Assam HS Result 2025 LIVE: উচ্চতৰ মাধ্যমিক চূড়ান্ত পৰীক্ষাৰ ফলাফল ঘোষণা, প্ৰতিমুহূৰ্তৰ আপডেট চাওক

বৃত্তিমুখী শাখাত শোচনীয় ফলাফল হাইলাকান্দি জিলাৰ। বৃত্তিমুখী শাখাত হাইলাকান্দিত উত্তীৰ্ণৰ হাৰ ২৯.২৭%।

বিজ্ঞান আৰু বাণিজ্য শাখাত ডিমা হাছাওৰ আটাইতকৈ শোচনীয় প্ৰদৰ্শন। বিজ্ঞান শাখাত উত্তীৰ্ণৰ হাৰ ৫৬.২৭% আৰু বাণিজ্য শাখাত উত্তীৰ্ণৰ হাৰ ৪৬.৬০%।

কলা শাখাত আটাইতকৈ শোচনীয় প্ৰদৰ্শন দেখুৱাইছে কাছাৰ জিলাই। কলা শাখাত কাছাৰ জিলাৰ উত্তীৰ্ণৰ হাৰ ৫৮.৯৬ শতাংশ ।

উচ্চতৰ মাধ্যমিক চূড়ান্ত পৰীক্ষাৰ ফলাফল ঘোষণাৰ পাছত সামাজিক মাধ্যমত শিক্ষামন্ত্ৰী ডাঃ ৰণোজ পেগুৰ পোষ্ট। শিক্ষামন্ত্ৰীয়ে লিখিছে,  “আজি অসম ৰাজ্যিক বিদ্যালয় শিক্ষা পৰিষদে উচ্চতৰ মাধ্যমিকৰ কলা, বিজ্ঞান, বাণিজ্য আৰু বৃত্তিমূলক পাঠ্যক্ৰমৰ চূড়ান্ত পৰীক্ষাৰ ফলাফল ঘোষণা কৰিছে। পৰীক্ষাত সফলতা অৰ্জন কৰা সকলো শিক্ষাৰ্থীকে অভিনন্দন জনাইছোঁ।”

লগতে লিখিছে, “যিসকল পৰীক্ষাৰ্থী সফল নহ’ল, তেওঁলোক নিৰাশ হ’ব নালাগে। সকলোৱে আগন্তুক পৰীক্ষাৰ বাবে পূৰ্ণোদ্যমে প্ৰস্তুতি আৰম্ভ কৰি সফলতা অৰ্জন কৰাৰ আশা ৰাখিছোঁ।”

উচ্চতৰ মাধ্যমিক চূড়ান্ত পৰীক্ষাৰ ফলাফল বিজ্ঞান শাখাৰ শীৰ্ষত আছে পশ্চিম কাৰ্বি আংলং জিলা।  পশ্চিম কাৰ্বি আংলঙত উত্তীৰ্ণৰ হাৰ ১০০ শতাংশ।

উচ্চতৰ মাধ্যমিক চূড়ান্ত পৰীক্ষাৰ ফলাফলত বাণিজ্য শাখাৰ শীৰ্ষত আছে দক্ষিণ শালমৰা।  দক্ষিণ শালমৰাত উত্তীৰ্ণৰ হাৰ ১০০ শতাংশ।  বৃত্তিমুখী শাখাৰ শীৰ্ষত বিশ্বনাথ, লখিমপুৰ, নলবাৰী, শ্রীভূমি জিলা কেউখন জিলাৰ উত্তীৰ্ণৰ হাৰ ১০০ শতাংশ।

বাণিজ্য শাখাত প্রথম বিভাগত উত্তীর্ণ হৈছে ৬,৫১৯ গৰাকী শিক্ষাৰ্থী। দ্বিতীয় বিভাগত ৫,৭৬০ গৰাকী আৰু তৃতীয় বিভাগত ২,৩০৫ গৰাকী শিক্ষাৰ্থী উত্তীর্ণ হৈছে।

বিজ্ঞান শাখাত ২৫,৮২৭ গৰাকী শিক্ষাৰ্থী উত্তীর্ণ হৈছে প্রথম বিভাগত। দ্বিতীয় বিভাগত ১৯,২৮৬ গৰাকী আৰু তৃতীয় বিভাগত উত্তীর্ণ ৩,১৯৬ গৰাকী।

উচ্চতৰ মাধ্যমিক চূড়ান্ত পৰীক্ষাত কলা শাখাত ৪৯,৫৭৭ গৰাকী প্ৰথম বিভাগত উত্তীর্ণ হৈছে। দ্বিতীয় বিভাগত উত্তীর্ণ হৈছে ৮০,৬৫০ গৰাকী ।  আৰু তৃতীয় বিভাগত উত্তীৰ্ণ হৈছে ৫৩,৫১৮ গৰাকী।

কলা শাখাৰ শীৰ্ষত বাক্সা জিলা।  বাক্সা জিলাত উত্তীৰ্ণৰ হাৰ ৯৪.২১ শতাংশ।  বিজ্ঞান শাখাৰ শীৰ্ষত পশ্চিম কাৰ্বি আংলং জিলা।  পশ্চিম কাৰ্বি আংলঙত উত্তীৰ্ণৰ হাৰ ১০০ শতাংশ। বাণিজ্য শাখাৰ শীৰ্ষত দক্ষিণ শালমৰা।  দক্ষিণ শালমৰাত উত্তীৰ্ণৰ হাৰ ১০০ শতাংশ।  বৃত্তিমুখী শাখাৰ শীৰ্ষত বিশ্বনাথ, লখিমপুৰ, নলবাৰী, শ্রীভূমি জিলা কেউখন জিলাৰ উত্তীৰ্ণৰ হাৰ ১০০ শতাংশ।

