02 Oct 2024 | 10:53 AM
আজি মহালয়া,ধৰালৈ নামিল দেৱী দুৰ্গা। ৰাজ্যৰ বিভিন্ন প্ৰান্তৰ লগতে আজি দেশজুৰি উদযাপন হৈছে মহালয়া।
আজিৰ পৰা দেৱী পক্ষৰ সূচনা হৈছে । আজি পুৱাই চণ্ডীপাঠৰ জৰিয়তে দেৱী দুৰ্গাক ধৰালৈ আমন্ত্ৰণ জনাইছে ভক্তসকলে । কোৱা হয় যে, দেৱী দুৰ্গাৰ সৃষ্টি আৰু মহিমাৰ কথা ‘চণ্ডী’ত বৰ্ণনা কৰা আছে ।
আজিৰ দিনটোত সকলোৱে দেৱী মাক পূজা, আৰাধনা কৰে । এই উপলক্ষে আজি ৰাজ্যৰ বিভিন্ন প্ৰান্তত মহালয়া উদযাপনৰ বাবে পুৱাতি নিশাৰে পৰা ৰাজ্যবাসীৰ মাজত ব্যাপক উৎসাহ দেখিবলৈ পোৱা যায় ।
ৰাজ্যৰ প্ৰান্তে প্ৰান্তে মহালয়াৰ উপলক্ষে বিভিন্ন কাৰ্যসূচী গ্ৰহণ কৰা হৈছে । অশুভ শক্তিক বিনাশৰ বাবে ধৰালৈ আগমন হোৱা দেৱী দুৰ্গাক আৰাধনা কৰাৰ বাবে পুৱাতি নিশাৰে পৰা ভক্তসকলে ব্যাপক আয়োজন কৰা দেখা গৈছে ।
কোৱা হয় যে, মহালয়া দিনটোৰ পৰা খনিকৰে দেৱী প্ৰতিমাৰ চকু অংকন কৰে। জ্যোতিষীয়ে জনোৱা অনুসৰি, এইবাৰ মা দুৰ্গা দেৱীৰ আগমন হৈছে দোলাত আৰু গমন হৈছে ঘোঁৰাত।
