Aadhaar Card: বন্ধ হৈ পৰিব পাৰে দৰমহা, পেঞ্চন! আধাৰ কাৰ্ডৰ এই ভুল শুধৰাই লওক…

আধাৰ কাৰ্ড

ধৰি লওক আপোনাৰ পেঞ্চন, স্কলাৰশ্বীপ বা দৰমহা হঠাতে বন্ধ হৈ পৰিছে। এনে ক্ষেত্ৰত কি কৰা উচিত? আপুনি য’ত কাম কৰে বা য’ৰ পৰা স্কলাৰশ্বীপ পায় সেই সংস্থাটোৱে আপোনাক কয় যে তেওঁলোকৰ পক্ষত কোনো সমস্যা নাই। কিন্তু সমস্যাটো ক’ত? তেতিয়া আপুনি দৌৰি বেংকৰ ওচৰ যায়। তাত তেওঁলোকেও ক’লে যে তেওঁলোকেও কোনো ভুল কৰা নাছিল।

আপোনাৰ টকা এনেকৈয়ে আবদ্ধ হৈ পৰিব পাৰে। অৱশ্যে বেছিভাগ ক্ষেত্ৰতে বেংকে আপোনাৰ সহায় কৰে। আপোনাৰ কামত কি ভুল আছে তেওঁলোকে বিচাৰি উলিয়ায়।  এনেকুৱা সমস্যা হ’লে প্ৰথমে আপোনাৰ আধাৰ কাৰ্ড পৰীক্ষা কৰিব লাগিব । কাৰণ আধাৰ কাৰ্ডত সামান্য ভুল হ’লে তেনে সমস্যাৰ সৃষ্টি হয়।

কিন্তু আধাৰ কাৰ্ডত নাম, জন্ম তাৰিখ, ঠিকনাৰ বানান ভুল হ’লে ঘৰতে বহি নিজে ঠিক কৰিব পাৰে।https://myadhaar.uidai.gov.in/ ৱেবছাইটত গৈ আপুনি নিজেই এই আপডেটসমূহ কৰিব পাৰিব। আৰু এই আপডেটৰ বাবে কোনো নথিপত্ৰৰ প্ৰয়োজন নাই।

ৱেবছাইটত গৈ ভাষাটো বাছি লোৱাৰ পিছত ‘Update Aadhaar Online’ বিকল্পটো নিৰ্বাচন কৰিব লাগিব। ইয়াত নাম, ঠিকনা, জন্ম তাৰিখ সলনি কৰিব পাৰিব। কিন্তু নাম বা জন্ম তাৰিখ এবাৰতকৈ বেছি সলনি কৰিব নোৱাৰি। তাৰ পিছত য’ত ঠিক কৰিব বিচাৰে তাত সঠিক তথ্য পূৰণ কৰক। ইয়াৰ পিছত তাত প্ৰয়োজনীয় নথি-পত্ৰ আপলোড কৰক। অৰ্থাৎ আপোনাৰ নাম, ঠিকনা বা জন্ম তাৰিখ আদি প্ৰয়োজনীয় প্ৰমাণ দিব লাগিব। সাধাৰণতে এই সকলোবোৰ ভুল তিনি-পাঁচ দিনৰ ভিতৰত শুধৰোৱা হয়। ইয়াৰ পিছত নতুন আধাৰ কাৰ্ডৰ পিডিএফ ডাউনলোড কৰিব পাৰিব। অথবা পিভিচি আধাৰ অৰ্ডাৰো কৰিব পাৰে।