দুৰ্নীতিৰ অভিযোগ! হাছিনাৰ পৰিয়ালৰ সদস্যৰ বিৰুদ্ধে শাস্তি ঘোষণা আদালতৰ…
ন্যায়াধীশ মহম্মদ ৰবিউল আলমৰ নেতৃত্বত ৪ জনীয়া বিশেষ বিচাৰপীঠে এই গোচৰত শ্বেখ হাছিনাক ৫ বছৰৰ কাৰাদণ্ড বিহে। হাছিনাৰ ভগ্নী শ্বেখ ৰেহানা আৰু তেওঁৰ কন্যা টিউলিপ ছিদ্দিককো দোষী সাব্যস্ত কৰা হয়।
বাংলাদেশৰ প্ৰাক্তন প্ৰধানমন্ত্ৰী শ্বেখ হাছিনাৰ শাস্তি বৃদ্ধি। এইবাৰ ঢাকাৰ এখন বিশেষ আদালতে দুৰ্নীতিৰ গোচৰত হাছিনা, তেওঁৰ ভগ্নী আৰু ভতিজীৰ শাস্তি ঘোষণা কৰে। ন্যায়াধীশ মহম্মদ ৰবিউল আলমৰ নেতৃত্বত ৪ জনীয়া বিশেষ বিচাৰপীঠে এই গোচৰত শ্বেখ হাছিনাক ৫ বছৰৰ কাৰাদণ্ড বিহে। হাছিনাৰ ভগ্নী শ্বেখ ৰেহানা আৰু তেওঁৰ কন্যা টিউলিপ ছিদ্দিককো দোষী সাব্যস্ত কৰা হয়।
দুয়োকে মুঠ ৭ বছৰ আৰু দুবছৰ কাৰাদণ্ডৰ শাস্তি প্ৰদান কৰা হয়। তদুপৰি আদালতে ব্ৰিটিছ সংসদৰ সদস্য টিউলিপক এক লাখ টকা জৰিমনা আদায় দিয়াৰ নিৰ্দেশ প্ৰদান কৰে। যদি তেওঁ ধন নিদিয়ে তেন্তে অতিৰিক্ত ছমাহ কাৰাগাৰত কটাব লাগিব। এক লাখ টকা জৰিমনাও দিব লাগিব ৰেহানাই। ১৯৯৫ চনত ঢাকাৰ পৰা ১৬ কিলোমিটাৰ দূৰত্বত আৰম্ভ কৰা হৈছিল পূৰ্বাচল নিউ চিটি প্ৰজেক্ট। কিন্তু ৰাজনৈতিক অশান্তি, চৰকাৰ সলনি, আৰু সৰ্বোপৰি মাটিৰ সমস্যাৰ বাবে কামটো সম্পূৰ্ণ নহ’ল।