নৈশ পাৰ্টিৰ মাজতে মহানগৰীত যুৱতীৰ সৈতে ভয়ংকৰ কাণ্ড! আটক অভিযুক্ত…

অভিযুক্ত

ৰাজ্যত বৃদ্ধি পোৱা অপৰাধজনিত ঘটনাৰ মাজতে পুনৰ মহানগৰীৰ পৰা এক ভয়ংকৰ খবৰ পোহৰলৈ আহিছে। গুৱাহাটীৰ পানীখাইতিত সংঘটিত হৈছে দলবদ্ধ ধৰ্ষণৰ ঘটনা। জানিব পৰা মতে, ত্ৰিপুৰাৰ এগৰাকী যুৱতীৰ সৈতে এই জঘন্য কাণ্ড সংঘটিত হয়। দুজনৰ যুৱকৰ নিৰ্যাতনৰ বলি এগৰাকী যুৱতী। ইতিমধ্যে ঘটনা সন্দৰ্ভত আৰক্ষীয়ে অভিযুক্তক আটক কৰিছে। এই ঘটনাই তীব্ৰ চাঞ্চল্যৰ সৃষ্টি কৰিছে।

ঘটনাৰ বিৱৰণী অনুসৰি, ১৩ ছেপ্টেম্বৰৰ নিশা পাৰ্টী কৰিছিল আটাইকেইজনে। সেই নিশাই যুৱতীগৰাকীৰ সৈতে দলবদ্ধ ধৰ্ষণৰ ঘটনা সংঘটিত হয়।  তাৰ পাছতে ১৬ ছেপ্টেম্বৰত যুৱতীগৰাকীয়ে ঘটনা সন্দৰ্ভত এজাহাৰ দাখিল কৰে। পাছত আৰক্ষীয়ে তদন্ত কৰি ঘটনা সন্দৰ্ভত অভিযুক্তক আটক কৰে।

ব্যক্তিগত বিশ্ববিদ্যালয়ত অধ্যয়নৰত অভিযুক্ত যুৱক দুজন মণিপুৰৰ অস্কাৰ মঙহমবাম আৰু টলেন্দ্ৰজিৎ অছেম বুলি চিনাক্ত হৈছে। দুয়োকে আৰক্ষীয়ে গ্ৰেপ্তাৰ কৰি BNS ৰ U/S -70(1)/3(5) ধাৰাৰ অধীনত প্ৰাগজ্যোতিষপুৰ আৰক্ষী থানাত 125/25 নম্বৰত এটি গোচৰ ৰুজু কৰে।

ঘটনা সন্দৰ্ভত ভুক্তভোগী যুৱতীগৰাকীয়ে এজাহাৰত উল্লেখ কৰে যে, ঘটনাৰ দিনা আটাইকেইজনে নৈশ পাৰ্টি কৰি আছিল। তাৰ পাছতে তেওঁ এটা কোঠাত শুবলৈ যায়। কিন্তু কিছু সময় পাছত সুৰাৰ ৰাগীত থকা যুৱক কেইজনৰ ভিতৰত অস্কাৰ মঙহমবাম নামৰ যুৱকজনে যুৱতী ছাত্ৰী গৰাকীৰ কোঠালৈ গৈ ধৰ্ষণ কৰে। অভিযোগ অনুসৰি যুৱতীগৰাকীৰ সৈতে দলবদ্ধ ধৰ্ষণৰ ঘটনা সংঘটিত হয়।

ইয়াৰে পূৰ্বে টলেন্দ্ৰজিৎ অছেম নামৰ যুৱকজনে আটাইকেইজন যুৱকৰ আগতেই ভুক্তভোগী যুৱতীগৰাকীক বলপূৰ্বকভাৱে হাতত ধৰি ৰুমৰ পৰা ওলাই যোৱাত বাধা প্ৰদান কৰিছিল। সেই এজাহৰৰ ভিত্তিত আৰক্ষীয়ে আটক কৰা যুৱক দুজনৰ লগতে সেইদিনা নিশা পাৰ্টি কৰা অন্য তিনিজন যুৱকক আৰক্ষী থানালৈ আনি সোধা পোছা কৰে। ঘটনা সন্দৰ্ভত বৰ্তমান তদন্ত অব্যাহত আছে।

অন্য খবৰ পঢ়কঃ বজালীত টিউচনলৈ যোৱা ছাত্ৰীৰ সৈতে ভয়ংকৰ কাণ্ড! অভিযুক্তক গ্ৰেপ্তাৰৰ দাবী ৰাইজৰ…