ৰিজাৰ্ভ বেংকৰ বিষয়াৰ বেশত আহিল চোৰ, ৩০ মিনিটত লুটি নিলে ৭ কোটি নগদ ধন

টকা চুৰি হোৱা ভেনখন

বেংগালুৰুৰ এটা ভাল চিত্ৰনাট্যযুক্ত সাহসী দিনৰ পোহৰৰ ডাক’ইটিত বুধবাৰে বিয়লি দক্ষিণ বেংগালুৰুৰ এখন ব্যস্ত উৰণীয়া সেতুৰ পৰা আৰ বি আইৰ বিষয়াৰ ৰূপ লৈ পাঁচৰ পৰা ছয়জন দুষ্কৃতিকাৰীয়ে এখন সাজসজ্জিত নগদ ধন ভ্যানৰ পৰা ৭.১ কোটি টকা লুটপাত কৰে।

দিন দুপৰতে চহৰৰ মাজমজিয়াত সংঘটিত এক চাঞ্চল্যকৰ ঘটনা। এখন ব্যস্ত উৰণসেতুত চলিল এখন ৰহস্যময়ী নাটক আৰু তাৰ পাছতহে সকলোৱে বুজিলে ঘটনাৰ আঁতি-গুৰি। বুধবাৰে দিনৰ ঠিক ১২.৩০ বজাৰ ঘটনা। চি এম এছ ইনফ’ চিষ্টেমছৰ মালিকানাধীন এখন ভানে বেংগালুৰুৰ জে পি নগৰৰ এইচ ডি এফ চি বেংকৰ পৰা ২২ কিলোমিটাৰ দূৰত্বৰ এইচ বি আৰ লেআউটলৈ তিনিটা বাকচত নগদ ধন লৈ গৈ আছিল। কিন্তু আধা বাটতে ঘটিল এক আচৰিত ঘটনা।

মাজ বাটতে গাড়ীখনক আগচি ধৰিলে এখন এম ইউ ভি, দুখন হেচবেকে। জয়নগৰ ২য় ব্লকৰ অশোকা পিলাৰৰ সমীপত দুপৰীয়া প্ৰায় ১২.৩০ বজাত এখন মাৰুতি জেন ​​গাড়ীয়ে টকা কঢ়িওৱা ভেনখন অৱৰোধ কৰাৰ পৰাই নাটকখন আৰম্ভ হয়। চালক বিনোদ কুমাৰৰ উপৰিও ভেনখনত আছিল তিনিজন ব্যক্তি- কাষ্টোডিয়ান আফতাব আৰু সুৰক্ষাকৰ্মী ৰাজনা আৰু তাম্মাইয়া।

জেন বাহনখনৰ পৰা তিনিজন মানুহ ওলাই আহিল, যাৰ পিছত আছিল এখন ইনোভা, এখন এম ইউ ভি। তেওঁলোকে কেচ ভেনত থকাসকলক উদ্দেশ্যি কয়- “আমি আৰ বি আইৰ বিষয়া। আপোনাৰ ফাৰ্মৰ বিৰুদ্ধে আৰ বি আইৰ নিৰ্দেশনা উলংঘা কৰাৰ অভিযোগ আছে। আমি আপোনাৰ বক্তব্য লিপিবদ্ধ কৰিব লাগিব।”

চিএমএছৰ কৰ্মচাৰীয়ে সহজেই বিশ্বাস কৰিলে তেওঁলোকক। দুই সুৰক্ষাকৰ্মী ৰাজন্না আৰু তাম্মাইয়াই গাড়ীখনত নিজৰ অনুজ্ঞাপত্ৰ থকা একক নলীৰ বন্দুক এৰি কাষ্টোডিয়ান আফতাবৰ সৈতে এম ইউ ভিত প্ৰৱেশ কৰে।

