ডিব্ৰুগড়ত পাশৱিক কাণ্ড, অপকৰ্ম সংঘটিত কৰি যুৱতীক নৈত পেলাই দিলে প্ৰেমিকে!

প্ৰেমিকাক অপকৰ্ম কৰি প্ৰাণ ল’লে প্ৰেমিকে!

ৰাজ্যত সংঘটিত হৈছে আন এক ভয়ংকৰ ঘটনা। পুনৰ পাশৱিক নিৰ্যাতন বলি  যুৱতী। কেৱল অপকৰ্ম কৰাই নহয়, হত্যা কৰি উলংগ অৱস্থাত যুৱতীগৰাকীক পেলাই দিলে নৈত।  অভিযোগ অনুসৰি প্ৰেমিকৰ কামনাৰ বলি হ’ল ২২ বছৰীয়া যুৱতীগৰাকী। যি ঘটনাই এতিয়া জোকাৰিছে ৰাজ্য।

এই ঘটনা সংঘটিত হৈছে ডিব্ৰুগড়ত। ডিব্ৰুগড় লাহোৱালত যুৱতীক ধৰ্ষণ কৰি হত্যা পাষণ্ড যুৱকৰ। উলংগ অৱস্থাত চেঁচা নৈত উদ্ধাৰ কৰা হৈছে যুৱতীগৰাকীৰ মৃতদেহ। স্থানীয় ৰাইজে নদীত উপঙি থকা অৱস্থাত প্ৰত্যক্ষ কৰে মৃতদেহটো।বকুল মাজগাঁও চাপৰি লাইনত সংঘটিত হৈছে এই ঘটনা। জানিব পৰা মতে তিনিদিন ধৰি সন্ধানহীন হৈ আছিল যুৱতীগৰাকী। ৯ জানুৱাৰীৰ পৰা সন্ধানহীন হৈ থকা যুৱতীগৰাকী মৃতদেহ উদ্ধাৰ হৈছিল ১৩ জানুৱাৰীত।

বকুল মাজগাঁও চাপৰি লাইনত সংঘটিত হৈছে এই ঘটনা। স্থানীয় ৰাইজে নদীত উপঙি থকা অৱস্থাত উদ্ধাৰ কৰে যুৱতীগৰাকীক মৃতদেহ। যুৱতীগৰাকীৰ সৰ্বশৰীৰত আছিল  স্পষ্ট আঘাতৰ চিন। এই ঘটনাক লৈ লাহোৱালত ৰাইজে সাব্যস্ত কৰি তীব্ৰ প্ৰতিবাদ। ডিব্ৰুগড়ৰ লাহোৱাল থানাত সৃষ্টি হৈছে উত্তপ্ত পৰিস্থিতি। যুৱতীৰ মৃতদেহ উদ্ধাৰক কেন্দ্ৰ কৰি থানা ঘেৰাও ক্ষুব্ধ ৰাইজৰ। অতি শীঘ্ৰে দোষীক কৰায়ত্ব কৰি কঠোৰতম শাস্তি দিয়াৰ দাবী ৰাইজৰ। অভিযুক্ত পলাতক হত্যাকাৰী বৰুণ মূড়াক গ্ৰেপ্তাৰৰ দাবী উত্তাল হৈছে লাহোৱালৰ ৰাজপথ।

ইফালে বৰুণ মূড়া নামৰ এজন যুৱকৰ বিৰুদ্ধে এই জঘন্য ঘটনা সংঘটিত কৰাৰ অভিযোগ উত্থাপন হৈছে। বৰুণ মূড়া ২২ বছৰীয়া যুৱতীগৰাকীৰ সৈতে অপকৰ্ম সংঘটিত কৰাৰ লগতে হত্যা কৰি চেঁচা নদীত পেলাই দিয়া অভিযোগ। জানিব পৰা অনুসৰি যুৱতীগৰাকীৰ সৈতে  ঘাতক বৰুণ মূড়াৰ আছিল প্ৰেম সম্পৰ্ক। ঘটনা সংঘটিত কৰি পলায়ন কৰে  বৰুণ মূড়াই। ঘটনা উচিত তদন্ত বিচাৰি লাহোৱাল থানা ঘেৰাও কৰিছে স্থানীয় লোকে।

ইয়াৰ পাছতে আৰক্ষীয়ে ঘটনাক লৈ তদন্ত আৰম্ভ কৰে। ইতিমধ্যে ঘটনাৰ মূল অভিযুক্ত বৰুণ মূড়াক আটক কৰিছে আৰক্ষীয়ে। লাহোৱালৰ টিমনা চাহ বাগিচাত লুকাই থকা অৱস্থাত বৰুণ মূড়াক গ্ৰেপ্তাৰ লাহোৱাল আৰক্ষীৰ।