Ganesh Chaturthi 2025: গণেশ চতুৰ্থী কেতিয়া? জানক দিন, পূজা কৰাৰ শুভ সময় আদি সকলো…
Ganesh Chaturthi 2025: হিন্দু ধৰ্মত ভগৱান গণেশৰ বিশেষ মহত্ব আছে। প্ৰতিবছৰে ভক্তসকলে গণেশ চতুৰ্থী পালন কৰে। ২০২৫ চনৰ গণেশ চতুৰ্থীও শীঘ্ৰেই অনুষ্ঠিত হ'ব।

গণেশ
হিন্দু ধৰ্মত ভগৱান গণেশৰ বিশেষ মহত্ব আছ। মান্যতা অনুসৰি, কোনো দেৱ-দেৱীক পূজা কৰাৰ পূৰ্বে গণেশৰ পূজা কৰাতো প্ৰয়োজনীয়। ভাৰতত গণেশ চতুৰ্থীও বহু ধুমধামেৰে পালন কৰা হয়। ভগৱান গণেশৰ জন্ম বাৰ্ষিকী হিচাপে পালন কৰা হয় গণেশ চতুৰ্থী। কিছুমান ঠাইত এই গণেশ উৎসৱ ১০ দিন পৰ্যন্ত পালন কৰা হয়। মান্যতা অনুসৰি, প্ৰতিবছৰে ভাদ মাহৰ শুক্ল পক্ষৰ চতুৰ্থী তিথিত গণেশ চতুৰ্থী অনুষ্ঠিত কৰা হয়। এই দিনটোত গণেশত পূজা কৰাৰ লগতে মানুহে সুখ-সমৃ্দ্ধি, জ্ঞান আদিৰ বাবে আশীৰ্বাদ বিচাৰে।
ভগৱান গণেশৰ জন্ম দুপৰীয়াৰ সময়ত হৈছিল, সেয়েহে গণেশ পূজাৰ বাবে দুপৰীয়াৰ সময় অধিক উপযোগী বুলি ধৰা হয়। এই সময়ছোৱাত ভক্তসকলে সম্পূৰ্ণ ৰীতি-নীতিৰে গণেশ পূজা কৰে। ভাদ মাহৰ শুক্ল পক্ষৰ সময়ত ভগৱান গণেশৰ জন্ম হৈছিল। প্ৰতি বছৰে আগষ্ট বা ছেপ্টেম্বৰ মাহত এই উৎসৱ পালন কৰা হয়। অনন্ত চতুৰ্দশীৰ দিনা গণেশোৎসৱৰ অন্ত পৰে আৰু এই দিনটোতে বিসৰ্জন কৰা হয়। অনন্ত চতুৰ্দশীৰ দিনা ভক্তসকলে ভগৱান গণেশৰ মূৰ্তিটো পুখুৰী, বিল, নদীত অতি আড়ম্বৰ আৰু প্ৰদৰ্শনেৰে বিসৰ্জন দিয়ে।
গণেশ চতুৰ্থী ২০২৫ কেতিয়া?
- চতুৰ্থী তিথি ২৬ আগষ্ট ২০২৫ তাৰিখে দিনৰ ০১:৫৪ বজাৰ পৰা আৰম্ভ হ’ব।
- চতুৰ্থী তিথিৰ অন্ত পৰিব ২৭ আগষ্ট ২০২৫ তাৰিখে দিনৰ ০৩:৪৪ বজাত।
- ২০২৫ চনৰ ৬ ছেপ্টেম্বৰ শনিবাৰে কৰা হ’ব গণেশ বিসৰ্জন।
- গণেশ চতুৰ্থীৰ দিনা দুপৰীয়া পূজা মুহুৰ্তা পুৱা ১১:০৫ বজাৰ পৰা নিশা ০১:৪০ বজালৈ হ’ব। যাৰ মুঠ সময়সীমা হ’ব ২ ঘন্টা ৩৪ মিনিট।
মান্যতা অনুসৰি, ভগৱান গণেশৰ জন্ম হৈছিল দুপৰীয়া। এই দিনটো পাঁচ ভাগত বিভক্ত। ইয়াত গণেশ পূজাৰ বাবে দুপৰীয়াৰ সময়খিনি আটাইতকৈ উপযোগী বুলি বিবেচিত হয়। সেইবাবেই এই দিনটোত দুপৰীয়াৰ সময়ত পূজা কৰে। এই সময়ছোৱাত গণেশৰ মূৰ্তি স্থাপন কৰিব পাৰে।
(অস্বীকাৰ: এই বাতৰিত দিয়া তথ্য ধৰ্মীয় বিশ্বাস আৰু মান্যতাৰ ওপৰত ভিত্তি কৰি দিয়া হৈছে। টিভি৯ অসমে এই কথা নিশ্চিত কৰা নাই।)
অন্য খবৰ পঢ়কঃ বৈবাহিক জীৱনৰ পৰা দূৰ হ’ব সকলো সমস্যা! কৰক মাঁথো এই কাম…