এজন দুষ্কৃতিকাৰীয়ে কেছ ভেনৰ চালকজনক ডেইৰী চাৰ্কলৰ উৰণীয়া সেতুলৈ গৈ — অশোক পিলাৰৰ পৰা প্ৰায় ৩ কিলোমিটাৰ দূৰত্বত — গৈ “আৰ বি আইৰ বিষয়াসকলৰ” বাবে অপেক্ষা কৰিবলৈ পৰামৰ্শ দিলে। কুমাৰে আগুৱাই যোৱাৰ সময়তে চিএমএছৰ কৰ্মচাৰী আৰু দুষ্কৃতিকাৰীৰ সৈতে এমইউভিখনে ভানখনক ওচৰৰ পৰা অনুসৰণ কৰিছিল। নিমহান্স জংচন পোৱাৰ লগে লগে এম ইউ ভিখন ৰৈ গ’ল।

দুষ্কৃতিকাৰীয়ে চিএমএছৰ তিনিজন কৰ্মচাৰীক নামিবলৈ দি ক’লে- “থানালৈ আহক আমি আপোনালোকৰ বিবৃতি ল’ম, তাৰ আগতে আমি নগদ ধনৰ বাকচটো আৰ বি আইলৈ লৈ যাব লাগিব।” চি এম এছৰ কৰ্মচাৰীয়ে সিদ্দাপুৰা আৰক্ষী থানা অভিমুখে ৰাওনা হয়। ড্ৰাইভাৰ কুমাৰে গাড়ী চলাই ডেইৰী চাৰ্কলৰ ফ্লাই অভাৰলৈ গৈ তাতেই ৰৈ থাকিল।

“অলপ পিছতে কুমাৰৰ ওচৰতে দুষ্কৃতিকাৰীক লৈ থকা এম ইউ ভিখন ৰৈ গ’ল। বন্দুক টোঁৱাই দুষ্কৃতিকাৰীয়ে আৰ বি আই পৰিদৰ্শনৰ বাবে নগদ ধনৰ বাকচটো আন এখন মাৰুতি ৱেগনআৰত উঠাই লয়। চকুৰ পলকতে কুমাৰ, তেওঁৰ ভান আৰু এম ইউ ভি পৰিত্যাগ কৰি দুৰ্বৃত্তই পলায়ন কৰে।” এজন আৰক্ষী বিষয়াই এইদৰে কয়।

বেংগালুৰু চহৰৰ আৰক্ষী আয়ুক্ত সীমান্ত কুমাৰ সিঙে কয় যে তেওঁলোকে এই গোচৰৰ প্ৰতিটো কোণৰ পৰা তদন্ত কৰি আছে। তেওঁ লগতে কয়, “দুৰ্ভাগ্যজনকভাৱে চিএমএছে আমাৰ সৈতে যোগাযোগ কৰাত পলম হৈছিল। দুজন আৰক্ষী উপাযুক্ত আৰু এজন যুটীয়া আয়ুক্তই গোচৰটো সমাধানৰ বাবে আঠটা বিশেষ দলৰ নেতৃত্ব দি আছে।”

এজন প্ৰত্যক্ষদৰ্শী সঞ্জয়ে দাবী কৰে যে তেওঁ অশোক পিলাৰৰ ঠিক আগতে চিএমএছ ভানখন ৰখাই থোৱা দেখিছিল। তাৰ পিছত পিছফালৰ পৰা অহা এম ইউ ভি এখনৰ সন্মুখৰ নম্বৰ প্লেটত ভাৰত চৰকাৰৰ ল’গ’ আছিল।’ আৰক্ষীয়ে কেএ-০৩-এনচি-৮০৫২ নম্বৰৰ নম্বৰ প্লেটখন ভুৱা আৰু কল্যানগৰৰ এজন বাসিন্দাৰ চেডানৰ বুলি জানিব পৰা গৈছে।

চিএমএছৰ জ্যেষ্ঠ নিৰাপত্তা উপদেষ্টা নটৰাজে তেওঁৰ কোনো কৰ্মচাৰীক সন্দেহ কৰা নাই বুলি উল্লেখ কৰি আৰক্ষীৰ তদন্তত দোষী পোহৰলৈ আহিব বুলিও কয়। বুধবাৰে গভীৰ নিশা চিএমএছৰ শাখা পৰিচালক বিনোদ চন্দ্ৰৰে এজাহাৰ দাখিল কৰে।