাত্মক জাহাজ আৰু ক্ৰুজাৰ। INS তামাল এখন ফ্ৰিগেট জাহাজ।

শিৱালিক-শ্ৰেণীৰ প্ৰথমখন থলুৱা ষ্টীল্থ যুদ্ধজাহাজ

২০২৫ চনৰ জানুৱাৰী মাহত নীলগিৰি শ্ৰেণীৰ INS নীলগিৰি যুদ্ধজাহাজ নৌসেনাক গতাই দিয়া হয়। ফ্ৰিগেট শ্ৰেণীৰ ভিতৰত নীলগিৰি শ্ৰেণীটো আটাইতকৈ ডাঙৰ। INS নীলগিৰি এই শ্ৰেণীৰ মুখ্য জাহাজ। এই শ্ৰেণীৰ মূল উদ্দেশ্য হৈছে বৰ্তমান সেৱাত থকা শিৱালিক শ্ৰেণীৰ ফ্ৰিগেটসমূহ সলনি কৰা। শিৱালিক শ্ৰেণীৰ ভাৰতে নিৰ্মাণ কৰা প্ৰথমখন ষ্টীল্থ যুদ্ধজাহাজ। এই শ্ৰেণীৰ তিনিওখন জাহাজ ২০০০ চনৰ পৰা ২০১০ চনলৈ মুম্বাইত মাজাগন ডক লিমিটেডে নিৰ্মাণ কৰিছিল। তালৱাৰ শ্ৰেণীৰ পূৰ্বে ব্ৰহ্মপুত্ৰ শ্ৰেণীৰ ফ্ৰিগেট নিৰ্মাণ কৰিছিল, যিবোৰ কলকাতাৰ গাৰ্ডেন ৰিচ জাহাজ নিৰ্মাতা আৰু অভিযন্তাসকলে নিৰ্মাণ কৰিছিল। ভাৰতীয় নৌসেনাৰ লগত এই শ্ৰেণীৰ তিনিখন জাহাজ এতিয়াও সেৱাত আছে।

ভাৰতীয় নৌসেনাত ১৪খন ফ্ৰিগেট যুদ্ধজাহাজ?

• শিৱালিক শ্ৰেণী: INS শিৱালিক (এফ৪৭), INS সাতপুৰা (এফ৪৮), INS সহ্যাদ্ৰী (এফ৪৯)
• তলৱাৰ শ্ৰেণী: INS তলৱাৰ (এফ৪০), INS ত্ৰিশূল (এফ৪৩), INS তাবৰ (এফ৪৪), INS টেগ (এফ৪৫), INS তৰকাশ (এফ৫০), INS ত্ৰিকাণ্ড (এফ৫১), INS তুশীল
• ব্ৰহ্মপুত্ৰ শ্ৰেণী: INS ব্ৰহ্মপুত্ৰ (এফ৩১), INS বেতোৱা (এফ৩৯), INS ব্যাস (এফ৩৭)
• নীলগিৰি শ্ৰেণী: INS ব্যাস নীলগিৰি (এফ৩৩)

ভাৰতীয় নৌসেনাৰ ১৩খন ধ্বংসকাৰী বিমান

ভাৰতীয় নৌসেনাই বিশাখাপট্টনম শ্ৰেণী, কলকাতা শ্ৰেণী, দিল্লী শ্ৰেণী আৰু ৰাজপুত শ্ৰেণীৰ চাৰিটা শ্ৰেণীত ১৩খন গাইড-মিছাইল ধ্বংসকাৰী বিমান চলায়। ইয়াৰ দ্বাৰা ছখন পুৰণি ডেষ্ট্ৰয়াৰ (তিনিটা আৰ ক্লাছ আৰু তিনিটা হাণ্ট ক্লাছ) ডিকমিচন কৰা হৈছে।

• বিশাখাপট্টনম শ্ৰেণী: INS বিশাখাপট্টনম, INS মোৰ্মুগাও, INS ইম্ফল আৰু INS চুৰাট।
• কলকাতা শ্ৰেণী: INS কলকাতা, INS কোচি, INS চেন্নাই।
• দিল্লী-শ্ৰেণী : INS দিল্লী (ডি ৬১), INS মহীশূৰ (ডি ৬০) আৰু INS মুম্বাই।
• ৰাজপুত-শ্ৰেণী : INS ৰাজপুত (ডি ৫১), INS ৰানা (ডি ৫২), INS ৰণবীৰ (ডি ৫৪) আৰু INS ৰণবিজয় (ডি ৫৫)।