চিন্তা নকৰিবঃ হাস্পাতালৰ বিচনাৰ পৰা অনুৰাগীলৈ জুবিনৰ বাৰ্তা…
ইয়াৰ পূৰ্বেও জুবিন গাৰ্গ একেই সমস্যাত হাস্পাতালত ভৰ্তি হৈছিল। এই সন্দৰ্ভত চিকিৎসক হীতেশ বৰুৱাই কয় যে, জুবিনে কেইটামান ঔষধ নিয়মীয়াকৈ খাব লাগে। সেই ঔষধ কিছুদিন খোৱা নাছিল বাবে হঠাতে অসুস্থ হৈ পৰিছিল।
জুবিন গাৰ্গ
বৰ্তমান গুৱাহাটী মহানগৰীৰ নেমকেয়াৰ হাস্পাতালত চিকিৎসাধীন কণ্ঠশিল্পী জুবিন গাৰ্গ। দেওবাৰে ছিজাৰ এটেক অহাৰ পাছতেই জুবিনক হাস্পাতালত ভৰ্তি কৰোৱা হৈছিল। বৰ্তমান জুবিনৰ অৱস্থা সুস্থিৰ যদিও বিশেষজ্ঞ চিকিৎসকৰ দলে তেওঁক চোৱা- চিতা কৰি আছে। নেমকেয়াৰ হাস্পাতালৰ চেমি আই চি ইউত চিকিৎসাধীন অৱস্থাত আছে জুবিন গাৰ্গ।
হাস্পাতালত ভৰ্তি হোৱাৰ খবৰ লাভ কৰাৰ পাছতেই জুবিন গাৰ্গৰ অনুৰাগীসকলৰ মাজত উৎকণ্ঠাই দেখা দিছে। সকলোৱে জানিব বিচাৰিছে কেনে আছে জুবিন গাৰ্গ। কণ্ঠশিল্পীগৰাকীৰ স্বাস্থ্য সন্দৰ্ভত জ্যেষ্ঠ চিকিৎসক হীতেশ বৰুৱাই কৈছে যে- বৰ্তমান সুস্থ আছে জুবিন গাৰ্গ। তেওঁক কিছু জিৰণিৰ প্ৰয়োজন হব। অনুৰাগীয়ে ভিৰ কৰিব বুলিহে চেমি আই চি ইউত ৰখা হৈছে। অভিজ্ঞ চিকিৎসকৰ এটা দলে গাৰ্গৰ স্বাস্থ্যত নজৰ দি আছে। শীঘ্ৰেই ঘৰলৈ যাবলৈ দিয়া হব গাৰ্গক।
ইয়াৰ মাজতে ছ’চিয়েল মিডিয়াত এটা বিশেষ পোষ্ট কৰিছে জুবিন গাৰ্গে। য’ত জুবিনে লিখেছে- “সকলোকে লগ পাব। চিন্তা নকৰবি, মই এতিয়া ভালে আছো”। ৩১ জুলাইত শ্ৰীমন্ত শংকৰদেৱ কলাক্ষেত্ৰৰ শ্ৰী শ্ৰী মাধৱদেৱ প্ৰেক্ষাগৃহত অনুষ্ঠিত হ’বলগীয়া এক কাৰ্যক্ৰমৰ পোষ্টাৰ শ্বেয়াৰ কৰি এই কথা লিখিছে গাৰ্গে।
উল্লেখ্য যে, ইয়াৰ পূৰ্বেও জুবিন গাৰ্গ একেই সমস্যাত হাস্পাতালত ভৰ্তি হৈছিল। এই সন্দৰ্ভত চিকিৎসক হীতেশ বৰুৱাই কয় যে, জুবিনে কেইটামান ঔষধ নিয়মীয়াকৈ খাব লাগে। সেই ঔষধ কিছুদিন খোৱা নাছিল বাবে হঠাতে অসুস্থ হৈ পৰিছিল। মাজে মাজে তেওঁ ঔষধ খাবলৈ পাহৰে। গতিকে কোনোবাই মনত পেলাই দিলে ভাল। ঔষধ নিয়মীয়াকৈ খাই থাকিলে সুস্থ হৈ থাকিব বুলি কয় চিকিৎসকগৰাকীয়ে।