Office Politics ৰ পৰা কিদৰে বাচিব? উপায় জনালে প্ৰেমানন্দ মহাৰাজে…
Premanand ji Maharaj: এজন ভক্তই প্ৰেমানন্দ মহাৰাজক সুধিলে যে যদি অফিচৰ মানুহে যদি হাৰাশাস্তি কৰে তেন্তে কি কৰিব। এই লেখাটোত সেই প্ৰশ্নৰ উত্তৰত প্ৰেমানন্দ মহাৰাজে কি ক’লে তাকে জানো আহক।
বৃন্দাবনৰ জনপ্ৰিয় সাধু তথা আধ্যাত্মিক গুৰু প্ৰেমানন্দ মহাৰাজে তেওঁৰ প্ৰবচনৰ জৰিয়তে ভক্তক পথ প্ৰদৰ্শন কৰে। দূৰ-দূৰণিৰ পৰা ভক্তসকলে নিজৰ সমস্যাৰ সমাধান বিচাৰি তেওঁৰ ওচৰলৈ আহে। শেহতীয়াকৈ দিয়া এক প্ৰবচনৰ সময়ত এগৰাকী মহিলাই প্ৰেমানন্দ মহাৰাজক সুধিছিল, “অফিচৰ ৰাজনীতি এতিয়া সহ্য নহয়, ইয়াৰ পৰা হাত সাৰিবলৈ কি কৰা উচিত।” এই প্ৰশ্নৰ উত্তৰত মহাৰাজ জীয়ে কি ক’লে জানো আহক।
অফিচত অপমান হ’লে কি কৰিব?
এগৰাকী মহিলাই সুধিলে, “অফিচত যেতিয়া মোক অপমান, অৱজ্ঞা, সমালোচনা, উপহাস কৰা হয় তেতিয়া মই কি কৰিম? মই তাত কাম কৰিব লাগে নে নালাগে?” প্ৰেমানন্দ মহাৰাজে উত্তৰ দিলে, “এনে পৰিস্থিতিত উৎসাহেৰে কাম কৰক। যদি ভুল হয় তেন্তে নিজকে শুধৰাই লোৱা উচিত। যদি নহয় তেন্তে মানুহৰ সমালোচনাৰ প্ৰতি গুৰুত্ব নিদিয়া উচিত।”
প্ৰেমানন্দ মহাৰাজে সমাধানৰ কথা ক’লে
প্ৰেমানন্দ মহাৰাজে ক’লে, “যদি কৰ্মক্ষেত্ৰত মানুহে আপোনাক হাৰাশাস্তি কৰে বা অপমান কৰে, আৰু আপুনি এনে পৰিস্থিতি সহ্য কৰিব নোৱাৰে, তেন্তে প্ৰভুৰ নাম জপ কৰক। ইয়াৰ ফলত আপোনাৰ সহনশীলতা বাঢ়িব। আমি গোটেই জীৱন সহ্য কৰিব লাগিব । যিজন সহ্য কৰে তেওঁ এজন মহাত্মা। যি ভাঙি যায় তেওঁ সাংসাৰিক।”
মায়াৰ পৰা পলাই যোৱাটো অসম্ভৱ
মহাৰাজে বুজাই দিয়ে যে ঈশ্বৰে আমাক পৰিস্থিতি সলনি কৰিবলৈ নহয়, প্ৰতিটো পৰিস্থিতিত আমাৰ হৃদয় পৰিপক্ক কৰিবলৈ সৃষ্টি কৰিছে। ঈশ্বৰে আমাক শক্তিশালী কৰিবলৈ আৰু হৃদয়ক পৰিপক্ক কৰিবলৈ পৰিস্থিতি দিছে। গতিকে আমি পৰিস্থিতিৰ পৰিৱৰ্তনৰ দাবী কৰা উচিত নহয়। বৰঞ্চ আমি পৰিস্থিতিৰ সন্মুখত সাহসেৰে যুঁজিব পৰা ক্ষমতা আহৰণ কৰা উচিত। পৃথিৱীৰ সকলো ঠাইতে মায়া আছে, যাৰ পৰা আমি সাৰি যাব নোৱাৰো।
প্ৰেমানন্দ মহাৰাজে আৰু কয় যে, ঈশ্বৰে আপোনাক ভাবি-চিন্তি আৰু ইচ্ছাকৃতভাৱে সেই পৰিস্থিতিত ৰাখিছে, আমি এই ঐশ্বৰিকভাৱে নিৰ্ধাৰিত পৰিস্থিতিত শক্তিশালী হ’ব লাগিব ৷ এনে পৰিস্থিতিত আমি দুৰ্বল হ’ব নালাগে, বৰঞ্চ সহনশীল হ’ব লাগে। যেতিয়া আপুনি সহনশীল হ’ব তেতিয়া কৰ্মস্থলীত বা আন কোনো ঠাইত সমালোচনা কৰিলে আপোনাৰ ওপৰত কোনো প্ৰভাৱ নপৰে। সহনশীলতা ধৰি ৰাখিবলৈ অহৰহ প্ৰভুৰ নাম জপ কৰিব লাগে।