গৰ্ভৱতী নেকি অভিনেত্ৰী ৰশ্মিকা, বিয়াৰ পূৰ্বে কিয় মাতৃত্বৰ কথা কৈছে ৰশ্মিকা মাণ্ডন্নাই?

বিজয় দেৱেৰাকোণ্ডাৰ সৈতে গোপনে আঙঠি পিন্ধোৱা পৰ্ব সম্পন্ন কৰিছে ৰশ্মিকা মাণ্ডন্নাই। এই খবৰ সমগ্ৰ চলচ্চিত্ৰ জগতত বিয়পি পৰিছে। আনকি শুনা গৈছে যে এই তাৰকা দম্পতীয়ে একেলগে দীপাৱলী উদযাপন কৰিছিল। অৱশ্যে ৰশ্মিকাই বিজয়ৰ সৈতে নিজৰ আঙঠি পিন্ধোৱা পৰ্বৰ কথা মুকলিকৈ নক’লেও অভিনেত্ৰীগৰাকীয়ে মাতৃত্বৰ ওপৰত নিজৰ চিন্তাধাৰা শ্বেয়াৰ কৰিছে।

কেইবাবছৰ ধৰি ৰশ্মিকা আৰু বিজয়ৰ মাজত সম্পৰ্ক। অৱশ্যে এই সন্দৰ্ভত ৰশ্মিক বা বিজয়ৰ কোনোৱেই ৰাজহুৱাভাৱে একো কোৱা শুনা নাই। অৱশ্যে যোৱা বছৰৰ অক্টোবৰ মাহত হঠাতে শুনা গৈছিল দুয়োৰে আঙঠি পিন্ধোৱা পৰ্বৰ কথা। আনকি, অনুৰাগীয়ে দুয়োখন হাতত এংগেজমেণ্ট ৰিং লক্ষ্য কৰিছিল।

ৰশ্মিকাই মাতৃত্বৰ কথা মুকলিকৈ ক’লে। ৰশ্মিকাই কয়, “মই এতিয়াও মাতৃ নহয়। কিন্তু মই মোৰ গৰ্ভস্থ সন্তানক এতিয়াই অনুভৱ কৰিব বিচাৰো। এনে লাগে যেন মই এতিয়াই সিহঁতক ডাঙৰ-দীঘল কৰি আছো। মই সিহঁতক সম্পূৰ্ণ সুৰক্ষিত ৰাখিব বিচাৰো। যদি মই সিহঁতৰ বাবে যুদ্ধলৈ যাবলগীয়া হয়, তেন্তে মই সেইটোলৈও যাম। মই এতিয়াই গৰ্ভত থকা সন্তানবোৰৰ প্ৰতি সুৰক্ষামূলক হ’ব বিচাৰো।”

শেহতীয়াকৈ ৰশ্মিকাইও নিজৰ ভৱিষ্যতৰ পৰিকল্পনাৰ কথা ক’লে। ৰশ্মিকাই কয় যে, “মই ৩০ বছৰ সম্পূৰ্ণ হ’লে অভিনয়ৰ পৰা অৱসৰ লম। তাৰ পিছত মই মোৰ গোটেই পৰিয়ালটোক সময় দিম। মই মোৰ কাম কমাই দিম। মই জীৱনটো সম্পূৰ্ণৰূপে উপভোগ কৰিব বিচাৰো। মই প্ৰতিটো অধ্যায় ভালদৰে জীয়াই থাকিব বিচাৰো। গতিকে মই ইতিমধ্যে নিজৰ পৰিকল্পনা নিজেই কৰি লৈছো।”