বাণিজ্য শাখাত উত্তীৰ্ণৰ হাৰ ৮২.১৮ শতাংশ।  ১৪,৫৮৪ গৰাকী পৰীক্ষাৰ্থী উত্তীর্ণ হৈছে বাণিজ্য শাখাত। বৃত্তিমূলক পৰীক্ষাত উত্তীৰ্ণৰ হাৰ ৬৮.৫৫ শতাংশ। ১,২০২ গৰাকীৰ ভিতৰত উত্তীৰ্ণ হৈছে ৮০২ গৰাকী পৰীক্ষাৰ্থী।

উচ্চতৰ মাধ্যমিক চূড়ান্ত পৰীক্ষাত বিজ্ঞান শাখাত উত্তীৰ্ণৰ হাৰ ৮৪.৮৮ শতাংশ।  ৪৮,৩০৯  গৰাকী পৰীক্ষাৰ্থী উত্তীর্ণ হৈছে বিজ্ঞান শাখাত ।

এইবাৰ উচ্চতৰ মাধ্যমিক চূড়ান্ত পৰীক্ষাত কলা শাখাত উত্তীৰ্ণৰ হাৰ ৮১.০৩ শতাংশ। কলা শাখাত উত্তীর্ণ  হৈছে ১ লাখ ৮৩ হাজাৰ ৭৪৫ গৰাকী পৰীক্ষার্থী। কলা শাখাৰ শীৰ্ষত আছে বাক্সা জিলা।

বুধবাৰে পুৱা ৯:০০ বজাৰ  লগে লগে ৱেবছাইটত উপলব্ধ হ’ল কলা, বিজ্ঞান, বাণিজ্য আৰু ভকেচনেল শাখাৰ ফলাফল।এইবাৰ মুঠ ৩০২৪২০ গৰাকী শিক্ষাৰ্থী অৱতীৰ্ণ হৈছিল উচ্চতৰ মাধ্যমিক পৰীক্ষাত। অনলাইনযোগে মুঠ ১২টা ৱেবছাইটত ফলাফল চাব পাৰিব শিক্ষাৰ্থীসকলে।

এণ্ড্ৰইড এপ ‘UPOLOBDHA’তো চাব পাৰিব ফলাফল। গুগল প্লে’ ষ্ট’ৰৰ পৰা এই এপ ডাউনলোড কৰিব লাগিব।

পিছত ছাত্ৰ-ছাত্ৰীসকলে তেওঁলোকৰ বিদ্যালয়ৰ পৰা তেওঁলোকৰ মূল দ্বাদশ শ্ৰেণীৰ নম্বৰ শ্বীট সংগ্ৰহ কৰিব লাগিব। অনলাইন মাৰ্কশ্বীটখন ছাত্ৰ-ছাত্ৰীয়ে কেৱল কলেজত নামভৰ্তিৰ বাবেহে ব্যৱহাৰ কৰিব পাৰিব। মাৰ্ক শ্বীটত ছাত্ৰ-ছাত্ৰীৰ ব্যক্তিগত তথ্যৰ লগতে বিভিন্ন বিষয়ত লাভ কৰা নম্বৰৰ তথ্য থাকিব।

• আপোনাৰ ফোনত মেছেজিং এপটো খুলিব।
• নতুন মেছেজ লিখক: ASSAM12<space>Roll Number.
• ৫৬২৬৩ নম্বৰত এছএমএছ প্ৰেৰণ কৰক।
• ফলাফল একে নম্বৰলৈ টেক্সট মেছেজ হিচাপে প্ৰেৰণ কৰা হ’ব।

অনলাইনযোগে মুঠ ১২টা ৱেবছাইটত ফলাফল চাব পাৰিব শিক্ষাৰ্থীসকলে

• ahsec.assam.gov.in
• assamresult.in
• assamjobalerts.com
• indiaresults.com
• schools9.com
• results.shiksha 24.in
• iresults.in
• iresults.net
• vidyavision.com
• jagranjosh.com
• ndtv.com
• indianexpress.com

এইবাৰ মুঠ ৩০২৪২০ গৰাকী শিক্ষাৰ্থী অৱতীৰ্ণ হৈছিল উচ্চতৰ মাধ্যমিক পৰীক্ষাত। কলা শাখাত  ২,৩০,০৯১জন, বিজ্ঞান শাখাত  ৫৭,৭২৪ জন আৰু বাণিজ্য ১৭,৮৬৯ জন শিক্ষাৰ্থীয়ে পঞ্জীয়ন কৰিছিল।

৩০ এপ্ৰিল, বুধবাৰে ঘোষণা কৰা হ’ব উচ্চতৰ মাধ্যমিক চূড়ান্ত পৰীক্ষাৰ ফলাফল। বুধবাৰে পুৱা ৯:০০ বজাৰ  লগে লগে ৱেবছাইটত ছাত্ৰ-ছাত্ৰীসকলে চাব পাৰিব কলা, বিজ্ঞান, বাণিজ্য আৰু ভকেচনেল শাখাৰ ফলাফল।