Bank Nomination: এতিয়াৰে পৰা বেংক একাউণ্টত ৪ জন নমিনি! কিমান সমস্যা বাঢ়িব আপোনাৰ?

২০২৫ চনৰ ১ নৱেম্বৰৰ পৰা বেংক নমিনেশনৰ নিয়ম সলনি হ’ব। কেন্দ্ৰীয় বিত্ত মন্ত্ৰালয়ে ২৩ অক্টোবৰ বৃহস্পতিবাৰে এই কথা ঘোষণা কৰে। তেওঁলোকে জাৰি কৰা নতুন নিয়মে গ্ৰাহকক অধিক সুবিধা আৰু স্বচ্ছতা প্ৰদান কৰিব। এতিয়াৰ পৰা আপোনাৰ বেংক একাউণ্ট বা লকাৰৰ বাবে সৰ্বাধিক ৪ জন নমিনি থাকিব। এই নতুন নিয়ম ‘বেংকিং (সংশোধনী) আইন, ২০২৫’ৰ অধীনত কাৰ্যকৰী হৈছে।

সাধাৰণ জমা একাউণ্টত এই ক্ষেত্ৰত দুটা বিকল্প আছে। এটাত একেলগে একাধিক মনোনয়ন দিব পাৰে বা ‘ক্ৰমিক’ নমিনেচন দিব পাৰে। ক্ৰমিক নমিনেশনৰ ক্ষেত্ৰত প্ৰথম নমিনিৰ ব্যক্তিৰ মৃত্যু হ’লেহে দ্বিতীয় মনোনীত ব্যক্তি সক্ৰিয় হ’ব। যৌথ নমিনিৰ ক্ষেত্ৰত মনোনীতসকলে ১০০টা সম্পত্তিৰ কিমানখিনি পাব সেইটো ভাগ কৰিব লাগিব।

কিন্তু ছেফটি লকাৰ ক্ষেত্ৰত কেৱল ‘ক্ৰমিক’ নমিনি গ্ৰহণযোগ্য হ’ব। অৰ্থাৎ প্ৰথম মনোনীত ব্যক্তিৰ মৃত্যুৰ পিছতহে দ্বিতীয় মনোনীত ব্যক্তি সক্ৰিয় হ’ব।

ইয়াৰ জৰিয়তে দাবী নিষ্পত্তিৰ ক্ষেত্ৰত বা Claim Settlement ত অভিন্নতা অনাৰ লক্ষ্য চৰকাৰৰ। এই মনোনয়ন কেনেদৰে কৰা হ’ব সেই বিষয়ে বিত্ত মন্ত্ৰালয়ে অৱগত কৰিছে। আৰু তাৰ বাবে কেন্দ্ৰই অতি সোনকালে ‘বেংকিং কোম্পানী (মনোনয়ন) নিয়ম, ২০২৫’ লৈ আহিব। এই আইনত মনোনীতসকলৰ সৈতে জড়িত প্ৰ-পত্ৰ আৰু মনোনয়ন পদ্ধতিৰ কথা উল্লেখ কৰা হ’ব।